نئی دہلی،  23  جنوری 2021،         مرکلزی وزیر جناب پرکاش جاؤڈیکر نے کہا کہ  دینے کا کلچر ہمیں  جمع کرنے سے زیادہ خوشی دیتا ہےاور ہم کتنا دے سکتے ہیں اس کی کوئی حد نہیں ہے۔ یہ بات انہوں نے پونے شہر کیمپ ایریا میں   ڈاکٹر سائرس پونا والا ہائی اسکول اور جونیئر کالج  اور  ڈاکٹر سائرس پونا والا  اسکل یولپمنٹ سینٹر کی ایک تقریب میں کہی۔ انہوں نے کہا کہ  کیمپ ایجوکیشن سوسائٹی   کی 136 سال کی تاریخ ہے اور  17 سال سے  پی کے اترے اس کے سربراہ ہیں۔

مرکزی وزیر نے  پونا والا گروپ کی  انسانی خدمات کی سرگرمیوں کی بھی ستائش کی اور کہا کہ  صنعت کاروں کو بہت زیادہ کمانا چاہیئے تاکہ  معاشرے کو بہت زیادہ دے سکیں۔

ویکسین تیار کرنے کے معاملے میں سیرم انسٹی ٹیوٹ کی تعریف کرتے ہوئے مرکزی وزیر نے کہا کہ  ایک ذمہ دار لیڈر کے طور پر بھارت پہلے ہی  12 ملکوں کو کورونا ویکسین فراہم کرارہا ہے جن میں مالدیپ، بھوٹان، بنگلہ دیش اور  برازیل شامل ہیں۔

جناب جاؤڈیکر نے کہا کہ یہ کام محض وزیراعظم جناب نریندر مودی کے  ’آتم نربھر بھارت‘ کے ویژن کو پورا کرنے کے لئے کیا جارہا ہے۔ انہوں نے کہا کہ آتم نربھر بھارت  میں میڈ ان انڈیا  اور میڈ فار دی ورلڈ شامل ہیں۔

ڈاکٹر سائرس پونا والا نے  اسکول کو عطیہ کا چیک پیش کیا اور کہا  کہ انہیں  کیمپ ایجوکیشن سوسائٹی کے ساتھ منسلک ہوکر خوشی ہوئی ہے کیونکہ  یہ تعلیم کے شعبےمیں کام کررہی ہے جو کہ  بچوں کے اچھے مستقبل کی بنیاد ہے۔ جناب پونا والا  نے کہا کہ یہ  سماج کو واپس دینے کی ایک کوشش ہے۔

۔۔۔۔۔۔۔۔۔۔۔

ش ح۔ا گ۔ن ا۔

U-770