ਪਹਾੜੀ ਖੇਤਰਾਂ ਵਿੱਚ ਦੂਰਸੰਚਾਰ ਕਨੈਕਟੀਵਿਟੀ ਨੂੰ ਬਿਹਤਰ ਬਣਾਉਣ ਲਈ, ਬਿਜਲੀ ਮੰਤਰਾਲੇ ਦੇ ਅਧੀਨ ਆਉਣ ਵਾਲੇ ਪੀਐਸਯੂ ਪਾਵਰਗਰਿੱਡ ਕਾਰਪੋਰੇਸ਼ਨ ਆਫ ਇੰਡੀਆ ਲਿਮਟਿਡ (ਪਾਵਰਗਰਿੱਡ)ਨੇ ਹਾਲ ਹੀ ਵਿੱਚ ਸ਼ਿਮਲਾ ਵਿੱਚ ਹਿਮਾਚਲ ਪ੍ਰਦੇਸ਼ ਰਾਜ ਬਿਜਲੀ ਬੋਰਡ ਲਿਮਟਿਡ (ਐਚਪੀਐਸਈਬੀਐਲ) ਨਾਲ 500 ਕਿਲੋਮੀਟਰ ਓਪੀਜੀਡਬਲਯੂ ਟੈਲੀਕਾਮ ਨੈਟਵਰਕ ਦੀ ਵਰਤੋਂ ਲਈ ਇੱਕ ਸਮਝੌਤਾ ਕੀਤਾ ਹੈ। ਇਸ ਤੋਂ ਇਲਾਵਾ ਐਚਪੀਐਸਈਬੀਐਲ ਐਕਸਟਰਾ ਹਾਈ ਵੋਲਟੇਜ (ਈਐਚਵੀ) ਲਾਈਨਾਂ 'ਤੇ ਪਈ ਮੌਜੂਦਾ 350 ਕਿਲੋਮੀਟਰ ਓਪੀਜੀਡਬਲਯੂ ਤੋਂ ਇਲਾਵਾ ਇਸ ਦੇ ਸੰਪਰਕ ਨੂੰ ਵਧਾਉਣ ਲਈ ਪਹਿਲਾਂ ਹੀ ਇਸਤੇਮਾਲ ਕੀਤੀ ਜਾ ਰਹੀ ਹੈ। ਇਹ ਕੁੱਲ 850 ਕਿਲੋਮੀਟਰ ਲੰਬੇ ਦੂਰਸੰਚਾਰ ਨੈਟਵਰਕ ਪਾਵਰਗਰਿੱਡ ਟੈਲੀਕਾਮ ਨੂੰ ਕਾਂਗੜਾ, ਊਨਾ, ਮੰਡੀ, ਕੁੱਲੂ, ਬਿਲਾਸਪੁਰ, ਸਿਰਮੌਰ, ਪਾਲਮਪੁਰ, ਸੁੰਦਰਨਗਰ, ਬਨੀਖੇਤ, ਅੰਬ, ਪਾਉਂਟਾ ਸਾਹਿਬ, ਨਾਹਨ ਆਦਿ ਦੇ ਦੂਰ ਦੁਰਾਡੇ ਇਲਾਕਿਆਂ ਵਿੱਚ ਪਹੁੰਚ ਦੇ ਯੋਗ ਬਣਾਏਗਾ।

ਖਰਾਬ ਮੌਸਮ ਦੀ ਸਥਿਤੀ, ਭੂ ਖਿਸਕਣ ਅਤੇ ਮੁਸ਼ਕਿਲ ਭਰੇ ਇਲਾਕਿਆਂ ਕਾਰਨ ਰਾਜ ਨੂੰ ਦੂਰ ਸੰਚਾਰ ਨੈਟਵਰਕ ਦੀ ਸੀਮਿਤ ਪਹੁੰਚ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ ਅਤੇ ਇਸ ਨਾਲ ਰਾਜ ਦੇ ਦੂਰ ਦੁਰਾਡੇ ਇਲਾਕਿਆਂ ਨੂੰ ਲੋੜੀਂਦਾ ਸੰਪਰਕ ਮਿਲੇਗਾ।

ਇਸ ਓਪੀਜੀਡਬਲਯੂ ਨੈਟਵਰਕ ਦੇ ਜ਼ਰੀਏ ਦੂਰਸੰਚਾਰ ਸੇਵਾ ਪ੍ਰਦਾਤਾ ਰਾਜ ਦੇ ਲੋਕਾਂ ਨੂੰ ਨਿਰਵਿਘਨ ਮੋਬਾਈਲ / ਇੰਟਰਨੈਟ ਸੇਵਾਵਾਂ ਪ੍ਰਦਾਨ ਕਰਨ ਦੇ ਯੋਗ ਹੋਣਗੇ। 

ਪਾਵਰਗਰਿੱਡ ਨੇ ਦੇਸ਼ ਭਰ ਵਿੱਚ 1000 ਤੋਂ ਵੱਧ ਸਥਾਨਾਂ ਨੂੰ ਜੋੜਨ ਵਾਲੇ 67,500 ਕਿਲੋਮੀਟਰ ਤੋਂ ਵੱਧ ਓਐਫਸੀ ਨੈਟਵਰਕ ਬਣਾਇਆ ਹੈ, ਜਿਸ ਵਿੱਚ 10G / 100G ਦੇ ਰਿੰਗਾਂ ਵਿੱਚ ਮਲਟੀਪਲ ਟ੍ਰੈਫਿਕ ਹੁੰਦਾ ਹੈ। ਪਾਵਰਗਰਿੱਡ ਓਐੱਫਸੀ ਨੈਟਵਰਕ ਜੰਮੂ ਕਸ਼ਮੀਰ ਅਤੇ ਉੱਤਰ ਪੂਰਬੀ ਖੇਤਰ ਦੇ ਪਹਾੜੀ ਅਤੇ ਮੁਸ਼ਕਲ ਪ੍ਰਦੇਸ਼ਾਂ ਦੇ ਨਾਲ ਦੇਸ਼ ਦੇ ਸਾਰੇ ਮਹੱਤਵਪੂਰਨ ਕਸਬਿਆਂ ਅਤੇ ਸ਼ਹਿਰਾਂ ਨੂੰ ਕਵਰ ਕਰਦਾ ਹੈ। ਕੰਪਨੀ ਨੇ ਭੂਟਾਨ ਅਤੇ ਨੇਪਾਲ ਨੂੰ ਅੰਤਰਰਾਸ਼ਟਰੀ ਕਨੈਕਟੀਵਿਟੀ ਦਾ ਘਰੇਲੂ ਹਿੱਸਾ ਵੀ ਪ੍ਰਦਾਨ ਕੀਤਾ ਹੈ ਅਤੇ ਬੰਗਲਾਦੇਸ਼ ਨੂੰ ਅੰਤਰਰਾਸ਼ਟਰੀ ਲੰਬੀ ਦੂਰੀ (ਆਈਐਲਡੀ) ਦੇ ਲਾਇਸੈਂਸਾਂ ਲਈ ਭਾਰਤੀ ਸਰਹੱਦ ਤੱਕ ਜੋੜਨ ਦਾ ਪ੍ਰਸਤਾਵ ਦਿੱਤਾ ਹੈ।

ਪਾਵਰਗਰਿੱਡ ਬਾਰੇ:-

ਪਾਵਰਗਰਿੱਡ, ਭਾਰਤ ਸਰਕਾਰ ਦੇ ਕੇਂਦਰੀ ਮੰਤਰਾਲੇ ਅਤੇ ਕੇਂਦਰੀ ਟਰਾਂਸਮਿਸ਼ਨ ਯੂਟਿਲਟੀ (ਸੀਟੀਯੂ) ਦੇ ਅਧੀਨ ਇਕ ‘ਮਹਾਰਤਨ’ ਸੀਪੀਐਸਈ, ਭਾਰਤ ਦੀ ਪ੍ਰਮੁੱਖ ਪਾਵਰ ਟ੍ਰਾਂਸਮਿਸ਼ਨ ਕੰਪਨੀ ਹੈ ਅਤੇ ਵਿਸ਼ਵ ਦੀ ਸਭ ਤੋਂ ਵੱਡੀਆਂ ਬਿਜਲੀ ਸੰਚਾਰ ਸਹੂਲਤਾਂ ਵਿੱਚੋਂ ਇੱਕ ਹੈ। ਪਾਵਰਗਰਿੱਡ ਦੇ ਵਿਸ਼ਾਲ ਸੰਚਾਰ ਨੈਟਵਰਕ ਵਿੱਚ ਦੇਸ਼ ਭਰ ਵਿੱਚ ਫੈਲੀਆਂ ਲਗਭਗ 420,630 ਐਮਵੀਏ ਦੀ ਪਰਿਵਰਤਨ ਸਮਰੱਥਾ ਵਾਲੇ ~168,140 ਸਰਕਟ ਕਿਲੋਮੀਟਰ, 252 ਈਐਚਵੀਏਸੀ ਅਤੇ ਐਚਵੀਡੀਸੀ ਸਬ-ਸਟੇਸ਼ਨ ਸ਼ਾਮਲ ਹਨ। ਇਹ ਨੈਟਵਰਕ ਔਸਤਨ ਉਪਲਬਧਤਾ >99% 'ਤੇ ਨਿਰੰਤਰ ਬਣਾਈ ਰੱਖਿਆ ਹੈ। ਕੰਪਨੀ ਦੇ ਸ਼ੇਅਰ ਬੀਐਸਸੀ ਅਤੇ ਐਨਐਸਈ 'ਤੇ ਸੂਚੀਬੱਧ ਹਨ ਅਤੇ ਐਸ ਐਂਡ ਪੀ ਬੀਐਸਸੀ ਸੈਂਸੇਕਸ ਅਤੇ ਨਿਫਟੀ ਦਾ ਹਿੱਸਾ ਹਨ। 

************

ਆਰਕੇਜੇ/ਐਮ