রাজ্যগী থাক্তা কেন্দ্র-রাজ্য খুৎশম্নবা, রিসর্চরশিংগী নেৎৱার্ক হেনগৎহনবা অমসুং মখোয়বু জাতিগী থাক্তা পুখৎতুনা তেক্নোলোজীদা শোত্থবা লমশিংদা সেন্তর্স ওফ এক্সিলেন্স লিংখৎপা অমসুং ইন্সতিত্যুসনশিংগী মরক্তা চুংশিন্নবা মথৌ তাই হায়না জনুৱারী ২১, ২০২১দা পাঙথোকখিবা ৫শুবা নেস্নেল সাইন্স তেক্নোলোজী এন্দ ইন্নোবেসন পোলিসী (এস.তি.আই.পি.)গী অহানবা পোস্ত-দ্রাফ কনসল্তেসগী মীফমদা এক্সপর্তশিংনা ফোঙদোকখ্রে।

সরকার, একাদেমিয়া অমসুং ভারতকী অৱাং নোংপোক লমদমগী ইন্দস্ত্রী লুচিংবশিং অমসুং মীহুৎশিংগা লোইননা পাঙথোকপা পোস্ত-দ্রাফ এস.তি.আই.পি. কনসল্তেসন অসিদা “কনসল্তেসন অসিগী খুত্থাংদা লাকখিবা সজেসনশিং, ফীদবেকশিং অমসুং কম্মেন্তশিং অসি য়াম্না কান্নৈ অমসুং দ্রাফ এস.তি.আই.পি. রিভাইস তৌবদা মসি পুথোক্কনি” হায়না এস.তি.আই.পি. সেক্রেতরিয়েৎকী হেল্দ দা. অখিলেশ গুপ্তানা ফোঙদোকখ্রে।

এস.তি.আই. ইকোসিস্তেমগা মরী লৈনবা অমদি জেনরেৎ তৌবা দেতা মখল পুম্নমক্কী সেন্ত্রেল রিপোজিতরী অমা ওইনবা নেস্নেল এস.তি.আই. ওজর্বেতরী, আই.এন.দি.এস.তি.এ. – পব্লিক-ফন্দেদ রিসর্চ পুম্নমক্কী আউৎপুৎশিং একসেস তৌনবা দেদিকেতেদ পোর্তেল অমা, ৱান নেসন ৱান সবস্ক্রিপসন, ভারতকী খুঙ্গংগী ওইবা সমস্যাশিংদা মীৎয়েং চংবগা লোইননা সোলুসন পীনবা রিসর্চ, গ্রাসরুৎ ইন্নোবেতরশিং শৌগৎপা, ‘কম্ম্যুনিতী, ইক্বিতী অমসুং ইনক্লুজনগী মথৌ তাবশিং পীনবা য়ুনিভর্সিতীশিংগা থবক তৌমিন্নবা, ইন্দিয়ন দাইস্পোরাগী থবক তৌমিন্নবা হেনগৎপা, নেস্নেল পোলিসী রিসর্চ ইন্সতিত্যুত অমা থম্বা অসিনচিংবা’ লৈহনবা অসিগুম্বা এস.তি.আই.পি.গী রিকম্মেন্দেসনশিং মহাক্না থমখ্রে।

ভারত সরকার (জি.ও.আই.)গী প্রিন্সিপল সাইন্তিফিক এদভাইজর (পি.এ.এ.)গী লোইশঙ অমসুং জি.ও.আই.গী দিপার্তমেন্ত ওফ সাইন্স এন্দ তেক্নোলোজী (দি.এস.তি.)দগী মতেং ফংবগা লোইননা দা. গুপ্তাগী লুচিং মখাদা এস.তি.আই.পি. সেক্রেতরিয়েৎনা স্রাফ এস.তি.আই.পি. অদু পুনশিনখ্রে। সেক্রেতরিয়েৎ অসিনা ভারতকী অমসুং মপালগী স্তেকহোল্দর ৪৩,০০০ হেনবা য়াওদুনা খন্ন-নৈনবা রাউন্দ ৩০০গী মথক্তা পাঙথোক্তুনা পাক শন্না কনসল্তেসন প্রোসেস পাঙথোকখ্রে অমসুং The এস.তি.আই.পি. অসি পব্লিক কনসল্তেসনগীদমক্তা দিসেম্বর ৩১, ২০২০দা থাদোকখি। মসিদগী হৌনা সজেসনশিং অমসুং রিকম্মেন্দেসনশিং থারক্নবা পোস্ত-দ্রাফ কনসল্তেসন মশিং কয়া হৌখ্রে। মথংগী চয়োল ২ অসিগী মনুংদা কনসল্তেসন মথং-মথং পাঙথোক্নবা থৌরাং তৌখ্রে।

থৌরম অসিদা চান্দিগরগী পঞ্জাব য়ুনিভর্সিতীগী ভাইস-চাঞ্চেলর প্রোফেসর রাজ কুমারনা ময়াই তাংবল লৌখ্রে, মহাক্না মীয়ামগী মথৌ তাবশিং অমসুং ইন্দস্ত্রীকা আর এন্দ দিগা কন্নেক্ত তৌবা অসি খন্থরগা প্রাইওরিতীশিং অমুক হন্না য়েংশিনবা অমদি অমুক হন্না মীৎয়েং চংবা মথৌ তাই হায়না ফোঙদোকখ্রে।

সরকার, একাদেমিয়া অমসুং ইন্দস্ত্রীগী মীহুৎশিংনা দেতা রিপোজিতরীশিং শেমগৎপা, তেক্নোলোজী ফেসিলিতেসন সেন্তরশিং লিংখৎপা অসিগুম্বা হিরমশিংগী মতাংদা কম্মেন্তশিং অমসুং সজেসনশিং পীনরকখ্রে।

পঞ্জাব য়ুনিভর্সিতীদা লৈবা এস.তি.আই.পি. সেক্রেতরিয়েৎ অমসুং দি.এ.তি.-সেন্তর ফোর পোলিসী রিসর্চনা জনুৱারী ৩১, ২০২১ ফাওবদা এস.তি.আই.পি দ্রাফ দোক্যুমেন্তগী মতাংদা ইমেল india-stip[at]gov[dot]in অসিদা পব্লিক ফীদবেক পীরক্নবা খঙহনলকখ্রে।

*****