نئی دلّی ، 28 جنوری / مرکزی وزیر داخلہ جناب امت شاہ نے دلّی پولیس کے ، اُن بہادر جوانوں کو دیکھنے کے لئے  اسپتالوں کا دورہ کیا  ، جو 26 جنوری کو یومِ جمہوریہ کے موقع  پر ٹریکٹر ریلی کے دوران تشدد میں زخمی ہوئے تھے ۔ جناب امت شاہ  سوشروتا  ٹروما سنٹر اورتیرتھ رام  اسپتال  میں گئے اور زخمی پولیس اہلکاروں کا  حال دریافت کیا

مرکزی وزیر داخلہ نے ایک ٹوئیٹ  میں کہا ہے ، ‘‘ آج اسپتال میں دلّی پولیس کے بہادر جوانوں سے ملا  اور اُن کی جلد صحت یابی کے لئے دعاء کی ۔ ’’ پورا ملک یومِ جمہوریہ پر ہوئے تشدد کے دوران بہادری اور تحمل کی مثال پر فخر کرتا ہے ۔

جناب امت شاہ نے زخمی پولیس اہلکاروں کے اہلِ خانہ سے بھی ملاقات کی ۔

دلّی میں تاریخی لال قلعہ سمیت  کئی مقامات پر ریلی میں  شامل لوگوں کے ذریعے  پولیس والوں کے خلاف تشدد  برپا کیا گیا اور توڑ پھوڑ کی گئی ۔ یہ واقعہ یومِ  جمہوریہ کے موقع پر ٹریکٹر ریلی کے دوران پیش آیا ، جس میں دلّی پولیس کے کئی افسران اور اہلکار زخمی ہوئے  ۔

۔۔۔۔۔۔۔۔۔۔

ش ح  ۔ و ا ۔ ع ا ۔

U. No. 921