کیمیکل اور فرٹیلائزرس کے مرکزی وزیر جناب ڈی وی سدانند گوڑا نے آج ایف سی آئی اراولی جپسم اینڈ منرلس انڈیا لمیٹڈ (فیم گل) کے سی ایم ڈی برگیڈیئر امر سنگھ راٹھور، سے مالی برس 2019۔20 کے لئے 12 کروڑ 51 لاکھ روپئے کا منافع حاصل کیا۔ اس موقع پر سکریٹری (فرٹیلائزرس) جناب راجیش کمار چترویدی بھی موجود تھے۔

جناب گوڑا نے اس موقع پر کہا کہ فیم گل گذشتہ چند برسوں سے بھارتی حکومت کو منافع فراہم کر رہی ہے۔ 17 سال کی مدت میں کمپنی کے ذریعہ مجموعی طور پر 101.34 کروڑ روپئے کا منافع دیا گیا ہے جو کہ 7.33 کروڑ روپئے کے ابتدائی ادائیگی سرمائے کا 1382 فیصد کے بقدر ہے۔ انہوں نے کمپنی کے ذریعہ حاصل کردہ نمو اور نتائج کی ستائش کرتے ہوئے امید ظاہر کی ہے کہ کمپنی آنے والے برسوں میں کئی گنا اضافہ کرے گی اور مزید منافع پیدا کرے گی۔

جودھپور مائننگ آرگنائزیشن (میسرز فرٹیلائزیشن کارپوریشن آف انڈیا ایف سی آئی ایل کی ایک اکائی) کے بند ہونے پر 14 فروری 2003 کو فیم گل کا قیام عمل میں آیا تھا۔ یکم اپریل 2003 کو اس نے 10 کروڑ روپئے کے زیادہ سے زیادہ سرمائے اور 7.33 کروڑ روپئے کے بقدر کے ادائیگی سرمائے کے ساتھ کام کاج کا آغاز کیا تھا۔ سال 18۔2017 کے دوران کمپنی نے 22.67 کروڑ روپئے کے بقدر کا بونس شیئر سرمایہ (مکمل طور پر حکومت ہند کی ملکیت میں) جاری کیا جس کے نتیجے میں کمپنی کا ادائیگی سرمایہ بڑھ کر 30.00 کروڑ روپئے ہوگیا۔

****

ش ح ۔اب ن

U-917