অকোয়গী ফিবম, নুংশিৎ মোৎহনবা অমনবা গারিশিংগী “গ্রিন তেক্স” লৌনবা থৌরাং অমা রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকারিনা অয়াবা পীরে। মসি লাউথোক্ত্রিঙৈ মমাঙদা ৱা খন্ননবা হৌজিক থৌরাং অসি রাজ্যশিংদা শীন্নরগনি। গ্রিন তেক্স লৌবগী মরুওইবা ৱাখল্লোলশিং মখাদা লৈরে:

• ফিতনেস সর্তিফিগেত রিনিউ তৌবা মতমদা চহি ৮ হেল্লবা ত্রান্সপোর্ত গারিশিংদা রোদ তেক্স চাদা ১০দগী চাদা ২৫ ফাওবা লৌগনি;
• লনাই গারিশিং চহি ১৫গী মতুংদা রেজিস্ত্রেসন সর্তিফিগেত রিনিউ তৌবা মতমদা গ্রিন তেক্স লৌগনি;
• মীয়ামগী গারিশিং হায়বদি সিতি বসশিংদা গ্রিন তেক্স হন্থনা লৌগনি;
• নুংশিৎ য়াম্না শেংদবা সহরশিংদা গারিশিং রেজিস্তার তৌবদা গ্রিন তেক্স(রোদ তেক্সকী চাদা ৫০) ৱাংনা লৌগনি;
• থাউ মখলশিং(পেত্রোল/দিজল)অমসুং গারি মখলগী মতুংইন্না তোঙান-তোঙানবা তেক্স লৌগনি;
• হায়ব্রিদ গারিশিং, ইলেকত্রিক গারিশিং অমসুং সি.এন.জি, ইথানোল, এল.প.জিগী গারিশিং কোমথোক্কনি;
• লৌ উবদা শীজিন্নবা গারিশিং হায়বদি ত্রেক্তরশিং, হাসভেস্তরশিং অমসুং তিল্লরশিং কোমথোক্কনি;
• গ্রিন তেক্সতগী খোমগৎলকপা শেনফমশিং তোখাইবা একাউন্ত অমদা থমগনি অমসুং পোল্লুসন লাকশিন্নবা অমসুং মৈখু থাদোরকপা য়েংশিন্নবা রাজ্যশিংদা অনৌবা খুদোংচাবশিং লিংখৎপদা শীজিন্নগনি

 “গ্রিন তেক্স”কী কান্নবশিং :

• অকোয়গী ফিবম শোকহনবা গারিশিং মীয়াম্না শীজিন্নবা হন্থহনবা
• অনৌবা, মৈখু য়াম্না থোক্তবা গারিশিং শীজিন্ননবা মীয়াম পুক্নিং থৌগৎপা
• গ্রিন তেক্সনা পোল্লুনগী থাক হন্থহনগনি অমসুং মৈখু থাংহল্লিবশিংনা পোল্লুসনগী তেক্স পীগনি

চহি ১৫ হেল্লবা সরকারগী দিপার্তমেন্ত অমসুং পি.এস.য়ুগী গারিশিং রেজিস্ত্রেসন ককপা অমসুং কোঞ্চাক ওনহলখিনবা থৌশিল মিনিস্তরনা অয়াবা পীরে। মসি নোতিস থোক্লগনি অমসুং ২০২২গী এপ্রিল ১দগী চৎনবা হৌরগনি।

শেন তানবদা শীজিন্নরিবা অপুনবা গারিগী চাদা ৫ রোম্না অপুনবা গারিনা থোকহনবা পোল্লুসনগী চাদা ৬৫-৭০ রোম ওইহল্লি। অপুনবা গারিগী চাদা ১গী মখা ২০০০গী মমাঙদা শাখিবা অরিবা গারিশিংনি অমসুং গারিনা থোকহনবা পোল্লুসন চাদা ১৫ রোম মতেং পাংলি। হায়রিবা অরিবা গারিশিং অসিনা অনৌবা গারিশিংদগী শরুক ১০-২৫ হেন্না মৈখু থাংহল্লি।

*****