জনুৱারী ২২, ২০২২১দা গল্দ কোওপরেসন কাউন্সিল (জি.সি.সি.) মদুদি সৌদি অরাবিয়া, কতার, কুৱেৎ, বহরেন, য়ু.এ.ই. অমসুং ওমান হায়রিবশিং অসিগী ইন্দিয়া দাইস্পোরাগা লোইননা পাঙথোকপা পোস্ত-দ্রাফ এস.তি.আই.পি. কনসক্তেসনদা একাদমিসিয়নশিং, লুচিংবশিং, স্তেকহোল্দরশিং য়াওনা ইন্দিয়ন সাইন্তিফিক দাইস্পোরা, সাইন্স ইন্দিয়া ফোরমগী মেম্বরশিং অমসুং গল্ফ লৈবাকশিংগী কম্ম্যুনিতীগী মশক নাইবা লুচিংবশিংনা ওপন সাইন্স পোলিসী, ভারতকী ফেলোশিপশিং, ইন্নোবেতর, নহা ওইরিবা রিসর্চরশিংগী খুদোংচাবশিংগীম মতাংদা খন্নখ্রে।

“পোলিসী অসিগী তোপতোপ্পা মগুন অদুদি মসি পোলিসী শেম্বদা ইন্দিয়ন দাইস্পোরাগা তান্নবা অহানবা পোলিসী ওইরি। মসিনা সাইন্স অমসুং তেক্নোলোজীগী থৌরাংশিংগী খুত্থাংদা ভারতপু মরোমদোম লেপচবা ঙম্বা লৈবাক ওইহনদুনা মপাঙ্গল কনখৎপা হেনগৎহনবনি অমসুং মসিগা ইরোইননা ইন্তরনেস্নেল কোওপরেসন প্রোএক্তিব ওইনা থৌগৎপনি”, হায়না কনসল্তেসন অসি লুচিংলিবা এস.আই.তি.পি.-২০২০গী সেক্রেতরিয়েৎকী এদভাইজর সাইন্তিস-জি অমসুং হেন্দ দা. অখিলেশ গুপ্তানা ফোঙদোকখ্রে।

মহাক্না হায় হৌখিবা চহি ৭ অসিদা সাইন্স অমসুং তেক্নোলোজীদা অমুক্তা ওইখিদ্রিবা মওংদা খুমাং চাউশিনখ্রে অমসুং অনৌবা পোলিসী অসিনা অফবা তুংলমচৎকীদমক্তা গ্রোথ অদু পীগনি অমদি ভারতপু শেমশাহনগনি।

“পোলিসী শেম্বা অসিগী লাইৱা অসি ইনক্লুসিবনেসনা ওইরি অমসুং চহি নীংথিজনা বেলেন্স তৌবগা লোইননা থেমেতিক গ্রুপশিংদা নুপীনা ৪০% ওইরি। কনসল্তেসন রাউন্দ ৩০০ পাঙথোক্তুনা মীওই ৪৩০০০ শরুক য়াখিবগা লোইননা পোলিসী শেম্বগী প্রি-দ্রাফ স্তেজকী কনসল্তেসন অসি খ্বাইদগী চাউবা, পাক শনবা অমসুং থুবা অমা ওইরি,” হায়না মহাক্না মখা তাখ্রে।

জি.ও.আই.গী দিপার্তমেন্ত ওফ সাইন্স এন্দ তেক্নোলোজী (দি.এস.তি.)না বিজনানা ভারতিগী সাইন্স ইন্সিয়া ফোরমগা লোইননা জি.সি.সি. লৈবাকশিংদগী ইন্দিয়ন দাইস্পোরাগা লোইননা অনিশুবা পোস্ত দ্রাফ এস.তি.আ.পি. কনসল্তেসনগী অকুপ্পা খন্ন-নৈনবা অমগী ভর্চ্যুএল মীফম অমা পাঙথোকখ্রে।

“ঐখোয়না লৈরিবা তাঙ্কক অসি ভারত সরকারনা সাইন্স, তেক্নোলোজী অমসুং ইন্নোএসনগী লমদা থবক তৌবা খুন্নাই অসিগী তোঙান তোঙানবা শরুকশিংদগী লাকপা মীওইশিংনা মখোয়গী সজেসনশিং পীরক্নবা দ্রাফ তৌরবা অপুনবা পোলিসী অসি পব্লিক দোমেন্দা ফংহল্লি,” হায়না সেসন অসিদা প্রিসাইদ তৌখিবা বিজনানা ভারতিগী নেস্নেল ওর্গনাইজিং সেক্রেতরী শ্তী জয়েন্ত সহাসরাবুধেনা ফোঙদোকখ্রে।

মহাক্না মখা তারদুনা হায় সেসন অসিনা পোলিসী অসিগী মরু ওইবা ফীচরশিং য়েংবা য়ানবা খুদোংচাবা পীরি অমসুং স্তেকহোল্দর পুম্নমক্কী সজেসনশিং অসিনা পোলিসী অসইবু তুংলমচৎকীদমক্তা মাংলোমদা পুখৎপদা মতেং ওইরগনি।

থৌরম অসি য়াওখিবা ইন্দিয়ন দাইস্পোরাগী মীহুৎশিংনা ওপন সাইন্স পোলিসী লৈহন্নবা আর্তিকল প্রোসেসিং চার্জ (এ.পি.সি.) কভর তৌবদা থেংনবা শিংনবশিং, ভারত্তা পোস্ত-দোক ফেলোশিপশিং লৈহন্নবা, হাই-ক্বালিতী স্তেন্দর্দশিং লৈহন্নবা রাজ্যগী থাক্তা ইন্সতিত্যুসনশিংগী মরক্তা ইন্তরকন্নেক্তিবিতী লৈহনবা, সাইন্সকী ৱাহন্থোক্তা ৱাতরতাইৎ কম্পার্তমেন্তশিং লৈহনবা, ইন্দস্ত্রী ৪.০দা অনৌবা পোলিসীগী থৌদাং, ভারত্তা ইন্নোবেসন ইনক্যুবেতরশিংগী রেজিস্ত্রেসন প্রোসেস অসিগী মতাংদা সজেসনশিং পীখ্রে। 

ভারত সরকার (জি.ও.আই.)গী প্রিন্সিপল সাইন্তিফিক এদভাইজর (পি.এ.এ.)গী লোইশঙ অমসুং জি.ও.আই.গী দিপার্তমেন্ত ওফ সাইন্স এন্দ তেক্নোলোজী (দি.এস.তি.)দগী মতেং ফংবগা লোইননা দা. গুপ্তাগী লুচিং মখাদা এস.তি.আই.পি. সেক্রেতরিয়েৎনা দ্রাফ এস.তি.আই.পি. অদু পুনশিনখ্রে। এস.তি.আই.পি. অসি পব্লিক কনসল্তেসনগীদমক্তা দিসেম্বর ৩১, ২০২০দা থাদোকখি। মসিদগী হৌনা সজেসনশিং অমসুং রিকম্মেন্দেসনশিং থারক্নবা পোস্ত-দ্রাফ কনসল্তেসন মশিং কয়া হৌখ্রে। মথংগী চয়োল ২ অসিগী মনুংদা কনসল্তেসন মথং-মথং পাঙথোক্নবা থৌরাং তৌখ্রে।

******