এগ্রীকলচরগী য়ুনিয়ন মিনিস্তর শ্রী নরেন্দ্র সিংহ তোমার, রেলৱেজ, কম্মর্স অমসুং ইন্দস্ত্রী অমসুং কঞ্জুম্মর এফিয়রস, ফুদ অমসুং পব্লিক দিস্ত্রীব্যুসনগী য়ুনিয়ন মিনিস্তর শ্রী পিয়ুশ গোয়াল অমসুং কম্মর্স অমসুং ইন্দস্ত্রীগী য়ুনিয়ন মিনিস্তর ওফ স্তেত শ্রী সোম প্রকাশনা ঙসি নই দিল্লীগী বিগ্যান ভবনদা পাংথোকপা লৌমীগী য়ুনিয়ন ৪১গী মীহুৎকা ১০শুবা রাউন্দগী ৱারী শান্নবদা শরুক য়াখ্রে। হৌদোকপদা শ্রী তোমারনা লৌমীগী য়ুনিয়নশিংবু শ্রী গুরু গোবিন্দ সিংহগী ৩৫৪শুবা প্রকাশ পার্বো দা হরাও-তয়াম্বা ফোংদোকখি অমসুং মখোয়না তাল্লিবা অপাম্বা অসি ইংনা চৎথবগীদমক থাগৎপা ফোংদোকখি।    

শ্রী তোমারনা হায় মদুদি সরকার অসিনা লৌমীগী য়ুনিয়নশিংদা হায়রি মদুদি ফার্ম লো অসি চহি অমদগীনা অমা মখায় অমগী মতম খক্তা থমগদবনি। মসিগী মনুং অসিদা লৌমীগী য়ুনিয়নশিংগী মীহুৎকা অমসুং সরকারগা ৱারী শান্নদুনা লৌমীনা তাল্লিবা অপাম্বা অসিগী চান্নবা য়েংলগা পাম্বৈ অমা পুরক্নবা হোৎনগনি। ৱারী শান্নবা মনুং অসিদা লৌমীগী য়ুনিয়নশিংগী মীহুৎশিনা হায় মদুদি সরকারনা পীরিবা অপাম্বা অসি কুপ্না খন্নগনি অমসুং ২০২১গী জানুৱারীগী ২২দা ৱারী শান্নবগী অমুক লাক্কনি।   

এগ্রীকলচর মিনিস্তরনা অমুক্কা হন্না হায়রি মদুদি ফার্ম লো অসিনা লৌমীশিংগী পুন্সিদা অমসুং এগ্রীকলচর সেক্তরদা অওনবা অমা পুরক্কনি। সরকারনা লৌমীগী য়াইফনবগীদমক ঙাক্নবা লেপ্তুনা লৈরি অমসুং কনাগুম্বা অমত্তনা লৌমীগী লম অসি লৌবা ঙম্লোই। মিনিস্তরনা কন্না হায়জখি মদুদি ফার্ম লো অসি মচা খাইনা ৱা খন্নবা অসিনা হেন্না আর্থ থোকপা ৱারী ওইগনি, লৌমীগী য়ুনিয়নশিংনা লো অসি হন্দোকপগী মহুত্তা অতৈ অতোপ্পা পাম্বৈ অমা পীবা য়াই। সরকার অসিনা ৱারী শান্নবগী থৌওং অসি করিগুম্বা অতৈ খন্দনা অমসুং শেংনা চৎথনবা ফিরেপ লৌরি।

*****