কেন্দ্রগী কোইল অমসুং মাইন্সকী মন্ত্রী শ্রী প্রলহাদ জোশিনা কোইল ইন্দিয়া লিমিতেদকী কোইলাগী কম্পনী অহুমদা – নোর্থ কোইলফিল্দস লিমিতেদ (এন.সি.এল.). সেন্ত্রেল কোইলফিল্দস লিমিতেদ (সি.সি.এল.) অমসুং ৱেস্তর্ন কোইলফিল্দস লিমিতেদ (দবল্যু.সি.এল.) “কোইল মিনিস্তর’স এৱার্দ” নই দিল্লীদা ঙসি থৌরম অমা পাঙথোক্তুনা খুৎশিন্নখ্রে। এৱার্দ অসি লৈবাক অসিদা কোইল মাইনিং তৌবদা খ্বাইদগী ফবা অমসুং সস্তেনেবল ওইবা প্রেক্তিসশিং থৌগৎনবা পীবনি। শ্রী জোশিনা কোইল ইন্দিয়া লিমিতেদ (সি.আই.এল.)গী ‘প্রোজেক্ত পেসন’ – দি এন্তর্প্রাইস রিসোর্স প্লানিং (ই.আর.পি.) লোঞ্চ তৌখ্রে মসিনা দেতা ইন্তিগ্রিতী ফগৎহনবগা লোইননা কম্পনীগী বিজিনেস পর্ফোর্মেন্স অমসুং গ্রোথ ফগৎহনবদা মতেং পাংগনি।

সি.আই.এল.গী মশা ওইরিবা এন.সি.এল.দা কোইলা পুথোকপা অমসুং পোত্থোকপগী চাংদা থোইদোক হেন্দোকপা পর্ফোর্মেন্সকীদমক্তা এৱার্দ অসি পীখ্রে অমরোমদা মাগী মশা ওইরিবা সি.সি.এল. অমসুং দবল্যু.সি.এল.না মথং শিৎনা খ্বাইদগী শাফবা মওংগী প্রেক্তিসশিং পাঙথোকপা অমসুং সস্তেনেবল মাইনিংগী মনা ফংখ্রে।

“কোইলা অসি ঐখোয়গী ইনর্জী এস্পিরেন্তশিংগী লাইফলাইন ওইরি অমসুং ওইখিগনি। ভারতনা খুদোংথিবা থোক্তনবা অমসুং সস্তেনেবিলিতীগী চেকশিল থৌরাং লৌখৎপগা লোইননা কোইলা পুথোকপদা আত্মানির্ভর ওইহন্নবা পান্দম থম্লি। মনা অসি অসিগুম্বা কান্নরবশিং অসি থৌগৎনবা পীবনি। ঐখোয়না মনা ফংখ্রবশিংবু থাগৎপা ফোঙদোকচরি অমসুং কম্পনীশিংনা তুংলমচৎতসু থৌওং চুম্না, খুদোংথিদবা মওংগী অমদি সস্তেনেবল মাইনিংগী হেন্না অৱাংবা থাকশিং য়ৌবা ঙমগনি হায়না আশা থমজরি,” হায়না শ্রী জোশিনা ফোঙদোকখ্রে।

কোইল ইন্দিয়াদা ই.আর.পি. অসি তাঙ্কক অনি থোক্না ইমপ্লিমেন্ত তৌগনি। অহানবা তাঙ্কক্কী লোঞ্চ তৌবনা সি.আই.এল.গী হেদক্বাতরশিং অমসুং মাগী সবসিদিয়রী অনিগী - দবল্যু.সি.এল. অমসুং এম.সি.এল. ওপরেসনশিং কোনশিনগনি। অনিশুবা তাঙ্কক্না লেমহৌরিবা সবসিদিয়রী ৬ কোনশিনগনি অমদি চহি অসিগী অগস্ত ফাওবদা মথৌ তৌহল্লগনি।

“ই.আর.পি. ইমপ্লিমেন্ত তৌবনা সি.আই.এল.বু রিএল-তাইম ওইনা ৱারেপ লৌবদা অমসুং থবক থৌওং ফগৎহনবদা অমদি শেল চংবা হন্থহনবদা মতেং পাংগনি। মসিনা সি.আই.এল.না ২৩-২৪গী শেনবা চহিদা কোইলা বিলিয়ন তন ১ পুথোকপা ঙম্নবা হোৎনবদা থৌনা হাপকনি অমসুং মসিনা ঙসিগী খুমাং চাউশিল্লবা অমদি হোংলক্লিবা ইনর্জীগী ফীভম অসিদা খ্বাইদগী মথৌ নিংথিজনা তৌরিবা মাইনিং কম্পনীশিংগী মরক্তা অমা ওইহল্লগনি,” হায়না শ্রী জোশিনা ফোঙদোকখ্রে।

মন্ত্রীনা ভিদিও কনফরেন্সিংগী থোংদা এন.সি.এল.গী কৃষ্ণশিলা কোইল প্রোজেক্ততা অনৌবা কোইল হেন্দলিং প্লান্ত (সি.ঐচ.পি.) শঙ্গাখ্রে। কোইল হেন্দলিং কেপাসিতী মিলিয়ন তন পর এনম (এম.তি.পি.এ.) ৪ ওইবনা অনৌবা সি.ঐচ.পি. অসিনা কনভেয়র বেল্তশিং অমসুং রেপিদ লোদিং সিস্তেমগী খুত্থাংদা উত্তর প্রদেশ রাজ্য বিদ্যুৎ উৎপদন নিগম লিমিতেদকী অনপরা থর্মেল পাৱর স্তেসন (এ.তি.পি.এস.) অমসুং হিন্দালকোগী রেনুসগর পাৱর দিবিজনদা কোইলা থাদোক-থাজিন তৌগনি।

কৃষ্ণশিলা সি.ঐচ.পি. অসি সি.আই.এল.গী ফার্স্ত মাইল কন্নেক্তিবিতী (এফ.এম.সি.) প্রোজেক্ত ৩৫গী শরুক অমনি, কেপাসিতী এ.তি.পি.এ. ৪০০গী মথক ওইগদবা অসি কম্পনীনা লুপা করোর ১২,৫০০কী অচৌবা ইনবেস্তমেন্ত অমগা লোইননা শেনবা চহি ২৩-২৪ ফাওবদা লোইশিন্নবা পান্দম থমখিবনি।

“কোইল কম্পনীশিংনা ফার্স্ত মাইল কন্নেক্তিবিতী (এফ.এম.সি.) প্রোজেক্তশিংগীদমক্তা খোঙজেল য়াংশিনবা অসিদা ঐহাক্না নুংঙাইবা পোকই মসিনা কোইল ইভাক্যুএসন প্রোসেস হেনগৎহল্লগনি অমদি অকোইবগী ফীভম ঙাকশেনবদা মতেং ওইরগনি। মসিনা ত্রান্সপরেন্সী পুরকপা খক্তা নত্তনা মাইনিংগী মফমশিংদা অমদি অকোইবদা লৈরিবা মীওইশিংগী হিংবগী মওংসু ফগৎহল্লগনি ,” হায়না শ্রী জোশিনা ফোঙদোকখ্রে।

কৃষ্ণশিলা সি.ঐচ.পি. হাপচিল্লকপমা কোইল ইন্দিয়ানা মাগী এফ.এম.সি. প্রোজেক্ত অহুম অসি কেপাসিতী এম.তি.পি.এ. ৩০ ওইবগা লোইননা মাই পাক্না চল্লাইহনবা ঙমখ্রে। প্রোজেক্ত অনি, এস.ই.সি.এল. অমসুং এম.সি.এল.দা অমমমা লৈরিবা অসিগী অপুনবা কেপাসিতী এম.তি.পি.এ. ২৬ ওইবা অসি মথং শিৎনা হৌখিবা চহিগী ফেব্রুৱারী অমদি এপ্রিলদগী চল্লাইবা হৌহনখ্রে। লেমহৌরিবা এফ.এম.সি. প্রোজেক্ত ৩২ অসি শাবা লোইগদবগী তোঙান তোঙানবা স্তেজতা লৈরেঅমদি শেনবা চহি ২৩-২৪গী লোইরকপদা শাবা লোইশিন্নবা মতম থাখ্রে। হৌজিক্কী ওইনা সি.আই.এল.না এম.তি.পি.এ. ১৫০গী মথক্তা মেকনাইজ কোইল হেন্দলিং তৌরি। এফ.এম.সি. প্রোজেক্ত ৩৫ অসি লোইশিনবগা লোইননা কম্পনী অসিগী মেকনাইজ কোইল হেন্দলিং অসি এম.তি.পি.এ. ৫৫০দা হেনগৎহল্লগনি।

থৌরম অসিদা সেক্তেতরী (কোইল) শ্রী অনিল কুমার জেন; চিয়রমেন, সি.আই.এল., শ্রী প্রমোদ অগর্ৱাল; সি.এম.দি., এন.সি.এল., শ্রী পি. কে. সিনহা; সি.এম.দি., সি.সি.এল., শহরী পি.এম.প্রসাদ, সি.এম.দি., দবল্যু.সি.এল. শহরী মনোজ কুমার অমসুং অতোপ্পা দিগনিতরীশিংনা শরুক য়াখ্রে।

****