এগ্রীকলচর সেক্তর অসি ঐখোয়গী শেন্মিৎলোনগী য়াংলেন শরুনি। সরকারনা মসিগী সেক্তরশিং অসিদা খ্বাইদগী অহানবা মিৎয়েং য়েংই অমসুং লৌমীশিংগী পুন্সি মহিং ফগৎহন্নবগীদমক্তা মখোয়গী সোসিও-ইকোনোমিক স্তেতস ফহন্নবা লৌউ-শিংউগী মরু ওইবা খোঙথাং কয়া অমা পায়খৎখ্রবনি।

লোকদাউনগী মতমগী মনুংদা ৱাখল তংদু লৈতানা লৈনরিবগী মরক্তা থাজবা অমসুং ওইগনি হায়বগী ৱাখল্লোন ফাওহনখিবা অসি লৌউ-শিংউগী থবকশিংননি অমসুং মসিনা চিঞ্জাক ৱাৎলরোই হায়বগী থাজবসু লৈহনখি। ভারত শিনবা থুংবগী ওইনা লৌমী অমসুং লৌউ-শিংউগী লমদা থবক তৌবা মীওইশিংনা খুদোংচাদবা কয়া থেংনদুনা কন্না হোৎনখি। মখোয়না লেপ্পা নাইদনা হোৎনখিবা অসিদা কেন্দ্র অমসুং রাজ্য সরকারশিংনা মতম চানা তেংবাংখিবা অদুনা লৌরোকপগী কুমদা অয়েৎপা লৈহনখিদে অমসুং খরিফ, রবি অমসুং কালেনগী মহৈ-মরোংশিং লেপ্তনা লোকপা ঙমহনখি।

মসিগী কনফরেন্স অসিনা হৌখিবা লৌরোকপগী কুমগী থবক-থৌরমশিং য়েংশিনগনি অমসুং রাজ্য সরকারশিংগা তানদুনা জাইদ/কালেনথাগী লৌরোক্কা মরী লৈনবা পান্দমশিং শেমগনি। মসিগা লোয়ননা পনখ্রিবা লৌরোকশিং অসিবু হেন্না ফগৎহন্নবগীদমক্তা অনৌবা তেক্নোলোজী শিজিন্নবা অমসুং মরু ওইবা ইনপুৎশিংসু শোইদনা ফংহনগনি। কালেনগী মহৈ-মরোং থাবা অসিনা য়ুমগী ওইনা শিজিন্ননবা হৱাই-চেংৱাই অমসুং শা-ঙাগী মচিঞ্জাক থাকপদা তেংবাংবতা নত্তনা লৌমীশিংদা অহেনবা শেন্থোক লম্বী অমসু পীরি।

কালেন্থাগী কুম অসিদা থানবা হৱাই, থাউ থোকপা মরু অমসুং ন্যুত্রি-সিরিএল ক্রোপ লাখ ৫১গী পান্দম থমখি। মখা তাবা ওইনা, ৪শুবা এদ্ভান্স ইস্তিমেৎ (২০১৯-২০)গী মতুং ইন্না, লৈবাক অসিগী অপুনবা হৱাই-চেংৱাই পুথোকখিবা অসি মিলিয়ন তোন ২৯৬.৬৫নি অমসুং হোর্তিকলচরগী পোত্থোক অসিনা ইং ২০১৯-২০দা মতম পুম্বগী ওইনা খ্বাইদগী য়াম্বা ওইনা ৩১৯.৫৭নি হায়না পানখি। হৱাই অমসুং থাউ থোকপা মরু পুথোকপা অসি মথংশিৎনা মিলিয়ন তোন ২৩.১৫ অমসুং ৩৩.৪২ ওইখি। লশিং পুথোকপগী চাং অসিনা লাখ বেল ৩৫৪.৯১নি অমসুং মসিগা লোয়ননা ভারতনা মালেমগী খ্বাইদগী মকোক থোংবা ওইরগনি হায়নসু পানখি। পোত্থোক পুথোকপগী মাইকৈদা য়েংলুবদা, হোর্তিকলচর সেক্তনা মহৌশা ওইনা থানবা হৱাই-চেংৱাইগী লৌরোক্তগী হেনখি। হন্দক্কী চহি অসিদা ভারতকী লৌউ-শিংউবগী লমদা অনৌবা মশক থোকপা মাই পাকপা কয়া ফংখি। ভারত সরকারনা ইং ২০২০-২১গী লৌউ-শিংউগী বজেত্তা শেল কায়থবগী চাং হেনগৎখি অমসুং মসিগী মপুং ওইবা মরমদি ঐখোয়গী লৌমীশিংবু পোত্থোক পুথোকপা অমসুং মখোয়গী শেন্থোক অনিমক্তা নুংঙাই-য়াইফবা ওইহনবনি।

প্রধান মন্ত্রী, নরেন্দ্র মোদীজীগী লুচিং মখাদা লৈবাক অসিবু অনৌবা মাইকৈ অমদা পুনবগীদমক্তা সরকারনা লৌউ-শিংউগী সেক্তরবু তঙাই ফদবা থৌরাং শেমদুনা, পোত্থোক পুথোকপগী হেন্না ফগৎলবা তেক্নোলোজী শিজিন্নবা, অনৌবা কৈথেলগী খুদোংচাবা লৈহনবা অমসুং এগ্রিকলচরগী ইনফ্রাস্ত্রকচরবু চাউখৎহন্দুনা মরোমদোম লেপচবা ঙমহন্নবা অমসুং ওন্তোপ্রিনরগী মওংদা ওন্থোক্নবা পাংথোকপা য়াবা থবক খুদিংমক পাংথোক্কনি।

লৌউ-শিংউ অমসুং লৌমীশিংগী য়াইফ-য়ুম্বালগী কেন্দ্রগী রাজ্য মন্ত্রী, শ্রী পরশোত্তম রুপালানা কালেনথাগী মহৈ-মরোং অসিবু “নুংঙাই য়াইফনবগীদমক্তা অহেনবা কুম, অহেনবা মহৈ-মরোং, অহেনবা চাগা”গী খোল্লাও অসিগা লোয়ননা খুয়াম্নগ চাউশিলহনবগা লোয়ননা য়াইফ পাউজেল পীগদবনি হায়খি।

****