ইনফোর্মেসন অমসুং ব্রোদকাস্তিং মন্ত্রালয়
সম্মর রেবেলসনা লুরবা তানফম কয়াদা ইমুং মনুং কায়াদা মোরল পীগনি হায়না আশা তৌই: দাইরেক্তর মার্তিনা সাকোভা
“ফিল্ম অসিনা ইমান্নবা তিন্নবা, থাজবা, অপুনবা অমসুং নুংশিববু পুক্নিং থৌগৎলি”
Posted On:
20 JAN 2021 5:02PM by PIB Imphal
পানাজি, ২০২১ জানুৱারী ২০
চহি ১১শুরবা নুপামচা অমা মহাক্কী মমাবু য়ানিংখিদে অমসুং জর্মানিগী স্লোভাকিয়াদা ময়ুম থাদোক্তুনা মহাক্কী মপুবোক থিনবা চেনখিরম্মি, মহাক্না মহাক্কী মপুবোক অসি মহাক্না খল্লিবা অদুম্না মরুপ-মপাং ওইগদরা হায়বা অসি খঙনিংখি। নুপামচা অসিগী খোঙচৎ অসিগী মরমদা হায়রদুনা দাইরেক্তর মার্তিনা সাকোভানা সম্মর রেবেল, আই.এফ.এফ.আই.৫১ ৱার্লদ পানোরামা ফিল্মগী মতাংদা, মহাক্না হায়খি মদুদি: “ৱারী অসি চহি ১১শুরবা নুপামচা অমগী মমিৎতা লীরি। ঐহাক্না আশা তৌই মদুদি ৱারী অসিনা ইমুং কয়াগী লুরবা মতম কয়াদা মোরেলগী মতেং পীগনি। ফিল্ম অসিদা য়াওরিবা থীম অসি ইমান্নবা তিন্নবা, থাজবা, অপুনবা অমসুং নুংশিবা য়াওরি। ঐহাক্না আশা তৌই মদুদি ভাবোকশিংনা ঐখোয়না পীরিবী ইথিল অসি উবা ফংগনি অমসুং অখন্নবা ফাগীনা মখোয়বু হেন্না নুঙাইহনগনি”। মহাক্না ইন্তর্নেস্নল ফিল্ম ফেস্তিবেল ওফ ইন্দিয়াগী ৫১শুবা ইদিসনগী ৫শুবা (২০২১গী জানুৱারীগী ২০) নুমিৎকী প্রেস কনফরেন্সতা ৱা ঙাংখি”।
“ঐহাকশু অঙাং ওইরিঙৈদা ইমুং কায়নবগী অৱাবা থেংনখি, অদুবু ঐহাক্না ইপু-ইবেনগা য়াম্না নুঙাইনা লৈরকখি”, হায়না অহানবা ফিল্ম পুথোক্লিবা দাইরেক্তর অসিনা শেংদোক্লি। মহাক্না হায় মদুদি ইলিয়াস ভাইস্কোসিল, অঙাং ওইরিবা এক্তর অসিনা নহা ওইরিবা নুপামচা জোনাসগী শক্লোন লৌরিবা, হায়নবা তৌদনা অমসুং য়াম্না হৈ-শিংবা অমসুং মঙোনদা পীবা করেক্তরশিং তৌবা ঙম্বা ওই।
ফিল্ম অসিগী মমিং অসি ‘সম্মর রেবেল’ করিগীদমক থোনবনো হংবদা, মহাক্না হায় মদুদি, “অঙাংগী করেক্তর অসি স্তেতস ক্যোগা মান্নদে. মখোয়না করিগুম্বা অমদগী হেক্তা হোংনবা হোৎনৈ”।
আই.এফ.এফ.আই.তা শরুক য়াবা অসিদা, মহাক্না হায়খি মদুদি: “ঐহাক্না গৌৱাগী মফম অসিদা লৈবা অমসুং ফিল্ম অসি উৎপা অসি য়াম্না হরাওই। ঐহাক্না ইন্দিয়াদা হান্না লাকখিদ্রি, অমসুং মসিগী ফিল্মগী সংস্কৃতী অসিবু হিংহনবা অসিদা ফিল্ম ফেস্তিবেল অসিবু থাগৎপা ফোংদোক্লি”।
সম্মর রেবেলসগী মরমদা
মার্তিনা সাকোভাগী সম্মর রেবেলসতা, “লোল অনি ওইবা ফাগী-খোঙচৎ” অমনি, নহা ওইরিবা জোনাস (ইলিয়াস ভাইস্কোসিল)না মহাক্কী ছুতিগী মতমদা মহাক্কী মপুবোক্কা লেনবা পামখি। মহাক্না তশেংনা পামখি – মদুদি মহাক্কী শোল্লবা মমানা অতোপ্পা থৌরাং অমা শেম্লবশু মহাক্না চৎপা পামখি। খর শাওখিবনা, মহাকনা শেংনা, য়াম্না থুনা, জোনাসনা জর্মানিগী স্লোভাকিয়াদা ময়ুম থাদোক্তুনা চেনখি। মহাক্কী নুংশিজরবা মপু বর্নার্দপু মহাক্না নিংশিংলিবা মহাক্কী শাওগনবা অদু লৈরিবরা হায়বা খঙনিংখি, মরম অদুনা মহাক্না খোঙচৎ অসি হৌখি অমসুং লোকেলগী নুপীমচা অলেক্স (লিয়ানা পাব্লিকোবা)গা পুনখি। মখোয় অনিগী অঙাওবা ৱাখলদগী অৱাবা তাখি। মরুপ-মপাং ওইবা অমসুং মশাগী ওইজবা থিদবা কালেনগী ওইবা খোঙচৎ অসিনা মপা লৈতবা অমসুং চহি লৈতবা মতমগী মংলানশিং নিংশিংহল্লি।
***
(Release ID: 1690577)
Visitor Counter : 161