দা. হর্শ বর্ধন্না, কেন্দ্রগী হকশেল অমসুং য়াইফ-য়ুম্বাল মন্ত্রালয়না ঙসি ভিদিও কনফরেন্সকী খুত্থাংদা “ফেমিলী প্লান্নিং ২০২০: সেলেব্রেতিং প্রোগ্রেস, ত্রান্সফোর্মিং ফোর দি ফ্যুচর” কৌবা অৱাংবা থাক্কী ভর্চ্যুএল থৌরম অমদা দিজিতেল ওইনা ৱা ঙাংখ্রে। থৌরম অসি পাঙথোকপগী মরমদি এফ.পি.-২০২০গী পার্তনরশিপ অসি নুঙাইবা ফোঙদোক্নবা অমসুং ২০১৯-২০২০গী এন্যুএল প্রোগ্রেস রিপোর্ত ফোঙনবা অমসুং পার্তনরশিপকী মথংগী তাঙ্কক্কী পাঙথোক্কদবা প্রোসেসশিং পাইখৎপা হৌনবনি।

অহানবদা দা. হর্শ বর্ধন্না মরু ওইবা ফেমিলী প্লান্নিং ২০২০ পার্তনরশিপকী নুংঙাইবা ফোঙদোকপগী অচৌবা থৌরম অসিদা শরুক য়াবা ফংবদা নুংঙাইবা ফোঙদোকখ্রে অমসুং তিল্লিবা মীয়ামদা ফেমিলী প্লান্নিং ২০২০ পার্তনরশিপকী মেম্বর ওইবা অসি ভারতনা মতম পুম্বদা লুম্না লৌরি হায়না নীংশিংখ্রে। মালেম শিনা থুংনা ফেমিলী প্লান্নিং সর্ভিসশিং মপাঙ্গল কনখৎনবা এলাইয়েন্সনা থোইদোক হেনদোকপা মওংদা হোৎনরিবা অসিসু থাগৎপা ফোঙদোকখ্রে।

ভারতনা ফেমিলী প্লান্নিংগীদমক্তা হোৎনরিবা অসিগী মতাংদা পল্লদুনা মহাক্না হায়, “ঙসি অসি ভারত ইমাগী ৭২শুবা রিপব্লিক দে পাঙথোক্লি। ঐহাক্না হেন্না চাউথোকচবা পোক্লিবদি ঙল্লিঙৈ ১৯৫২গী মতমদা মালেমগী লৈবাকশিংদা ভারতনা নেস্নেল ফেমিলী প্লান্নিং প্রোগ্রাম ফোর্মুলেৎ তৌবা অহানবা ওইখিবা অসিনি। তুং তারকপদা প্রোগ্রাম অসি চাবোকপী অমসুং অঙাংগী হকশেল লোইননা ইখৎলক্লিবশিংগী হকশেল অমসুং মচি ওইবা চীঞ্জাক কোনশিনখ্রে। মসিদগী হৌনা ভারতনা মাগী প্রজাশিং হকচাং ফবা পুন্সি ওইহন্নবা শিংথানিংঙাই ওইনা হোৎনদুনা লাকখি।”

ফেমিলী প্লান্নিংগী লমদা হোৎনরিবা মখল কয়া অসিগী মরক্তা সীনর্জী লৈহন্নবা মতেং পাংদুনা ভারতকী থবকশিংদা অচৌবা ইনোৎ হাপ্লিবা এলাইয়েন্সপু থাগৎলদুনা, “পার্তনরশিপ অসিনা মেম্বর ওইরিবা লৈবাকশিংগী মরক্তা খ্বাইদগী নৌবা কন্ত্রাসেপ্তিবশিং লোইননা মীচম প্রজানা ফেমিলী প্লান্নিং সর্ভিসশিং শীজিন্নবা হেনগৎনবা খ্বাইদগী অফবা খোঙথাংশিং লৌখৎপগী মতাংদা লৌশিং এক্সচেঞ্জ তৌবদা মরু ওইবা থৌদাং অমা লৌখি” হায়বা মহাক্না উবা ফংখি।

হর্শ বর্ধন্না ভারতনা মাগী ফেমিলী প্লান্নিংগী পান্দমশিং থুংহনবদা এফ.পি. পার্তনরশিপনা মতেংলিবা অসিগী কান্নবা অদু ফোঙদোকখ্রে। ভারতনা মোদর্ন কন্ত্রাসেপ্তিব শীজিন্নবা অসি চাউরাক্না ৫৫% য়ৌহনদুনা লৈবাক অসিদা কন্ত্রাসেপ্তিব শীজিন্নবা হেনগৎহনদুনা ফেমিলী প্লান্নিং ২০২গী পান্দম ফংবা ঙমখ্রে; লৈবাকঅসিনা ফেমিলী প্লান্নিং সর্ভিসেস মপাঙ্গল কনখৎহন্নবা ২০২০ ফাওবদা য়ু.এস. দোলর বিলিয়ন ৩ হেন্না ইনবেস্ত তৌনবা থাজবা পীখিবা অদু হেনবা ঙমখ্রে; ইঞ্জেক্সন ওইনা কাপ্পা য়াবশিং অমসুং দ্রগ ‘সেন্তক্রোমেন’ হাপচিনদুনা কন্ত্রাসেপ্তিবশিংগী মখল অসি চাউনা হেনগৎহনবগা লোইননা হৌজিক ফাওবদা পুন্না ইঞ্জেক্সন ওইনা কাপ্পা য়াবা কন্ত্রাসেপ্তিব দোজ মিলিয়ন ৪ কাপখ্রে; মীরোনবী নুপী মিলিয়ন ১০ হেনবদা পোস্ত-পর্তম ইন্ত্রা-য়ুতেরিন কন্ত্রাসেপ্তিব দিভাইসকী কান্নবসু ফংহনখ্রে।

ভারতনা মাই পাকখিবশিং অদু শমলপ্না থম্লদুনা মহাক্না হায়, “কম্প্রিহেনসিব আই.ই.সি. কেম্পেনশিংগী খুত্থাংদা কন্ত্রাসেপ্তিবশিংগী ক্বালিতী হেনগৎহনবা, কন্ত্রাসেপ্তিবকী দিমান্দ হেনগৎহনবা অমসুং মিসন পরিবার বিকাসকী খুত্থাংদা চাবোকপগী চাং ৱাংবা জিলাদা অকনবা মীৎয়েং চংবা খোঙথাংশিং লৌখৎখিবা হায়রিবা খরা অসি লৈবাক অসিগী শিংথানিংঙাই ওইবা মাই পাকখিবশিংনি। মসিনা মরম ওইরগা হৌখিবা চহি খরা অসিদা চাবোকপগী চাং অমসুং চাপোকপী শীবগী চাং অসি অঙকপা ফংনা হন্থবা উবা ফংখ্রে। ঐখোয়না ২০৩০ ফাওবদা কন্ত্রাসেপসনগী কান্নবা ফংহনবা ঙমখিদবা অদু ফংহনদুনা মসি চাউনা হন্থহন্নবা হোৎনরি।”

ফেমিলী প্লান্নিং পার্তনরশিপকী মথংগী তাঙ্কক্কীদমক্তা ভারতনা প্রপোজ তৌখিবা অদুগী মতাংদা দা. হর্শ বর্ধন্না হায়: “চুংশিন্নবা হেনগৎপা, হেন্না অকনবা মওংগী এপ্রোচ অমসুং নহা ওইরিবশিংগী তঙাই ফদবশিং থুংহনবা হায়বা অসিনা খ্বাইদগী মরু ওই হায়বা ঐখোয়না খঙলে। ভারতনা মালেমগী এজেন্দা অসি ঙাক্না চৎলি। পুম্নমক্কী পান্দমদি অঙাং খুদিংমক পাম্না পোকপা, চাবোক খুদিংমক খুদোংথিদবা অমসুং নুপীমচা অমদি নুপী খুদিংমক ইকাই খুম্নবা মওংদা লোইনবীবা হায়া মঙলান অসিগা লোইননা এপ্রোচ অসি প্লান তৌবা অমসুং ইমপ্লিমেন্ত তৌবনি।”

দা. হর্শ বর্ধন্না মেম্বর খুদিংমক্তা মখোয়না লেপ্পা লৈতনা মতেং পাংবা অমসুং এলাইয়েন্স অসিদা থৱায় য়াওনা থবক তৌবা অসিগীদমক থাগৎলদুনা মহাক্কী ৱারোল অদু লোইশিনখি।

****