ৱুমেন এন্দ চাইল্দ দিবেলপমেন্ত মন্ত্রালয়গী সেক্রেতরী অমসুং সেন্ত্রেল এদোপসন রিসোর্স ওথোরিতী (সি.এ.আর.এ.)গী স্তীরিং কমিতীগী চিয়রপর্সন শ্রী রাম মোহন মিশ্রানা ঙসি সি.এ.আর.এ.গী ওফিসরশিং অমসুং স্তাফশিংবু মসিগী ৬শুবা এনুএল দেদা ভর্চুএল্লী ওইনা ৱা ঙাংখ্রে। সি.এ.আর.এ. অসি লৈবাক অসিদা এদোপতেসন ফেসিলিতেত তৌনবগীদমক জে.জে. এক্ত, ২০১৫গী ভাইদ সেক্সন ৬৮গী মতুং ইন্না ২০১৬কী জনুৱারী ১৫দগী হৌরগা ভারত সরকারগী স্তেতুতোরী বোদী অমগী স্তেতস গ্রান্ত তৌখি। সি.এ.আর.এ.না মসিগী এনুএল দে অসি চহি খুদিংগী জনুৱারী ১৫দা পাংথোক্লি। মালেমগী লাইচৎ কোবিদ-১৯না মরম ওইদুনা থৌরম অসি ভর্চুএল্লি ওইনা পাংথোকখি।

অসিগুম্বা শিংননিংঙাই ওইরবা মতম অসিদসু সি.এ.আর.এ.না মমাং চহিগী করেস্পোন্দিং ক্বরতরশিংগা চাংদম্নবদা হৌখিবা ক্বরতর অনিদা এদোপতেসনগী ফিগরশিং হেনগৎহল্লে। ২০১৯-২০গী অনিশুবা অমসুং অহুমশুবা ক্বারতরদা এদোপতেসন ফিগর অসি মথংশিৎনা ৮৪৯ অমসুং ৮৮৫ ওইখিবা অদু ২০২০-২১দা অনিশুবা অমসুং অহুমশুবা ক্বারতরদা ৯৬৬ অমসুং ৯৮৩দা হেনগৎলে। সি.এ.আর.এ.না এদোপতেসনগী এস্পেক্ত কয়াদা ভর্চুএল প্রোগ্রামশিংগী সেরিজ অমসু কন্দক্ত তৌরি, চহি অসিগী মনুংদা রাজ্য অমসুং য়ু.তি. পুম্নমক্তগী সোসিএল ৱার্কর অমসুং স্তেকহোল্দর ২৫০০ হেনবদা ত্রেনিং পীখ্রে।  

****