বোদো ইনসর্জেন্সীনা চহি ৩০গী মমাংদা পীরমখিবা মমীশিংগা লোইননা অকাই অতোই থোক্তুনা লৈরমখিবা অসামগী খ্বাইদগী লিরবা খাদি ইন্সতিত্যুসনশিংগী মরক্তা অমা খাদি এন্দ ভিলেজ ইন্দস্ত্রীজ কম্মিসন (কে.ভি.আই.সি.)না অমুক হন্না হিংগৎহনখ্রে। ১৯৮৯দা বোদো ইনসর্জেন্তশিংনা মৈ থাদোকখিবা অসামগী বাস্কা জিলাগী কৱালি খুঙ্গংগী খাদি ৱার্কশেদ অসি কে.ভি.আই.সি.না মুগা চিংনবা সেন্তর ওইনা নৌহৌননা শেমগৎখ্রে। ফেব্রুৱারীগী অনিশুবা চয়োলদগী নুপী আর্তিসেনশিং অমসুং অতোপ্পা স্তাফ ৫গা লোইননা ৱার্কশেদ অসিদা মোইথাপ নাইবা অমসুং ফী শাবগী থবক থৌরমশিং অমুক হন্না হৌরগনি।

ৱার্কশেদ অসি তমুলপুর অঞ্চালিক গ্রমদান সংঘ কৌবা খাদি ইন্সতিত্যুসন অমনা শারমখি মসি ১৯৬২দা চাইনিজ এগ্রেসনগী মতুংদা অরুনাচল প্রদেশতগী অসামদা হোংলকখি। মসি অহানবদা হঙ্গাম থাও পথোক্তুনা চল্লাইবা হৌখি অমসুং ১৯৭০দা মোইথাপ নাইবা অমসুং ফী শাবগী থবক থৌরমশিং মফম অসিদা হৌদুনা আর্তিসেনগী ইমুং-মনুং ৫০দা হিংনবগী লম্বী পীখি। অদুম ওইনমক লালহৌবশিংনা ১৯৮৯দা ইন্সতিত্যুসন অসি মৈ থাদোকখিবা মতমদা অৱাবা নংখি অমসুং মসিদগী হৌদুনা মথৌ তৌদনা লাকখিবনি।

কে.ভি.আই.সি.গী চিয়রমেন শ্রী বিনাই কুমার সক্সেনা হায় খাদি ৱার্কশেদ হিংগৎহনবা অসি ইতিসাস্তা য়াম্না মরু ওই অমসুং খাদিগী থবক থৌরশিং হৌবনা লোকেলশিংদা থবক পীবা হৌরগনি। “অহানবদা কে.ভি.আই.সি.না য়ুনিৎ অসি অসামগী ইরি মুগা চিংনবা শেমগৎকনি। মতুং তারকপদা ভিলেজ ইন্দস্ত্রী প্রদক্তশিং শাবা অসিগুম্বা অতোপ্পা খাদিগী থবক থৌরমশিংসু হৌরগনি। সেন্তর অসিনা লোকেল আর্তিসেনশিংদা থবক পীনবা অচৌবা লম্বী অমা ওইরগনি,” হায়না সক্সেনানা ফোঙদোকখ্রে। “খোঙথাং অসি ইকাই খুম্নরবা প্রধান মন্ত্রীগী মঙলান – সবকা সাধ, সবকা বিকাস, হায়বা অসুগা চপ মান্নরিবা খাদিগী গান্ধিয়ন প্রিন্সিপল “রুরেল রিসর্জেন্স”কী ৱাখল্লোনগী মখাদা হৌখিবনি” হায়না সক্সেনানা মখা তাখ্রে।

খাদি ৱার্কশেদ অসি গুৱাহাতিদগী কি.মি. ৯০ লাপ্না লৈ। ৱার্কশেদ অসি কে.ভি.আই.সি.দগী শেলগী তাংবাংগা লোইননা শেমগৎখিবনি। ৱার্কশেদ স্কীম অসিগী ৱাখল্লোনদি খাদি আর্তিসেনশিংদা মখোয়গী পোত্থোক হেনগৎহন্নবা অফবা থবক শুফম পীবনি। হৌখিবা চহিশিংদা কে.ভি.আই.সি.না উত্তর প্রদেশ, উত্তরাখন্দ, অসাম, ওরিশা অমসুং তামিল নাদুদা চহি কয়া মথৌ তৌদনা লৈরম্বা অসিগুম্বা খাদি ইন্সতিত্যুসনশিং হিংগৎহনখ্রে।

****