ভারতনা সাইন্সকী লমদা মাই পাকপা অসি হৌজিক্তি মাগী হৈশিংবা অদুবু ইন্নোবেতিব ইকনোমী অমা ওইনা শকখঙবগা লোইননা পুনশিন্নখ্রে।

পব্লিকেসনশিংগী মশিংদা অহুম শুবা মফম কনবা ঙমখিবগা লোইননা লৈবাক অসি হৌজিক গ্লোবেল ইন্নোবেসন ইন্দেক্স (জি.আই.আই.)গী মতুং ইন্না মকোক থংবা ইন্নোবেতিব ইকনোমী ৫০গী মনুংদা চল্লক্তুনা চাউখৎলবা অমসুং চাউখৎলক্লিবা লৈবাক কয়াদগী মাংজিল থাবা ঙমহনখ্রে।

সাইন্তিফিক এক্সিলেন্স অমসুং ইন্নোবেসন পুনশিন্নবা ঙমহল্লিবা অসি স্তার্ত-অপ ইন্দিয়া মফমেন্ত অসিগা লোইননা অপুনবা ইন্নোবেতিব চেন অসি এনভাইর্নেমন্ত অমদা পুরকখিবগা লোইননা সাইন্তিফিক্কী ওইবা থবক-থৌরমশিং, ইনফ্রাস্ত্রকচর অমসুং মেনপাৱর দেবেলপমেন্তদা ইনবেস্তমেন্তশিং তৌবা থৌগৎপনা ওইথোকপা ঙমহনখিবনি।

“ঐখোয়না লৌশিং শেমগৎপদা মাই পাক্লবা ইনবেনসনগী ইকোসিস্তেম অমসুং লৌশিং শীজিন্নবদা মতেং পাংলিবা ইন্নোবেসন ইকোসিস্তেম পুনশিন্নবা ঐখোয়না হোৎনবা অসিনা অওনবা অসি পুরকপদা মতেং পাংখি অমসুং ৫শুবা নেস্নেল সাইন্স তেক্নোলোজী এন্দ ইন্নোবেসন পোলিসীনা মসি হেন্না কান্নগদবা মওং অমদা মাংলোমদা পুখৎপদা মতেং পাংলগনি,” হায়না দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী সেক্রেরী প্রোফেসর অশুতোশ শর্মনা মাই পাকখিবা অসিগী মতাংদা ৱা ঙাংবদা ফোঙদোকখ্রে।

ভারতনা আর এন্দ দিদা তৌবা নেস্নেল ইনবেস্তমেন্ত অসি ২০১৭-১৮দা লুপা করোর ১,১৩,৮২৫.০৩ ওইরম্বদগী ২০১৮-১৯দা লুপা করোর ১,২৩,৮৪৭.৭১দা হেনগৎহনবা ঙমখ্রে। মসিগা ইরোইননা দি.এস.তি.গী নিধিগুম্বা থৌরাংশিংনা ফীভম অসি য়ৌহনবদা মরু ওইবা থৌদাং অমা লৌখি। নিধিগী ইমপ্লিমেন্তেসন অসিনা দি.এস.তি.না শেম্বা ইনক্যুবেতর ১৫০রোমগী নেৎৱার্ক্কী খুত্থাংদা ইনক্যুবেসনগী মখাদা লৈবা স্তার্ত-অপ ৩৬৮১ শেমগৎখি, ইনতেলকচ্যুএল প্রোপর্তী ১৯৯২ জেনরেৎ তৌখি। মখা তানা হৌখিবা চহি মঙা অসিদা দাইরেক্ত ইমপ্লোইমেন্তগী মওংদা পীখিবা থবক অসি ৬৫,৮৬৪নি অমসুং ইকনোমিক ৱেল্থ লুপা করোর ২৭,২৬২ জেনরেৎ তৌখ্রে। 

ৱাখল্লোনশিং শীজিন্নবা য়াবা তেক্নোলোজীশিংদা ওন্থোকপা অমসুং মখোয়বু চাউখৎহন্নবা হোৎনবগী মওং অসি লৈবাক শিনবা থুংনা হোজিক্তি শন্দোরক্লে। ২০১৭-১৮দা শিল্দ তৌখিবা পেতেন্ত ১৩,০৪৫ অসিগী মনুংদা পেতেন্ত ১,৯৩৭দি ভারত মচাগী ওইখি। অদুম ওইনমক রাজ্য খরনা ফাইল তৌখিবা পেতেন্তশিংগী অয়াম্বা শরুক পাইরি। ভারত মচানা ২০১৭-১৮দা ইন্দিয়ন পেতেন্ত ওফিস্তা ফাইল তৌখিবা পেতেন্ত ১৫,৫৫০গী মনুংদা ৬৫%দি মহারাস্ত্র, কর্নাতকা, তামিল নাদু অমসুং দিল্লীদগী ওইখি। মসিগা ইরোইননা স্তার্ত-অপ ইন্দিয়ানা পেতেন্ত ওইবা য়াবা ইন্নোবেতিব ওইবা ৱাখল্লোনশিং অসি স্তার্ত-অপশিংদা ওন্থোকপদা থৌগৎতুনা ভারতপু স্তার্ত-অপশিংগী মশিং খ্বাইদগী ৱাংবা লৈবাকশিংগী মরক্তা য়াওহনবা ঙমখি।

অমরোমদা স্তার্ত-অপ ইন্দিয়া মুফমেন্ত অমসুং পেতেন্ত পুথোক্নবা থৌগৎপা অসিনা সাইন্স অমসুং এক্নোলোজীদা পেরেদাইম সীফ অমা পুরকহনখ্রে, লৈবাক অসিনা পব্লিকেসনশিংগী গ্রোথ লৈহনবা ঙমখ্রে – মসি সাইন্তিফিক এক্সিলেন্সকী মহৌশাগী ওইবা ইন্দিকেতরনি।

হৌখিবা চহি ১০ অসিদা পব্লিকেসনশিংগী মশিং অসি শিংথংনিংঙাই ওইনা হেনগৎলকখ্রে। য়ু.এস. এজেন্সী, দি নেস্নেল সাইন্স ফাউন্দেসন (এন.এস.এফ.)কী দেতাগী মতুং ইন্না ভারত অসি চিনা অমসুং য়ুনাইতেদ স্তেৎসকী মথংদা ২০১৮দা সাইন্তিফিক আর্তিকল ১৩৫,৭৮৮ ফোঙবগা লোইননা অহুমশুবা মফম কনবা ঙমখি। এন.এস.এফ. দেতাবেজ অসিনা মালেমগী লৈরিবা চাংচৎ চাদা ৪.৯ অসিগা য়েংনবদা ভারতকী সাইন্তিফিক পব্লিকেসনগী গ্রোথ রেৎ অসি চাদা ১২.৯ ওইখি। ২০০৮তগী ২০১৮ ফাওবদা চাদা ১০.৭৩ ওইদুনা ভারতনা পব্লিকেসনগী এন্যুএল গ্রোথ রেৎকী চাংচৎ খ্বাইদগী য়াংনা হেনগৎপগী রেকোর্দ থমখি। মসিগা চাংদম্নবদা চিনা অমসুং য়ুনাইতেদ স্তেৎসকী এন্যুএল গ্রোথ রেৎকী চাংচৎ অসি মথং শিৎনা চাদা ৭.৮১ অমসুং চাদা ০.৭১ ওইখি।

মসি সরকারনা আর এন্দ দিগী থবক থোরমশিং, আর.এন্দ দি.গী ইনফ্রাস্ত্রকচর লোইননা মেনপাৱর দেবেলপমেন্তদা ইনবেস্তমেন্ত তৌবা হেনগ*তুনা রিসর্চরশিংবু পুক্নিং থৌগৎখিবা অসিগী ফলনি। লৈবাক অসিগী পর কেপিতা আর এন্দ দি এক্সপেন্দিচর অসি ২০০৭-০৮দা পি.পি.পি. দোলর ২৯.২ ওইরম্বদগী ২০১৭-১৮দা পি.পি.পি. দোলর ৪৭.২দা হেনগৎহনখ্রে, আর এনদ দি মেন পাৱর অসি ২০১৫দা লাখ ২.৮৩ ওইরম্বদগী ২০১৮দা লাখ ৩.৪২ ওইহনখি। হৌজিক্তি লৈবাক অসিগী মেনপাৱর বেজ মপাঙ্গল কল্লে লোইননা ভারতকী রিসর্চর পর মিলিয়ন পোপুলেসন অসি ২০১৫দা ২১৮ ইরম্বদগী ২০১৭দা ২৫৫দা হেনগৎহনখ্রে। 

সাইন্তিফিক রিসর্চ হেনগৎলকপগী ব্রীদিং গ্রাউন্দ অসিনা লৈবাক অসিগী য়ুনিভর্সিতী/দীম য়ুনিভর্সিতী ৯৯৩, নেস্নেল ইম্পোর্তেন্সকী ইন্সতিত্যুত ১২৭ অমসুং কোলেজ ৩৯,৯৩১ লৈহনবা ঙমখ্রে মসিনা লৈবাক অসিগী সাইন্তিফিক অমসুং তেক্নোলোজিগী লেগেসী অসি মাংলোমদা পুখৎনবা হ্যুমেন রিসোর্সশিং মখোঙ শোম্লি। ভারতকী তুংগী সাইন্স অমসুং তেক্নোলোজীগী আশা অসি মসিদা থম্লি অমসুং মখোয়দা য়াওরিবা তেলেন্তশিং অদু মখোঙ শোম্বদা হৌজিক্তি লৈবাক অসিনা মকোক থংবশিংগী মরক্তা য়াওবা ঙম্লে। পি.ঐচ.দি.শিং পুথোকপগী মশিং অমসুং হায়র এজুকেসন সিস্তেমগী লৈরিবা সাইজ অসিদা ৩শুবা রেঙ্ক ফংদুনা লৈবাক অসিবু এস এন্দ তিগী লমদা মাংলোমদা পুখৎকদবা হ্যুমেন রিসোর্সকী অচৌবা মপাঙ্গল অমা হাপ্পী।

*****