লৈবাক অসিগী অঙাং নুপীমচাশিংগী নুমিৎ ঙসি পাংথোকখ্রে৷ নুমিৎ অসি চহী খুদিংগী জানুৱারি ২৪দা পাংথোকই৷ নুমিৎ অসি ৱুমেন অমসুং চাইল্দ দিভেলপমেন্ত মন্ত্রীলয়গী ইনিসিয়েতিব অমা ওই৷ লৈবাক অসিদা লৈরিবা নুপীমচাশিং অসিদা পাংবা য়াবা মতেং পুম্নমক পাংবা অমসুং খুদোংচাবশিং ফংহনবা অসিনা লৈবাক অসিদা পাংথোক্লিবা নুপীমচাশিংগী নুমিৎ অসিগী পান্দম ওই৷ মসিনসু লৈবাক অসিদা লৈরিবা নুপীমচাশিং অসিগী হকশিং অসিগী মতাংদা হেন্না এৱার্নেস পীনবা অমসুং নুপীমচাশিং অসিগী মহৈ-মশিং অমসুং মখোয়গী হকশেল অমসুং ন্যুত্রিসন অসিগী মতাংদা হেন্না এৱার্নেস পীবা অসিসু নুমিৎ অসিগী পান্দম ওইরি৷

ঙসি লৈবাক অসিগী নুমীমচাশিংগী নুমিৎ অসিদা লৈবাক অসিগী নুপীমচাশিং অসিদা প্রধান মন্ত্রী শ্রী নরেন্দ্র মোদীনা ইকাই খুম্নবা উৎখ্রে৷ “লৈবাক অসিগী নুপীমচাশিংগী নুমিৎ অসিদা ঐখোয়না# লৈবাক অসিগী নুপীমচাশিং অমসুং তোঙান তোঙানবা ফিল্দশিংদা লৈরিবশিং অসিবু ইকাই খুম্নবা উৎলি৷ নুপীমচাশিং অসি লাইরিক তমহনবা, হকশেলদা হেন্না চেকশিন থৌরাং লৌহনবা অমসুং জেন্দর সেন্সিতিবিতী হেনগৎহনবা য়াওনা নুপীমচাশিং অসিদা হেন্না পাঙ্গল থৌনা হাপ্পদা মীৎয়েং থমদুনা কেন্দ্র সরকার অসিনা ইনিসিয়েতিব কয়ামরোম লৌখৎখ্রে৷” হায়না শ্রী নরেন্দ্র মোদীনা ত্বীত তৌরকখ্রে৷

“লৈবাক অসিগী নুপীমচাশিংগী নুমিৎ অসিদা নুপী মচা খুদিংমক্তা চপ মান্নবা হক ফংহন্নবা অমসুং খুদোংচাবা কয়ামরোম মখোয়দা ফংহন্দুনা মখোয়গী লৈরিবা ফিভম অসি হান্নদগী ফগৎনবা ঐখোয়না কন্না হোৎনরি৷ ঐখোয়না ঐখোয়গী নুপীমচাশিং অসিদা থাজবা থমশি অমসুং ইকাই খুম্নবা উৎশি অমসুং# দেশ কি বেতি অসি শিজিন্নদুনা নুপী মচাশিংগী তঙাই ফদনা সমাজ অসিদা মরু ওইরিবা অসিগী মতাংদা এৱার্নেস শন্দোকশি”৷

নেস্নেল এদজুকেসন পোলিসী(এন.ই.পি.)-২০২০ অসিনা নুপীমচাশিং অসিগী দিভেলপমেন্তদা মীৎয়েং থমদুনা “জেন্দর ইনক্লুজন ফন্দ” পুথোকখ্রে৷ নুপীমচাশিং অসিদা ক্বালিতী লৈবা অমসুং হেন্না চানবা মহৈ-মশিং ফংহন্নবা জি.ও.আই. অসিনা “জেন্দর ইনক্লুজন ফন্দ” অমা থাদরগনি৷ ফন্দ অসিনা নুপীমচাশিং ১০০% স্কুল তমহনবা অমসুং হাইয়র এদজুকেসনদা শরুক য়াবগী চাং ৱাংহনবা, লেভেল খুদিংদা লৈরিবা জেন্দর গেপ অদু হন্থহনবা, জেন্দর ইক্বুইতী লৈহনবা অমসুং পোজিতিব সিভিল দাইলোগশিং শিজিন্নদুনা নুপীমচাশিংগী লিদরশিপ কেপাসিতী হেন্না ফহনবা অসিদা মীৎয়েং থম্লি৷

স্কুল এদজুকেসনগী ইন্তিগ্রেতেদ স্কিম (আই.এস.এস.ই.) অমা ওইরিবা সমগ্রা শিক্সা মহৈ-মশিং মন্ত্রালয়গী স্কুল এদজুকেসন অমসুং লিতরেসী দিপার্তমেন্তনা চৎনরি অমসুং মসিগী মখাদা নুপীমচাশিং অসিগী মহৈ মশিং তম্নবা অসিগীদমক তোঙান তোঙানবা ইন্তর্বেন্সনশিং তার্গেৎ তৌখ্রে৷ স্কুল এদজুকেসনগী লেভেল খুদিংদা লৈরিবা জেন্দর অমসুং সোসিয়েল কেতিগোরীগী গেপশিং অসি মেনশিনবা অসিনা সমগ্র শিক্সা অসিগী য়াম্না মরু ওইবা পান্দমশিং অসিগী মনুংদা অমনি৷

মহৈ মশিংগী হিরমশিং অসিদা নুপীমচাশিংনা হেন্না হেন্না শরুক য়াননবগীদমক সমগ্র শিক্সাগী মখাদা তোঙান তোঙানবা ইন্তর্বেন্সনশিং তার্গেৎ তৌখ্রে৷ হায়রিবা ইন্তর্বেন্সনশিং অসিগী মনুংদা চল্লিবশিং অদুদি:

• রাজ্য অসিনা লেপ্পগী মতুং ইন্না অনকপা মফমশিং অসিদা স্কুলশিং হাংদোকপা,
• ক্লাস VIII ফাওবগী নুপীমচাশিং অসিদা লেম্না লাইরিক পীবা,
• ক্লাস VIII ফাওবগী মনুংদা লৈরিবা নুপীমচাশিং, এস.সি., এস.তি. অঙাংশিং অমসুং পোভর্তী লাইন(বি.পি.এল.)গী মখাদা লৈরিবা অঙাং পুম্নমক্তা য়ুনিফোর্মশিং পীবা,
• স্কুল পুম্নমক্তা নুপী অমসুং নুপাগী তোখায়বা লেত্রিনশিং থম্বা,
• নুপীমচাশিং শরুক য়াবা হেনগৎনবা ওজাশিংগী সেন্সিতাইজেসন প্রোগ্রামশিং শিনবা,
• ক্লাস VI তগী XII ফাওবগী মনুংদা লৈরিবা নুপীমচাশিং অসিদা মসা ঙাকথোকচনবা ত্রেনিং পীবা,
• ক্লাস Iদগী XII ফাওবদা তম্লিবা সি.দবল্যু.এস.এন. নুপীমচাশিং অসিদা স্ত্রাইপেন্দ পীবা,
• লৈফম য়াওবা স্কুলশিং/হোস্তেলশিং শেম্বা,
• চত্থোক চশিন  য়াম্না নুংঙাইতবা মনুং হঞ্জিনবা মফমশিং/চিংগী মফমশিং অসিদা লৈরিবা স্কুলশিং অসিদা তাকপি তম্বিরিবা ওজাশিং অসিগী লৈননবা ক্বাতরশিং শেমগৎপা অসিনি৷

হায়রিবা ময়াম অসিগী মথক্তা স্কুল এদজুকেসনগী লেভেল খুদিংদা লৈরিবা জেন্দর গেপ অসি হন্থনবা অমসুং খুদোংচাবা ফংদ্রবা কাংলুপশিং অসিগী মহৈ তম্লিবা নুপীমচাশিং অসিদা ক্বালিতী লৈবা এদজুকেসন পীনবগীদমক কস্তুর্ভ গান্ধি বালিকা বিদ্যলয়শিং(কে.জি.বি.ভি.শিং) সমগ্র শিক্সা অসিগী মখাদা এদজুকেস্নেল্লী বেক্তৱার্দ ব্লোকশিং(ই.বি.বি.এস.শিং) অসিদা সেঙ্কসন তৌখ্রে৷

হৌখিবা চহীশিং অসিদা য়ুথ এফিয়র্স অমসুং স্পোর্তস মন্ত্রালয়না শান্না খোৎনবদা নুপীশিং অসিনা শরুক য়ানবা এৱার্নেসশিং পাংথোকখ্রে অমসুং শান্না খোৎনবা অসিদা নহা ওইরিবা নুপীমচাশিং অসিনা হেন্না হেন্না শরুক য়ানবা পুক্নিং থৌগৎখ্রে৷ শান্না খোৎনবগী এক্তিবিতীশিং অসিদা নুপীশিংনা শারুক য়াবদা থেংনরিবা পলশিং অসিগী মতাংদা খেলো ইন্দিয়া স্কিমগী এক্সক্লুসিব কম্পোনেন্ত অমনা মীৎয়েং থম্লি অমসুং হায়রিবা পলশিং অসি থেংননবা মেকানিজমশিং শেমখ্রে অমসুং নুপীশিং শরুক য়াবা হেনগৎহনখ্রে৷ ২০১৮দগী ২০২০ ফাওবা পাংথোকখিবা খেলো ইন্দিয়া মশান্না অসিদা নুপীশিং শরুক য়াখিবগী চাং অসি ১৬১% য়ৌনা হেনগৎলকখ্রে৷ ২০১৮গী খেলো ইন্দিয়া স্কিম অসিগী মখাদা খন্দোক্লবা নুপী শান্নরোই ৬৫৭তা মতেং পাংলিবা অসিদগী হৌদুনা শান্নরিবা নুপী মশিং অসি হৌজিক্তি ১৪৭১(২২৩% হেনগৎলি) য়ৌনা হেনগৎলকখ্রে৷ ২০১৮গী সেপ্তেম্বর থাদা থোকখিবা তার্গেৎ ওলিম্পিক পোদিয়ম স্কিম অসিগী মখাদা নুপী শান্নরোই ৮৬ মনুং চনখি অমসুং ঙসিদি মশিং অসি ১৯০ য়ৌনা লৈরে(২২০% য়ৌনা লৈখ্রে)৷

নুপী সাইন্তিসশিং অমসুং তেক্নোলোজিস্তশিং অসিদা মখোয়গী কেরিয়রগী ওইবা খুদোংচাবশিং ফংহন্নবা সাইন্স অমসুং তেক্নোলোজি দিপার্তমেন্ত অসিনা ‘ঙাক শেন্দুনা রিসর্চ তৌবদা নোলেজ শিজিন্নবা(কিরন)’ স্কিম পুথোকখ্রে৷ তোঙান তোঙানবা প্রোগ্রামশিং অসিগী খুৎথাংদা রিসর্চ অমসুং দিভেলপমেন্তদা হৈ শিংলবা নুপীশিং শরুক য়াহন্দুনা সাইন্স অমসুং তেক্নোলোজি সেক্তর অসিদা নুপা-নুপীগী খেৎনবা লৈতনবা মসিনা পান্দম থম্মী৷

দি.এস.তি.গী নুপীশিংগী অখন্নবা প্রোগ্রামশিং অদুগী ফলশিং পীরি

ভারততা লৈরিবা নুপীশিং অসি হেন্না হৈ শিংনবগীদমক অফবা ইকোসিস্তেম শেমগৎনবা স্কিল দিভেলপমেন্ত মন্ত্রালয়না য়াম্না কন্না হোৎনরি৷ নেস্নেল স্কিল ত্রেনিং ইন্সতিত্যুত(এন.এস.তি.আই.শিং) ৩৩ লৈরিবা অসিগী মনুংদা এন.এস.তি.আই. ১৯দি নুপীশিং অসিদা স্কিল ত্রেনিং ফংহল্লি৷ এন.এস.তি.আই .শিং অসিদা সিত ৩,৪০০দি ক্রাফতমেন ত্রেনিং স্কিমগী মখাদা সেঙ্কসন তৌখ্রে অমসুং সিত ২,২২৫দি ক্রাফতস ইন্সত্রক্তর ত্রেনিং স্কিম(সি.আই.তি.এস.)গী মখাদা সেঙ্কসন তৌখ্রে৷ আই.তি. নেতৱার্কিং অমসুং ক্লাউদ কম্প্যুতিংদা নুপী ৪২১ এদভান্স দিপ্লোমাদা ত্রেন তৌখ্রে৷

নেস্নেল এপ্রেন্তাইজ প্রোমোসন স্কিমদা(এন.এ.পি.এস.) নুপী এপ্রেন্তাইজকী চাং অসি ২০১৬কী ওগস্ত থাদা ৪ %  ওইরম্বদগী ২০২০গী দিসেম্বর থাদা ১২%  ফাওবা হেনগৎলকখ্রে৷ স্ত্রাইব-এসিস্তেদ আই.তি.আই.শিং অসিদা মমিং চল্লকখিবা নুপী মশিং অসি ১৫.৫% দগী ১৯.১%  ফাওবা হেনগৎলকখ্রে৷ পি.এম.কে.ভি.ৱাই.গী মখাদা এফ.ৱাই. ২০১৯-২০ অসিগী মনুংদা আর.পি.এল. সর্তিফিকেৎ লাখ ২৩ পীখিবা অসিগী মনুংদা লাখ ৫দি নুপীনি৷ জন শিক্সন সন্সথান্স(জে.এস.এস.)২৭১ সেঙ্কন তৌখিবা অসিগী মনুংদা জে.এস.এস. ২২৭তি রাজ্যশিং/য়ু.সি.শিং অসিদা হৌজিক হৌজিক চৎনরি৷ বেনিফিসরী লাখ ৪গী মনুংদা (চহীদা পাবা) ৮৫% দি নুপীনি৷

******