পানাজি, ২০২১ জানুৱারী ২২

“ঐখোয়গী ফিল্ম শান্তাবাইনা লম্বীগী আর্তিস্ত শান্তাবাই পাৱারগী খোঙচৎ, হায়রিব মহাক অসিনা চহি ৮৫ শুরবা অমসুং মহারাস্ত্রদা দোম্বরি কাংলুপকী পারি-পুরী ঙাক্তুনা হিংহন্নবা ঙাক্তুনা লাক্লি। মসি দাইং আর্ত ফোর্মগী ওইবা দোক্যুমেন্তরি ফিল্ম অমনি, হায়রিবা অসিদা মরুওইবা শক্তম লাংলিবা শান্তাবাইনা মহাক্কী অশেংবা পুন্সি ৱারী উৎলি”। দাইরেক্তর প্রতিক গুপ্তানা মসি ঙসি গৌৱাদা ২০২১গী জানুৱারীগী ২২দা হৌজিক পাংথোক্লিবা ৫১শুবা ইন্তনেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.)দা প্রেস কনফরেন্স অমদা হায়খিবনি।   

দোম্বরি কাংলুপ অসি মখোয়গী লম্বীগী সর্কসশিং হায়বদি চোংখৎপা শান্নবা, থৌরীদা চৎপা অসিনচিংবা অসিদা মমিং লৈনা খঙনরিবনি। দোম্বরি কাংলুপ অসি ভারত পুম্বদা লৈরি। মখোয় অসি সাতারা অমসুং সঙ্গলি দিস্ত্রীক্তা কোনকান, গোপালদা ভোরপি অমসুং নোংচুপ থংবা মহারাস্ত্রাদা দোম্বরি হায়না লৈরি।   

দাইরেক্তর গুপ্তানা শান্তবাইনা অশেংবা পুন্সিদা থেংনরিবা অৱাবা অসি মহাক্কী ওইবা মিয়েংদগী উৎলি অমসুং ৱারী লীরি: “মহাক্কী ইমুংবু য়েংশিন্নবা, শান্তাবাইনা লম্বীদা থৌরী চৎপি তৌই, করিগুম্বা মতমদা য়াম্না খুদোংথিনিঙাই ওইবা য়াওরি”। 

গুপ্তানা দোম্বরি কাংলুপ অসিগী ইচম-চম্বা অমসুং থৌনা অসি উৎপা পামখি। “মখোয়না লম্বীদা অমসুং মফম কয়াদা কোইনা চৎলবশু মখোয় অসি ইচম-চম্বা অমসুং থৌনা লৈ। ঐহাক্না য়াম্না নুঙাইরবা তীম অমা লৈরি। অহানবদা কনা অমত্তা মশাদা থাজবা লৈরমদে, অদুবু ঐহাক্না দোম্বরি কাংলুপকী ইচম-চমজবা অমসুং থৌনাবু পুথোরক্নবা হোৎনখি”।

দাইরেক্তর অসিনা মখা তানা হায়রি মদুদি মহাক্কী মীওইশিং অসিদা অখন্নবা চেকশিন-থৌরাং লৌদুনা সীনশিং অসি মহৌশাগী ওইবা মওংদা লৌনবা হোৎনরি। “ঐহাক্না মুভি অসি নম্বদা, ঐখোয়না দোম্বরি কাংলুপ অসিবু মশাদা কোম্না লৈনবা হোৎনৈ, ঐহাক্না মখোয়গী কেমেরা মমাংদা ইকাইবা লৈবশিং লৌথোক্নবা মতম লৌই। এক্তরশিংনা তৎতনা কেমেরা মমাংদা চমম্নৈ; মরম অদুনা, ঐখোয়না কেমেরা অসি মপালদা থম্লগা চিংশিল্লি। অদুবু লোইরকপদা থৌওংশিং অসি ঐঙোন্দা নুঙাইখি। অমসুং ঐখোয়না সীনশিং অসি মহৌশাগী ওইহন্নবা কন্না হোৎনৈ”।

***