চীংগী লমশিংদা তেলিকোমগী খুদোংচাবশিং ফগৎহন্নবা, কিলোমিতর ৫০০গী ও.পি.জি.দব্লিউ তেলিকোম নেতৱার্ক শীজিন্ননবা পৱার মিনিস্ত্রিগী মখাদা লৈবা পি.এস.য়ু পৱার গ্রিদ কোরপোরেসন ওফ ইন্দিয়া লিমিতেদনা হন্দক হিমাচল প্রদেস স্তেৎ ইলেকত্রিসিতি বোর্দ লিমিতেৎকা য়ানচে অমা খুৎয়েক পীনখ্রে। রাজ্য অসিদা তেলিকোমগী থবক ফগৎহন্নবা কিলোমিতর ৩৫০গী ও.পি.জি.দব্লিউদা হৌজিক শীজিন্নরিবা হিমাচল প্রদেস স্তেৎ ইলেকত্রিসিতি বোর্দ লিমিতেৎ এক্সত্রা হায় ভোলতেচগী লাইনশিংগী মথক্তা হন্দক্কী অসি হাপচিল্লকপনি। অপুনবা কিলোমিতর ৮৫০গী পৱারগ্রিদ তেলিকোম লাইন অসিনা কনগ্রা, উনা, মান্দি, কুল্লু, বিলাসপুর, সিরমৌর, পালামপুর, সুন্দরনাগর, বানিখেত,অম্ব, পাউন্তা সাহিব অমসুং নহানগী মনুং হুঞ্জিনবা মফমশিংদা তেলিকোমগী খুদোংচাবশিং য়ৌহনবা ঙম্লগনি।

অকনবা নোং-চিংগী ফিবমশিং, চীং নিংখাইবা অমসুং অঙম্বা চীংমায়শিং ওইবনা তেলিকোমগী নেতৱার্ক য়ৌহনবদা রাজ্য অসিনা খুদোংচাদবা থেংনরি অমসুং পায়খৎলিবা থবক অসিনা রাজ্য অসিগী মনুং হুঞ্জিনবা মফমশিংদা তেলিকোম নেতৱার্ক য়ৌহনগনি।

মসিগী ও.পি.জি.দব্লিউ নেতৱার্ক অসিগী খুৎথাংদা, তেলিকোম সর্বিস পীরিবা কম্পেনিশিংনা রাজ্য অসিগী মীয়ামদা তৎপা লৈতবা মোবাইল/ইন্তরনেৎকী খুদোংচাবশিং ফংহনবা ঙম্লগনি।

পৱারগ্রিদনা কিলোমিতর ৬৭,০০০ হেনবগী ও.এফ.সি নেতৱার্ক শেমগৎতুনা লৈবাক শীনবা থুংনা তোঙান-তোঙানবা মফম ১০০০ হেন্না শম্নদুনা রিংশিংদা ১০জি/১০০জিগী ত্রাফিক পুরি। জে অমসুং কে অমসুং অৱাং-নোংপোক রাজ্যশিংগী চীং অমসুং খুদোংথিবা মফমশিং য়াওনা লৈবাক অসিগী মরুওইবা সহরশিং পৱারগ্রিদ ও.এফ.সি নেতৱার্কনা শম্নরি। ভুতান অমসুং নেপালগা মালেমগী ওইনা শম্নবা অমসুং ভারতকী ঙমখৈদগী বঙ্গলাদেস ফাওবা শম্নবগী ইন্তরনেসনেল লোং দিসতেন্স লাইসেন্সিগী থবকশিং ভারত মনুংগী ওইনা কম্পেনি অসিনা পাংথোক্লি। 

পৱারগ্রিদকী মরমদা

ভারত সরকারগী পৱার মিনিস্ত্রিগী মখাদা লৈবা ‘মহারত্ন’ সি.পি.এস.ই অমা ওইরিবা অমসুং ভারতকী সেন্ত্রেল ত্রান্সমিসন  য়ুতিলিতি(সি তি য়ু) পৱারগ্রিদ অসি ভারতকী মরুওইবা পৱার ত্রান্সমিসন কম্পেনি অমনি অমসুং মালেমদা খ্বাইদগী চাউবা পৱার ত্রান্সমিসন য়ুতিলিশিংগী মনুংদা অমনি। পৱারগ্রিদকী সর্কুইত কিলোমিতর ১৬৮,১৪০গী ত্রান্সমিসন লাইনশিং লৈরি, ৪২০,৬৩০ এম.ভি.এগী ত্রান্সফোর্মেসনগী শক্তি লৈবা ই.ঐচ.ভি.এ.সি অমসুং ঐচ.ভি.দি.সি সবস্তেসন ২৫২ লৈবাক শীনবা থুংনা লৈরি। কম্পেনি অসিগী নেতৱার্ক অসি চাংচত্তা মৈ চাদা ৯৯ লেপ্তনা ফংহল্লি। বি.এস.ই অমসুং এন.এস.ইদা কম্পেনি অসিগী সিয়ারশিং লিস্ততা য়াওরে অমসুং এস এন্দ পি বি.এস.ই সেনসেক্স অমসুং নিফতিগী শরুক অমনি।

*****