২০২১গী জানুৱারী ২৬তা ন্যু দিল্লীগী রাজপাথতা পাংথোক্কদৌরিবা ৭২শুবা রিপব্লিক দে থৌরম অসিদা ভারত লান্মীগী তৌবা ঙম্বা, কল্চরেল দাইভর্সিতী, সোসিয়েল অমসুং ইকোনোমিক প্রোগ্রেস অদু উৎলগনি৷ ভারতনা লৈবাক অসিদা য়াম্না খুমাং চাওশিনবা মওং অমদা শারিবা দিফেন্স তেক্নোলোজিশিং অদু উৎলদুনা আই.এন.এস. বিক্রমঅদিত্যদগী পাইখৎপা ঙম্বা-নেভীগী- লাইত কোম্বেৎ এয়রক্রাফত(এল.সি.এ.) য়াওনা উৎতুনা হন্দক চহী অসিগী দিফেন্স রিসর্চ অমসুং দিভেলপমেন্ত ওর্গনাইজেসন কন্তিঞ্জেন্ত অসিদা তেবলওক্স অনি য়াওরগনি৷ ইন্দিয়ন আর্মীনা মেন বেত্তল তেঙ্ক তি-৯০ বিশ্ম, ইনফেন্ত্রী কোম্বেৎ ভেহিকল বোলৱে মেছিন পিকেৎ(বি.এম.পি.- II)-সরাথ, বহ্মোস মিসাইল সিস্তেমগী মোবাইল ওতোনোমস লোঞ্চর, পিনাকা মল্তি লোঞ্চর রোকেৎ সিস্তেম  সমভিজে ইলেক্ত্রোনিক ৱার্ফেয়র সিস্তেমশিং উৎলগনি৷ ইন্দিয়ন নেভীনা পাকিস্তান আর্মীনা সরেন্দর তৌখিবা তেবলওক্স মুরেলশিং অসি উৎপগী মথক্তা ১৯৭১গী ইন্দিয়া-পাকিস্তান লানদা ইন্দিয়ন নেভীগী দাইভর্শিংনা শিজিন্নখিবা পেত্য ক্লাস জহাজ অমা অমসুং ওপরেসন Xকা লোইননা মুক্তি বাহিনি অমসুং অতোপ্পা জহাজ মখলশিং উৎলগনি৷ ইন্দিয়ন এয়র ফোর্স অসিনসু এম.আই.-১৭ ভি৫, চিনূক অমসুং অপাচি হেলিকোপ্তরশিংগা লোইননা অতোপ্পা মখলশিং উৎলগনি৷

লৈবাক অসিগী মমল নাইদ্রবা কল্চরেল হেরিতেজ, ইকোনোমিক প্রেগ্রেস অমসুং দিফেন্সকী শক্তি অদু উৎলিবা তেবলওক্স পুন্না কুনথ্রা-নিথোই-রাঝ্যশিং অমসুং য়ুনিয়ন তেরিতোরীদগী ১৭, তোঙান তোঙানবা মন্ত্রালয়শিং/দিপার্তমেন্তশিং অমসুং পেরামিলিতরী ফোর্সশিং অসিদগী মাপল অমসুং দিফেন্স মন্ত্রালয় অসিদগী তেবলওক্স তরুক্না রাজপাথ অসিদা উৎলগনি৷ স্কুল তম্লিবা অঙাংশিংনা ফোল্ক আর্তশিং অমসুং ক্রাফতশিংদা মখোয় মখোয়গী হৈ-শিংবা ময়াম অদু উৎলগনি; ওরিশাগী কলাহন্দিগী খ্বাইদগী ফজরবা ফোল্ককী ওইবা জগোই অমা ওইরিবা বজাসল উৎলগনি; ফিত ইন্দিয়া মোভমেন্ত, অত্মনির্ভর ভারত অদুসু উৎলগনি৷

বঙ্গলাদেশ আর্মীগী লান্মীশিং, বঙ্গলাদেশ নেভীগী সেলরশিং অমসুং বঙ্গলাদেশ এয়র ফোর্সকী নোংথোক্কী লান্মীশিং য়াওরিবা বঙ্গলাদেশ আর্ম ফোর্সেসকী মীওই ১২২না শাবা কন্তিঞ্জেন্ত অসিনা রাজপাথতা চৎকদৌরিবা কন্তিঞ্জেন্ত অসি লমজিংলগনি৷ বঙ্গলাদেশকী মমিং লৈরবা মুক্তিজোধাসনা ওপ্রেসনগী অমসুং কা হেন্না পাক শন্না ওৎ নৈখিবা অসিগী মাইয়োক্তা লান্থেংন্দুনা ১৯৭১দা বঙ্গলাদেশ অসিবু মনিং মখা তমহনখিবদা অচৌবা থৌদাং লৌরিবা মীওই অসিগী লিগেসী অসি বঙ্গলাদেশ কন্তিঞ্জেন্ত অসিনা মতুং ইল্লগনি৷ অচৌবা থৌরম অসিদা রাফেল এয়রক্রাফতনা পুংদা কি.মি.৯০০গী চাংদা পাইদুনা ‘ভর্তিকেল চার্লি’ উৎলগনি৷

প্রধান মন্ত্রী শ্রী নরেন্দ্র মোদীনা নেস্নেল ৱার মিমোরিয়েল অসিদা চৎতুনা রিপব্লিক দে পেরদ থৌরম অসি হৌদোক্লগনি৷ মহাক্না লৈবাক অসিগীদমক থৱাই থাদোকখ্রবা ঐখোয়গী মমল নাইদ্রবা হেরোশিং অসিদা ইকাই খুম্নবা উৎপা ওইনা লৈগী পরেং অমা থমদুনা লৈবাক অসিবু লমজিংলগনি৷ মতুং তারকপদা পেরদ অসিবু  হৌদোকপা ওইনা প্রধান মন্ত্রী অসিনা অমসুং অতোপ্পা ফমনাইবশিংনা রাজপাথতা ইকাই খুম্নবা উৎতুনা খুরুমলগনি৷

চৎনবিগী মতুং ইন্না লৈবাক অসিগী নেস্নেল ফ্লেগ অসি ইকাই খুম্নবা উৎপা ওইনা নোংমৈ-২১রক কাপ্তুনা নেস্নেল এন্থেমগা লোইননা মনিং মখা তম্না পাইহল্লগনি৷ রাস্ত্রপতি শ্রী রাম নাথ কোবিন্দনা খুরুমদুনা পেরদ অসি হৌদোক্লগনি৷ পেরদ অসি পেরদ কম্মান্দর, লেফতনেল জেনেরেল ভিজে কুমার মিশ্রা, অতি ভিশিশ সেভা মেদল, জেনেরেল ওফিসর কম্মান্দিং দিল্লী এরিয়া অসিনা কম্মান্দ তৌরগনি৷ দিল্লী এরিয়াগী চীফ ওফ স্তাফ মেজর অলোক কেক্করনা অনিশুবা পেরদ কম্মান্দর ওইরগনি৷

খ্বাইদগী মমল লৈরবা গেলেন্তরী এৱার্দশিং মাই পাক্লবা য়াম্না চাওথোকচনিংঙাই ওইরবা মীওইশিং অসিদা পীরগদনি৷ মসিদা পারম ভির চক্র অমসুং অশোক চক্রগী মাই পাক্লবশিং য়াওরি৷ পারম ভির চক্র ফংগদৌরিবশিং অদুদি সুবেদার মেজর য়োগেন্দ্র সিংহ য়াদব, গ্রেনেদিয়র ১৮ অমসুং সুবেদার সঞ্জে কুমার, জে.এ.কে. রাইফল ১৩ অমসুং অশোক চক্র ফংগদৌরিবা লেফতনেল কর্নেল দি শ্রীরামনা জীপতা দিপুতী পেরদ কম্মান্দর অসিগী মতুং ইল্লগনি৷ য়েক্নবশিং লান্থেংনবা মতমদা খ্বাইদগী থৌনা ফনা লান্থেংনখিবা অমসুং কৎথোকখিবা অদুগীদমক পারম ভির চক্র অসি পীবনি৷ অশোক চক্র অসিসু য়েক্নবা লান্থেংনবা নত্তনা অতোপ্পা হিরমশিংদা ত্থৌনা ফনা লান্থেংনবা অমসুং কৎথোকখিবা অদু মশক খঙবিবা ওইনা পীবনি৷

লৈবাক অসিদা শাজবা ইন্দিয়ন আর্মীগী মেন বেত্তল তেঙ্ক তি-৯০ বিশ্ম, ইনফেন্ত্রী কোম্বেৎ ভেহিকল(আই.সি.ভি.) বোলৱে মেছিন পিকেৎ(বি.এম.পি.- II)-,বহ্মোস ৱেপন সিস্তেম, পিনাকা ব্রিজ লেইং তেঙ্কশিং তি-৭২, সমভিজে ইলেক্ত্রোনিক ৱার্ফেয়র সিস্তেম অমসুং চিল্কা ৱেপন সিস্তেম অসিনা মেকানাইজ কলমশিং অসিগী মরু ওইবা মীৎয়েং চিংশিনফম ওইরগনি৷

গ্রান্দ ফাইনেলি অমসুং পেরদ অসিগী ময়াম্না খ্বাইদগী ঙাইনরিবা ফ্লাই পাস্ত অসি দাকোতা এয়রক্রাফতকী নাকল অনিদা ‘ভি.আই.সি.’ ফোর্মেসনদা এম.আই.- ১৭ IV  হেলিকোপ্তর অনিনা পাইরগনি অমসুং মখা তারকপদা ‘ভি.আই.সি.’ ফোর্মেসনদা চিনীক অমা অমসুং এম.আই.-১৭ হেলিকোপ্তর অনিনা সুদর্শন ফোর্মেসনদা পাইরগনি৷ মথংদা ‘ভি.আই.সি.’ ফোর্মেসনদা এম.আই.-৩৫ হেলিকোপ্তর অমগা লোইননা অপাচি হেলিকোপ্তর মরিনা রক্সক এতেক্ত হেলিকোপ্তর ফোর্মেসনদা পাইরগনি৷

পেরদ অসিগী লোইশিল্লকপা শরুক অসি রাফেল এয়রক্রাফত অমনা পুংদা কি.মি. ৯০০গী চাংদা য়াংনা ‘ভর্তিকেল চার্লিদা’ পাইরগনি৷  এয়রক্রাফত অসি ১৭ স্ক্বাদ্রোনগী কম্মান্দিং ওফিসর, সৌরয় চক্র, গ্রুপ কেপ্তেন হর্কিরৎ সিংহনা স্ক্বাদ্রোন লিদর কিস্লেকানগা লোইননা পাইরগনি৷ এয়রক্রাফত অসিনা মথক্তা য়ুংনা পাইখৎতুনা কয়ারক হন্না ওন ওন্দুনা পাইদুনা ইন্দিয়ন এয়র ফোর্সকী মোতো ‘নভা স্পার্শন দীপ্তম’ অসিদা ইকাই খুম্নবা উৎলগনি৷

থৌরম অসি নেস্নেল এন্থেম অমসুং মচু অহুমগী বোলশিং থাদোক্তুনা লোইশিল্লগনি৷

*****