‘ਪ੍ਰਧਾਨ ਮੰਤਰੀ ਰਾਸ਼ਟਰੀ ਬਾਲ ਪੁਰਸਕਾਰ, 2021’ 32 ਬੱਚਿਆਂ ਨੂੰ ਦਿੱਤੇ ਗਏ ਹਨ। ਭਾਰਤ ਸਰਕਾਰ ਨਵਾਚਾਰ, ਸਕੂਲੀ ਪੜ੍ਹਾਈ, ਖੇਡਾਂ, ਕਲਾ ਤੇ ਸਭਿਆਚਾਰ, ਸਮਾਜਕ ਸੇਵਾ ਤੇ ਵੀਰਤਾ ਦੇ ਖੇਤਰਾਂ ਵਿੱਚ ਵਿਲੱਖਣ ਯੋਗਤਾਵਾਂ ਤੇ ਬੇਮਿਸਾਲ ਪ੍ਰਾਪਤੀਆਂ ਵਾਲੇ ਬੱਚਿਆਂ ਨੂੰ ‘ਪ੍ਰਧਾਨ ਮੰਤਰੀ ਰਾਸ਼ਟਰੀ ਬਾਲ ਪੁਰਸਕਾਰ’ ਦਿੰਦੀ ਆ ਰਹੀ ਹੈ।

ਪੁਰਸਕਾਰ–ਜੇਤੂ ਬੱਚੇ 21 ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ 32 ਜ਼ਿਲ੍ਹਿਆਂ ਤੋਂ ਹਨ। ਸੱਤ ਪੁਰਸਕਾਰ ਕਲਾ ਤੇ ਸਭਿਆਚਾਰ ਦੇ ਖੇਤਰ ਵਿੱਚ ਦਿੱਤੇ ਗਏ ਹਨ, 9 ਪੁਰਸਕਾਰ ਨਵਾਚਾਰ ਅਤੇ 5 ਸਕੂਲੀ ਪ੍ਰਾਪਤੀਆਂ ਲਈ ਦਿੱਤੇ ਗਏ ਹਨ। ਸੱਤ ਬੱਚਿਆਂ ਨੇ ਇਹ ਪੁਰਸਕਾਰ ਖੇਡ ਵਰਗ ਵਿੱਚ, 3 ਬੱਚਿਆਂ ਨੇ ਵੀਰਤਾ ਲਈ ਜਿੱਤਿਆ ਹੈ ਅਤੇ ਇੱਕ ਬੱਚੀ ਨੂੰ ਸਮਾਜ–ਸੇਵਾ ਦੇ ਖੇਤਰ ਵਿੱਚ ਉਸ ਦੀਆਂ ਕੋਸ਼ਿਸ਼ਾਂ ਲਈ ਸਨਮਾਨਿਤ ਕੀਤਾ ਗਿਆ ਹੈ।

ਨੌਜਵਾਨ ਉਪਲਬਧੀਕਾਰਾਂ ਦੀ ਸ਼ਲਾਘਾ ਕਰਦਿਆਂ ਭਾਰਤ ਦੇ ਮਾਣਯੋਗ ਰਾਸ਼ਟਰਪਤੀ ਸ੍ਰੀ ਰਾਮ ਨਾਥ ਕੋਵਿੰਦ ਨੇ ਆਪਣੇ ਇੱਕ ਸੰਦੇਸ਼ ਵਿੱਚ ਕਿਹਾ ਹੈ ਕਿ ‘ਮੈਨੂੰ ਆਸ ਹੈ ਕਿ ‘ਪ੍ਰਧਾਨ ਮੰਤਰੀ ਰਾਸ਼ਟਰੀ ਬਾਲ ਪੁਰਸਕਾਰ, 2021’ ਨਾਲ ਨਾ ਸਿਰਫ਼ ਜੇਤੂ ਪ੍ਰੇਰਿਤ ਹੋਣਗੇ, ਸਗੋਂ ਇਸ ਨਾਲ ਕਰੋੜਾਂ ਹੋਰ ਯੁਵਾ ਬੱਚੇ ਵੀ ਸੁਫ਼ਨੇ ਵੇਖਣ, ਕੋਈ ਇੱਛਾ ਰੱਖਣ ਤੇ ਆਪਣੀਆਂ ਸੀਮਾਵਾਂ ਤੋਂ ਅਗਾਂਹ ਲੰਘਣ ਲਈ ਪ੍ਰੇਰਿਤ ਹੋਣਗੇ। ਆਓ ਆਪਾਂ ਸਾਰੇ ਆਪਣੇ ਰਾਸ਼ਟਰ ਨੂੰ ਸਫ਼ਲਤਾ ਤੇ ਖ਼ੁਸ਼ਹਾਲੀ ਦੇ ਨਵੇਂ ਸਿਖ਼ਰਾਂ ’ਤੇ ਲਿਜਾਣ ਲਈ ਆਪਣੀ ਬਿਹਤਰੀਨ ਨਿਜੀ ਕੋਸ਼ਿਸ਼ ਕਰੀਏ।’

ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਭਲਕੇ 25 ਜਨਵਰੀ, 2021 ਨੂੰ ਵੀਡੀਓ ਕਾਨਫ਼ਰੰਸਿੰਗ ਰਾਹੀਂ ਪੁਰਸਕਾਰ–ਜੇਤੂਆਂ ਨਾਲ ਵਰਚੁਅਲੀ ਗੱਲਬਾਤ ਕਰਨਗੇ।

‘ਪ੍ਰਧਾਨ ਮੰਤਰੀ ਰਾਸ਼ਟਰੀ ਬਾਲ ਪੁਰਸਕਾਰ, 2021’ ਜੇਤੂਆਂ ਦੀ ਸੂਚੀ ਨਿਮਨਲਿਖਤ ਅਨੁਸਾਰ ਹੈ:

ਪ੍ਰਧਾਨ ਮੰਤਰੀ ਰਾਸ਼ਟਰੀ ਬਾਲ ਪੁਰਸਕਾਰ, 2021 ਦੇ ਜੇਤੂ

                                                                     *******

ਬੀਵਾਇ/ਟੀਐੱਫ਼ਕੇ