য়ুথ এফিয়র্স এন্দ স্পোর্তসকী কেন্দ্রগী মন্ত্রী শ্রী কিরেন রিজিজুনা নেস্নেল দোপ তেস্তিং লেবোরতরী (এন.দি.তি.এল.) অমসুং নেস্নেল ইন্সতিত্যুত ওফ ফার্মাকোতিকেল্স এজুকেসন এন্দ রিসর্চ (এন.আই.পি.ই.আর.), গুৱাহাতিগা পুন্না চুংশিন্নদুনা হোৎনদুনা এন্তি-দোপিং সিন্থেসাইজকী লমদা কেমিকেল তেস্তিং শিজিন্ননবা খ্বাইদগী অনৌবা রিফরেন্স মেতরিএল অমা লোঞ্চ তৌখ্রে।

রিফরেন্স মেতরিএল (আর.এম.) অসি এন.দি.তি.এল.না মালেমগী ওইনা তাংনা ফংবা আর.এম.শিংগী মরক্তা অমা ওইনা শকখঙখ্রে অমসুং ৱর্ল্দ এন্তি দোপিং এজেন্সী (দবল্যু.এ.দি.এ.) – এক্রেদিতেদ লেবোরেতোরী পুম্নমক্তা এন্তি-দোপিংগী থবকশিংদা মপাঙ্গল কনখৎহনবদা শিজিন্নবা য়ারগনি। এন.দি.তি.এল. অমসুং এন.আই.পি.ই.আর. গুৱাহাতিগী মরক্তা চহি ৩গী মনুংদা তাংনা ফংবা রিফরেন্স মেতরিএল (আর.এম.) ২০ সিন্থেসাইজ তৌনবা প্রপোজ তৌখিবা মেমোরেন্দম ওফ অন্দর্স্তেন্দিং অসি অগস্ত ২০২০দা খুৎয়েক পীনখি। আর.এম.শিং অসি ক্বালিতী কন্ত্রোল তৌবা হিরমশিংগীদমক্তা দোপ তেস্তিংদা তঙাই ফদনা শিজিন্নৈ মরম অসিনা মালেমগী ওইনা স্পোর্তসকী দোপ তেস্তিংদা মখোয় ফংহনবা হায়বা অসি য়াম্না মরু ওই।

আর.এম.শিং অসি লৈবনা এন্তি-দোপিং লেবোরেতোরীশিংনা মখোয়গী তেস্ত তৌবগী চাং অসি মপাঙ্গল কনখৎহনবদা মতেং ওইরগনি। মসিনা স্পোর্তসতা অফবা মওংদা শান্নবা থৌগৎনবা অচৌবা মতেং ওইরগনি।

“মসি ঐখোয় পুম্নমক্কী মরু ওইবা মীকুপ অমনি। পোৎশক অসি অপিকপনি অদুবু মসিনা চাউনা কান্নবা পীগনি। স্পোর্তসমেনশিপ হায়বদি তরু-তরুবা স্পোর্ত অমসুং হুরান চিন্থি য়াওদবা হায়বনি। এন.দি.তি.এল. অমসুং এন.আই.পি.ই.আর.-জি.গী সাইন্তিস্তশিংনা রিফরেন্স মেতরিএল ২০গী মনুংদা অমা পুথোকপা অসিগীদমক ঐহাক্না থাগৎচরি,” হায়না শ্রী কিরেন রিজিজুনা ফোঙদোকখ্রে।

অহানবা তাঙ্কক্কী ওইনা মালেমদা লৈরিবা দবল্যু.এ.দি.এ.- এক্রেদিতেদ দোপ তেস্তিং লেবোরেতোরী পুম্নমক্তা লমদম অসিদা শাজবা আর.এমগী মিলিগ্রাম ৫ লেম্না পীনবা ৱারেপসু লৌখ্রে। মসিনা ভারতনা দোপিংগী সমস্যা অসি থেংন্ননবা মপাঙ্গল কনখৎহনবা খক্তা নত্তনা পুম্নমক্তা য়ুনিতীগী ৱাখল্লোন অমা পোকহনবসু ঙম্লগনি। চাউথোকপা পোকপগা লোইননা শ্রী রিজিজুনা হায়, “প্রদক্ত অসি লেম্না য়েন্থোকপা হায়বা অসি অচৌবা থবক অমনি। মসিগী অফবা কয়া ফংবা ঙম্লগনি। দবল্যু.এ.দি.এ. লেবশিংদা ঐখোয়গী অফবা ওথোরিতী অমসুং অফবা মফম অমা লৈজৈ অমসুং ঐখোয়গী নাৎকী ওইবা ‘বসুধাইবা কুতুম্বকম’ – মালেম পুম্বা ঐখোয়গী ইমুং মনুংনি হায়বা ৱাখল্লোন অসি ঙাক্না চৎপা অসিদা ঐখোয়না চাউথোকচবা পোকই।”

এন.দি.তি.এল.না ভারতকী মাংজিল থারিবা সাইন্তিফিক ইন্সতিত্যুতশিংগা চুংশিন্নদুনা অমসুং কোলোন, তোকিয়ো অমসুং রোমদা লৈবা অতোপ্পা দবল্যু.এ.দি.এ.- এক্রেদিতেদ লেবোরেতোরীশিংগা লোইননা চুংশিন্নদুনা মখোয়গী রিসর্চকী থবক-থৌরমশিং মপাঙ্গল কনখৎহন্নবা থৌরাং কয়া পাইখৎখ্রে অমসুং এনতি-দোপিংগীদমক ৱাখল্লোনশিং ফোঙদোক্নখি। থৌরম অসিদা শ্রী কিরেন রিজিজুনা এন.দি.তি.এল.গী ন্যুসলেতরসু ফোঙখ্রে।

*******