ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ ਦੇ ਸਕੱਤਰ ਅਤੇ ਕੇਂਦਰੀ ਅਡੌਪਸ਼ਨ ਰਿਸੋਰਸ ਅਥਾਰਟੀ (ਸੀਏਆਰਏ) ਦੀ ਸਟੀਅਰਿੰਗ ਕਮੇਟੀ ਦੇ ਚੇਅਰਪਰਸਨ ਸ਼੍ਰੀ ਰਾਮ ਮੋਹਨ ਮਿਸ਼ਰਾ ਨੇ ਅੱਜ ਛੇਵੇਂ ਸਾਲਾਨਾ ਦਿਵਸ ਮੌਕੇ ਸੀਏਆਰਏ ਦੇ ਅਧਿਕਾਰੀਆਂ ਅਤੇ ਸਟਾਫ ਨੂੰ ਵਰਚੂਅਲ ਮਾਧਿਅਮ ਰਾਹੀਂ ਸੰਬੋਧਨ ਕੀਤਾ। ਸੀਏਆਰਏ ਨੂੰ 15 ਜਨਵਰੀ, 2016 ਨੂੰ ਦੇਸ਼ ਵਿੱਚ ਗੋਦ ਲੈਣ ਦੀ ਸਹੂਲਤ ਲਈ ਜੇਜੇ ਐਕਟ, 2015 ਦੀ ਧਾਰਾ 68 ਦੇ ਅਧੀਨ ਭਾਰਤ ਸਰਕਾਰ ਦੀ ਸੰਵਿਧਾਨਕ ਸੰਸਥਾ ਦਾ ਦਰਜਾ ਦਿੱਤਾ ਗਿਆ ਸੀ। ਸੀਏਆਰਏ ਆਪਣਾ ਸਾਲਾਨਾ ਦਿਵਸ ਹਰ ਸਾਲ 15 ਜਨਵਰੀ ਨੂੰ ਮਨਾਉਂਦਾ ਹੈ। ਆਲਮੀ ਮਹਾਂਮਾਰੀ ਕੋਵਿਡ-19 ਕਾਰਨ, ਸਮਾਗਮ ਵਰਚੂਅਲੀ ਮਨਾਇਆ ਗਿਆ। 

ਅਜਿਹੇ ਚੁਣੌਤੀ ਭਰੇ ਸਮੇਂ ਦੇ ਵਿੱਚ ਸੀਏਆਰਏ ਨੇ ਪਿਛਲੇ ਸਾਲ ਦੇ ਇਨ੍ਹਾਂ ਤਿਮਾਹੀਆਂ ਦੇ ਮੁਕਾਬਲੇ ਪਿਛਲੀਆਂ ਦੋ ਤਿਮਾਹੀਆਂ ਵਿੱਚ ਅਡਾਪਸ਼ਨ ਦੇ ਅੰਕੜਿਆਂ ਨੂੰ ਪਛਾੜ ਦਿੱਤਾ ਹੈ। ਸਾਲ 2019-20 ਦੀ ਦੂਜੀ ਅਤੇ ਤੀਜੀ ਤਿਮਾਹੀ ਵਿੱਚ ਗੋਦ ਲੈਣ ਦਾ ਅੰਕੜਾ ਕ੍ਰਮਵਾਰ 849 ਅਤੇ 885 ਸੀ, ਜਦ ਕਿ 2020-21 ਵਿੱਚ ਇਹ ਵਧ ਕੇ 966 ਅਤੇ ਦੂਜੀ ਅਤੇ ਤੀਜੀ ਤਿਮਾਹੀ ਵਿੱਚ 983 ਹੋ ਗਿਆ।ਸੀਏਆਰਏ ਨੇ ਅਪਣਾਉਣ ਦੇ ਵਿਭਿੰਨ ਪਹਿਲੂਆਂ 'ਤੇ ਵਰਚੁਅਲ ਪ੍ਰੋਗਰਾਮਾਂ ਦੀ ਇੱਕ ਲੜੀ ਵੀ ਆਯੋਜਿਤ ਕੀਤੀ ਹੈ ਅਤੇ ਸਾਲ ਦੌਰਾਨ ਸਾਰੇ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਤੋਂ 2500 ਤੋਂ ਵੱਧ ਸਮਾਜ ਸੇਵੀਆਂ ਅਤੇ ਹਿੱਸੇਦਾਰਾਂ ਨੂੰ ਸਿਖਲਾਈ ਦਿੱਤੀ। 

ਸੀਏਆਰਏ ਆਪਣੇ ਯਤਨਾਂ ਜਿਵੇਂ ਵੈੱਬ ਲੈਕਚਰ ਲੜੀ, ਨਿਮਹੰਸ ਦੁਆਰਾ ਪਰਿਵਾਰਾਂ ਦੀ ਕਾਊਂਸਲਿੰਗ 'ਤੇ ਪ੍ਰਸ਼ਨ ਉੱਤਰ ਸੀਰੀਜ਼, ਫੇਸਬੁੱਕ 'ਤੇ ਪ੍ਰਸ਼ਨ ਉੱਤਰ ਸੀਰੀਜ਼, ਮਾਪਿਆਂ ਅਤੇ ਗੋਦ ਲੈਣ ਵਾਲਿਆਂ ਦੇ ਨਾਲ ਗੱਲਬਾਤ ਦੇ ਸੈਸ਼ਨ ਅਤੇ ਅੰਤਰਰਾਸ਼ਟਰੀ ਅਡਾਪਸ਼ਨ ਮਹੀਨੇ ਨਵੰਬਰ-2020 ਦੌਰਾਨ ਪ੍ਰੋਗਰਾਮ ਨੂੰ ਉਤਸ਼ਾਹਿਤ ਕਰਨ ਲਈ ਆਈਈਸੀ 1.5 ਲੱਖ ਤੋਂ ਵੱਧ ਲੋਕਾਂ ਤੱਕ ਪਹੁੰਚਿਆ। ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੇ ਵਿਆਪਕ ਜਨਤਕ ਪਹੁੰਚ ਦੇ ਨਾਲ ਗੋਦ ਲੈਣ ਦੇ ਪ੍ਰਚਾਰ ਲਈ ਕਈ ਪ੍ਰੋਗਰਾਮਾਂ ਦਾ ਆਯੋਜਨ ਕੀਤਾ ਹੈ। 

****

ਬੀਵਾਈ/ਟੀਐੱਫਕੇ