লোক সভা স্পিকর শ্রী ওম বির্লানা লৈবাক অসিগী মখল কয়াগী চৎনবি, মথেল-লুকোই অমসুং খুৎ-শা হৈবগী লমদা উৎপা ফেস্তিবিল ‘ভারত পর্ব ২০২১’ ঙসি হৌদোকখ্রে। তুরিজম অমসুং কলচরগী মিনিস্তর ওফ স্তেত (ইন্দিপেন্দেন্ত চার্জ) শ্রী প্রহলাদ সিংহ পতেলনা থৌরম অসিদা শরুক য়াখি। তুরিজম মিনিস্ত্রীনা অতৈ অতোপ্পা সেন্ত্রেলগী মিনিস্ত্রীশিংগা হন্দক্কী চহি অসিগী ২০২১গী জানুৱারীগী ২৬তগীনা ৩১ ফাওবা ‘এক ভারত শ্রেস্থা ভারত’গী ইথিলদা ‘ভারত পর্বনা’ থৌরম অসি শিনগদৌরি।

শ্রী ওম বির্লানা ৭২শুবা রিপব্লিক নুমিৎকী থৌরমদা মহাক্না ৱা ঙাংবদা মহাক্না প্রজা মীয়ামদা য়াইফ পাউজেল পীখি। ইন্দিয়াগী দেমোক্রেসি অসি থাগৎলদুনা, লোক সভাগী স্পিকরনা হায়খি মদুদি কন্সতিত্যুসন অসিনা নিংথিনা ঙাকপনা, হৌখিবা দিকেত ৭ অসিদা ঐখোয়গী দেমোক্রেসি অসি মপুং ফাখিবনি, মপাঙ্গল কনখৎখিবনি অমসুং হেন্না অচেৎপা অমা ওইখিবনি।

তুরিজম সেক্তর অসি য়েংলগা, শ্রী বির্লানা হায় মদুদি ঐখোয়গী লৈবাক অসিদা মশাগী ওইজবা তোপ-তোপ্পা অমা লৈজদবা স্তেত নত্ত্রগা দিস্ত্রীক্ত অমত্তা লৈতে। মসিগী তোপ-তোপ্পা অমা লৈজবা অসিনা ইন্দিয়া অসি মালেমগী লমকোইবশিংগী পুক্নিং চিংশিনফম ওইরিবনি। ঐখোয়না লৈবাক পুম্বা তুরিজম অমসুং কলচরগী মতেংনা শম্ননবা হোৎনরি হায়না স্পিকরনা হায়খি। 

শ্রী বির্লানা মখা তানা হায় মদুদি, ‘ভারত পর্ব’ থৌরম অসিগী মখাদা মিনিস্ত্রী অসিনা ইন্দিয়াগী তুরিজম, নুঙগী ওইবা অমসুং অতৈ থৌওংশিং অসি প্লেতফোর্ম অমদা পুরক্নবা হোৎনরি।

কোবিদ-১৯ লায়চৎ অসিনা তুরিজম সেক্তরদা য়াম্না চাওনা শিংনবা অমা পীবা অসি য়েংলগা, শ্রী বির্লানা হায়খি মদুদি খোঙয়েৎশিং অসিগী মথক্তা, তুরিজম সেক্তরনা মায়োক্নরিবা অৱাবা কয়া অসিদগী খুদোংচাবা অমদা ওন্থোক্নবা কন্না হোৎনরি। ইন্দিয়াগী তুরিজম সেক্তরদা লৈরিবা ওইথোকপা য়াবা লৈরিবশিং অসিদা মরুওইবা পীদুনা শ্রী বির্লানা হায় মদুদি তুরিজম সেক্তর অসি প্রজা মীয়ামদা খ্বায়দগী মশীং য়াম্না থবক পীবা মফম্নি। মহাক্না হায়খি মদুদি করিগুম্বা লৈবাক অসিগী সোসিও-ইকোনোমীগী ফিবম অসি অওনবা পুরকপা পাম্লবা অদু ওইরবদি তুরিজম সেক্তর অসি চাওখৎহনবা মথৌ তাই। স্তেসশিংনা লৌরিবা থৌদাংশিং অসি থাগৎপা ফোংদোক্লদুনা  শ্রী বির্লানা মখা তানা হায় মদুদি স্তেত খুদিংনা মশাগী মশা-মউ ফনবা, য়োগা অমসুং নুঙগী ওইবা তুরিজম সেক্ত মরী লৈনবা অসিদা চাওখৎনবা হোৎনরি।

থৌরম অসিদা ৱা ঙাংলদুনা তুরিজম মিনিস্তরনা শ্রী প্রহলাদ সিংহ পতেলনা হায় মদুদি তুরিজম অসি লৈবাক অসিগী মখল কয়াগী খেন্নবা অমসুং থায়নগী পোৎলম কয়া অমা খ্বায়দগী মফম চাবা অমনি। মহাক্না হায় মদুদি ‘দেখো অপ্না দেশ’ অসিগী পান্দম অসিনা তুরিজম মিনিস্ত্রীনা খোঙথাং কয়া অমা লৌখৎতুনা কান্নবা পুরক্নবা হোৎনরি। মসিগী খোঙথাং অসিনা প্রধান মন্ত্রীগী মিয়েং মখাদা লৈবাক অসিগী নাগরিক পুম্বা য়ামদ্রবদা মফম ১৫দা ২০২২ ফাওবগী মনুংদা কোইদুনা মফম অসিগী ওইবা তুরিজম অসি চাওখৎনবা হায়রি।

শ্রী প্রহলাদ সিংহ পতেলনা মখা তানা হায় মদুদি কোবিদ-১৯ লায়চৎকী মনুংদা খ্বায়দগী শোকপা ইন্দস্ত্রী অসি তুরিজম্নি অমসুং সরকারগী মথৌ পাংবা থৌরাংশিনা ইন্দস্ত্রী অসি মশক নাইবা অমা ওইরক্লি।   

তুরিজম সেক্রেতরী শ্রী য়োগেন্দ্র ত্রীপাথীনা হায় মদুদি ভারত সরকারগী তুরিজম মিনিস্ত্রীনা চহি খুদিংগী রিপব্লিক দে থৌরম পাংথোকপা মতম জানুৱারীগী ২৬তগী ৩১ ফাওবা দিল্লীগী রেদ ফোর্ত মমাংদা ভারত পার্ব অসি ২০১৬দগী পাংথোক্তুনা লাক্লি। মসিগী অচৌবা থৌরম অসিনা লৈবাক অসিগী ইমা লৈবাক নিংবশিং অমসুং চৎনবি কয়া অমা উৎনবা মিয়েংদা পাংথোকপনি। ভারত পার্বনা “ইসেন্স ওফ ইন্দিয়া” পাংথোক্লি। অদুম ওইনমক, কোবিদকা মরী লৈননা হন্দক্কী চহি অসি ভর্চুএল প্লেতফোর্মদা পাংথোক্লি, সেক্রেতরীনা শন্দোক্না তাক্লি।

সেন্ত্রেল মিনিস্ত্রী কয়া অমা অমসুং অতোপ্পা মিনিস্ত্রী হায়বদি কলচর মিনিস্ত্রী, আয়ুশ মিনিস্ত্রী, কঞ্জুমর এফিয়র্স মিনিস্ত্রী, রেলৱেজ মিনিস্ত্রী, সিভিল এবিএসন মিনিস্ত্রী, দিবলপমেন্ত কম্মিসনর হেন্দলুমস, দিবলপমেন্ত কম্মিসনর হেন্দিক্রাফ, ললিত কালা একাদেমী, আর্কিওলোজিকেল সর্ভে ওফ ইন্দিয়া, নেস্নেল ম্যুজিয়ম, নেস্নেল গেল্লরী ওফ মোদর্ন আর্তস, আই.অমসুং বি.গী মেদিয়া য়ুনিৎ, খাদী অমসুং ভিল্লেজ ইন্দস্ত্রীজ কম্মিসন (কে.ভি.আই.সি.) অসিনচিংবনা হেন্দিক্রাফ, হেন্দলুমস, ইশৈ, জগোই, লাই-য়েকপা অমসুং অতৈ কয়া অমা থৌরম অসিদা উৎখি।

রিপব্লিক নুমিৎকী পেরেদকী মিয়েং অমসুং আর্ম ফোর্সেসকী ম্যুজিক বেন্দগী ওইবা অসিনা হন্দক্কী চহি অসিগী ভর্চুএল ওইবা প্লেতফোর্মদা ফংগনি। হোতেল মেনেজমেন্তকী মখল কয়াগী সেন্ত্রেল ইন্সতিত্যুৎ অমসুং ইন্দিয়ন কলিনরি ইন্সতিত্যুৎনা মথেল কয়া অমা ভিদিওদা উৎক্নি।

মসিগী অখন্নবা ভর্চুএল ওইবা ভারত পার্ব ২০২১না ভিদিও কয়াঅমা/ফিল্ম, মমি, ব্রোচরশিং অমশুং অতৈ ই-পাউ কয়া অমা উৎকনি। মালেমগী মীওই কয়ানা ভারত পার্ব অসি মখোয়গী খুদোং চাবা মওংদা মোবাইল ফোন, লেপতোপ, কম্প্যুতরদা www.bharatparv2021.com চংদুনা য়েংবা য়াগনি।

*****