জনুৱারি ২৩,২০২১ ফাওবদা, রাজ্য ৯(কেরলা, হরিয়ানা, মৈধ্যা প্রদেস, মহারাস্ত্রা, ছতিসগর, উত্তরখান্দ, গুজরাত, উত্তর প্রদেস অমসুং পঞ্জাব)দা য়েনশিংদা এভিয়ান ইনফ্লুয়েঞ্জা লাইচৎ শন্দোকপা থেংনরে। রাজ্য ১২(মৈধ্য প্রদেস, হরিয়ানা, মহারাস্ত্রা, ছতিসগর, হিমাচল প্রদেস, গুজরাত, উত্তর প্রদেস, উত্তরখান্দ, দিল্লি, রাজস্থান, জম্মু অমসুং কাস্মির অমসুং পঞ্জাব)দা ক্বাক/লৈবাক লান্না পাইরকপা উচেকশিং/লম্লক্কী উচেকশিংদা এভিয়ান ইনফ্লুয়েঞ্জা লাইচৎ শন্দোকপা থেংনরে।

অদুবু, উত্তরখান্দগী রুদ্রাপ্রায়াগ, লেন্দসদাউন ফোরেস্ত রেঞ্জ অমসুং পাউদি ফোরেস্ত রেঞ্জতগী ক্বাক/খুনুগী সেম্পলশিং; রাজস্থানগী শ্রীগঙ্গানাগর জিলাদগী খুনুগী সেম্পলশিং; উত্তর প্রদেসকী ফাতেহপুর জিলাদগী ৱাহোংগী সেম্পলশিং এভিয়ান ইনফ্লুয়েঞ্জা নেগেতিপ ওইরে।

মৈধ্য প্রদেস, মহারাস্ত্রা, ছতিসগর, গুজরাত, উত্তর প্রদেস, উত্তরখান্দ, কেরলা অমসুং উত্তরখান্দদা লায়না হৌরকফমশিংদা লাইচৎ লাকশিন্নবা থবকশিং অমসুং মহিক-মতাই হাৎপা অমসুং শেংদোকপগী থবকশিং চৎথরি।

এক্সন প্লানগী মতুংইন্না মখোয়গী হাৎখ্রবা য়েনশিং অমসুং মাঙহনখ্রবা য়েরুমশিং অমসুং য়েন মচিঞ্জাক্কীদমক লৌমীশিংদা শেনগী মতেং পীখ্রে। ভারত সরকারগী এনিমেল হসবেন্দরি অমসুং দাইরিয়িং দিপার্তমেন্তনা মসিগী এল.ঐচ অমসুং দি.সি স্কিমগী এ.এস.সি.এ.দি কম্পোনেন্তগী মখাদা ৫০:৫০ পুথোক্নদুনা রাজ্যশিং অমসুং য়ু.তিশিংদা ফন্দ পীরি।

রিভাইস এক্সন প্লান ফোর প্রিপারনেস, কন্ত্রোল এন্দ কন্তেনমেন্ত ওফ এভিয়ান ইনফ্লুয়েঞ্জা ২০২১দা য়ুম্ফম ওইদুনা রাজ্যশিং/য়ু.তিশিংনা পায়খৎলিবা লায়না লাকশিন্নবা থবকশিংগী মতাংদা রাজ্য খুদিংমক্না নুমিৎ খুদিংগী দিপার্তমেন্তদা পাউ পীরি।

সোসিএল মেদিয়া প্লেফোর্মশিং হায়বদি তুইতর, ফেসবুক হেন্দলশিংগী খুৎথাংদা এভিয়ান ইনফ্লুয়েঞ্জাগী মরমদা মীয়ামদা ৱাখল তাহন্নবা দিপার্তমেন্তনা লেপ্তনা থবকশিং পায়খৎলি।

মখা তানা মহারাস্ত্রাগী থানে(কলয়ান), য়াভাতমাল(ধুনকি,পুসাদ), ৱারধা(চাকনি, হিঙ্গাঘাত), গোন্দিয়া(নিম্বা গোরেগাউন), অহমেদনাগর(ভুমিরচাবন) অমসুং হিঙ্গোলি(পিমপ্রি খুরদ)জিলাশিংদা; মৈধ্য প্রদেসকী রাইসেন(গাইরাতগঞ্জ)জিলা অমসুং ছতিসগরগী দান্তেৱারাদা জিলাদা পোলত্রি সেম্পলশিংদা এভিয়ান ইনফ্লুয়েঞ্জা পোজিতিপ ওইবা থেংনরে।

উত্তর প্রদেসকী উন্নাউ জিলাগী হাধা, সিকন্দরপুর অমসুং কারন্দাদা গিজ উচেকশিংদা এভিয়ান ইনফ্লুয়েঞ্জা শন্দোকপা থেংনরে। ছতিসগর, কেরলা, মৈধ্য প্রদেস অমসুং মহারাস্ত্রাগী লায়না হৌরকফমশিং লাকশিনবা অমসুং মহিক-মতাই হাৎপগী থবকশিং পাংথোক্লি।

লাইচৎকী ফিবম অসি য়েংশিন্নবা শেমখিবা কেন্দ্রগী কাংবুনা লায়নাগী হৌরকফমশিং য়েংশিন্নবা অমসুং লায়চৎ অসিগী মতাংদা থিজিন্নবা লায়না অসিনা শোকহল্লবা মহারাস্ত্রাগী পারভানি জিলাদা চৎখ্রে।

*****