ইন্দিয়ন ওইল কোর্পোরেসন লিমিতেদ (ইন্দিয়ন ওইল) অমসুং নোর্থ দিল্লী ম্যুনিসিপাল কোর্পোরেসন (এন.দি.এম.সি.)না নই দিল্লীগী নরেলাদা লৈবা রানিখেরাগী এন.দি.এম.সি.ঈ লেন্দফিল সাইৎতা ইন্তিগ্রেতেদ ৱেস্ততু-ইনর্জী ফেসিলিতীশিং শানবা ঙসি মেমোরেন্দম ওফ অন্দরস্তেন্দিং (এম.ও.য়ু.) খুৎয়েক পীনখ্রে। এম.ও.য়ু. অসি পেত্রোলিয়ম এন্দ নেচরেল গ্যাসগী কেন্দ্রগী মন্ত্রী, শ্রী ধর্মেন্দ্র প্রধান, দিল্লীগী লেফতনেন্ত গভর্নর শ্রী অনিল বাইজল, নোর্থ দিল্লী ম্যুনিসিপাল কোর্পোরেসনগী মেয়র শ্রী জয় প্রকাশ, পেত্রোলিয়ম এন্দ নেচরেল গ্যাসকী সেক্রেতরী শ্রী তরুন কাপুর, নোর্থ দিল্লী ম্যুনিসিপাল কোর্পোরেসনগী কম্মিসনর শ্রী গ্যানেশ ভারতি অমসুং ইন্দিয়ন ওইলগী চিয়রমেন শ্রী এস.এম. ভাইদ্যাগী য়াওদুনা  খুৎয়েক পীনখিবনি।

এম.ও.য়ু. অসিগী শরুক ওইনা নরেলাগী রানিখেরাদা ইন্তিগ্রেতেদ ৱেস্ত তু ইনর্জী প্লান্ত অমা লিংখৎনবা কনসেসনর খঙদোক্নবগীদমক ইন্দিয়ন ওইলনা এন.দি.এম.সি.দা মতেং পাংগনি। প্লান্ত অসিনা ম্যুনিসিপাল সোলিদ ৱেস্ত (এম.এস.দবল্যু.) অমসুং এন.দি.এম.সি.গী ওর্গানিক ৱেস্ত প্রোসেস তৌদুনা প্লাস্তিক নত্ত্রগা সীনগ্যাস অমসুং মখোয়গী দাউনস্ত্রীম প্রদক্তশিং, প্লাস্তিক রিসাইক্লিং অসিনচিংবা পুথোক্নবা কমপ্রেস বাইওগ্যাস (সি.বি.জি.), রিসাইক্লিং প্লাস্তিকশিং, রিফ্যুস দিরাইভ ফ্যুল (আর.দি.এফ.) পুথোক্কনি।

থৌরম অসিদা ৱা ঙাংলদুনা শ্রী প্রধান্না হায় মরু ওইবা প্রোজেক্ত অসি হৌবনা তোঙান তোঙানবা মওংশিংদা ইনর্জী পুথোকপদা মতেং পাংগনি অমসুং ক্রুদ মপালদগী পুশিল্লকপদা মীপাল তাংবা হন্থহনগনি লোইননা অতোপ্পা লৈবাক অসিগী পান্দমশিং ফংহনবা ঙমগনি। “পেত্রোলিয়ম এন্দ নেচরেল গ্যাস মন্ত্রালয়না অসিগুম্বা প্লান্ত কয়া তুংলমচৎতা কান্ননবা দিল্লীদা লিংখৎনবা হোৎনগনি। এম.ও.য়ু. খুৎয়েক পীনবা অসি ইকাই খুম্নরবা প্রধান মন্ত্রী শ্রী নরেন্দ্র মোদীগী ভারতপু হেন্না শংবা অমসুং ইনর্জী চাদবা লমদম ওইহন্নবা অমসুং ইন্নোবেতিব গ্রীন সোলুসনশিং শিজিন্নদুনা ইনর্জীদা মীপাল তাংদনবা হোৎনবগী মঙলান অদু মঙ ফাওনবা ঙমহন্নবা খুৎয়েক পীনখিবনি।”

ইন্দিয়ন ওইল অমসুং নোর্থ দি.এম.সি.না চুংশিন্নদুনা প্রোজেক্ত অসি পাইখৎপগীদমক্তা থাগৎলদুনা মহাক্না ভারত শিনবা থুংনা অসিগুম্বা পাইলোৎ প্রোজেক্তশিং চাউথোক্তুনা মসিগা মান্ননা পাইখৎনবা ফোঙদোকখ্রে। শ্রী ধর্মেন্দ্র প্রধান্না হায় কেপিতেলদা অসিগুম্বা সি.বি.জি. প্লান্তশিং লৈবনা লৈবাক অসিগী কোনুংদা সোলিদ ৱেস্তকী সমস্যা কোকহনবা খক্তা নত্তনা পোলুসন অমদি ঐখোয়না থাওগী মীপাল তাংলিবা অসি হন্থহনবদা মতেংসু ওইগনি। ন্যু দিল্লী ম্যুনিসিপাল কাউন্সিল অমসুং দিল্লী কেন্তনমেন্ত য়াওনা দিল্লীগী অতোপ্পা মফমশিংদা সোলিদ ৱেস্ত য়েংশিন্নবা অসিগুম্বা অহেনবা প্লান্তশিং লৈহন্নবা ফোঙদোকখ্রে। অসিগুম্বা প্লান্তশিংদগী ওইল পি.এস.য়ু.শিংনা চাদা ১০০ গ্যাস োফতেক তৌহনগনি হায়না থাজবা পীখ্রে। শ্রী প্রধান্না হায় সরকারনা অসিগুম্বা প্লান্তশিংদগূ পুথোপা গ্যাস অসি পি.এন.জি., সি.এন.জি. পাইপলাইনশিংগা কন্নেক্ত তৌহনগনি। মহাক্না হায় অথুবদা অমদি মনুং মপান ফাওনা উবা ঙমগদবা মওংদা এন্দ তু এন্দ সোলুসন অমা থিদোকপা তাই অসুম তৌদুনা সহর অসিদা নুমিৎ খুদিংগী পুথোক্লিবা সোলিদ ৱেস্তকী তন ১৪০০০দগী ১৫০০০ অসি শাফগদবা অমসুং হকচাং শোকলোইদবা মওংদা হুন্দোকহনগদবনি। মহাক্ন পি.এস.য়ু.শিংনা তেক্নোলোজীগী ওইবা মতেং মথৌ তারকপদা পাংগনি হায়না থাজবসু পীখ্রে। মন্ত্রীনা মসিগী ফলশিং লাক্কদৌরিবা চহি খরা অসিদা উবা ফংনবা মসিগী থবক-থৌরমশিং খোঙজেল য়াংশিন্নবা অপাম্বা ফোঙদোকখ্রে। শ্রী প্রধান্না হায় কেন্দ্র সরকারা এগ্রী ৱেস্তশিংগী মতাংদা হরিয়ানগা হান্নদগী থবক পাইখৎমিন্নরি মসিনা পোলুসন হন্থহনবা খক্তা নত্তনা লৌমীশিংদা মখোয়গী রেসিদ্যুশিংগী অহেনবা ইনকম ফংহনবসু ঙমহল্লগনি।

শ্রী অনিল বাইজলা লৈবাক্কী কোনুংদা লৈরিবা মীয়ামদা প্রোজেক্ত অসিনা পীগদবা কান্নগদবশিংগী মতাংদা ফোঙদোকখ্রে। মহাক্না হায় সহর অসিনা মাগী লৈরিবা ৱেস্তকী চাং অসিগী শরুক অমা মখায় খক্তা প্রোসেস তৌবা ঙম্মি অমসিং ৱেস্তপু ইনর্জী প্লান্তশিংদা থাদবনা সোলিদ ৱেস্তশিং হেন্দল তৌবদা অনানবা অমদি অকোইবদা শোকহনবা পাম্বৈ শিজিন্নবা খক্তা নত্তনা ইনর্জী, সি.বি.জি., সিতী কম্পোস্ত অসিনচিংবা পুথোকপসু ঙমহনগনি।

শ্রী এম.ও.পি. এন্দ এন.জি.গী সেক্রেতরী তরুন কাপুরনা মহাক্কী ৱারোলদা সাইন্তিফিক ওইবা মওংদা এ.এস.দবল্যু মেনেজ তৌবা অমসুং ইনর্জীদা ওন্থোকপগী কান্নবা অদু ফোঙদোকখ্রে। মসিনা ভারতনা ইনর্জীগী মথৌ তারিবশিং থুংহনবা লোইননা ৱেস্ত অমদি লেন্দফিলদগী থোরকপা মরী লৈনবা সমস্যা হন্থহনগনি। মহাক্না হায় এস.এ.তি.এ.তি. স্কীমগী মখাদা প্লান্ত ৫০০ লৈহন্নবা হোৎনবগী মনুংদা ১৫দি চল্লাইবা হৌরে অমসুং অসিগুম্বা প্লান্তশিংদগী পুথোরকপা গ্যাস অসি ক্বালিতী য়াম্না লৈবনা মরম ওইরগা য়াম্না পামৈ।

ইন্দিয়ন ওইলগী চিয়রমেন শ্রী এস.এম. বাইদ্যানা মহাক্কী ৱারোলদা দিল্লীদা ৱেস্ত মেনেজমেন্ত থেংনরিবা সমস্যা অসিগী মতাংদা ফোঙদোকখ্রে। মহাক্না হায় প্রপোজ তৌরিবা প্লান্ত অসিনা ৱেস্ত মেনেজমেন্তগী কান্নগদবা সোলুসন অমা পীরগনি। এম.এস.দবল্যু-তু-ইনর্জী প্লান্ত অমা লিংখৎপনা কান্নবা কয়া পীরগনি অমসুং মসি ভারত সরকারগী স্বচ্ছ ভারত, আত্মা নির্ভর ভারত অমসুং মেক ইন ইন্দিয়াগী থৌরাংশিংগী শরুক ওইরগনি। মসিনা ভেল্যু চেনদা ৱেস্ত খোমগৎপদগী ইনর্জী য়োনবা ফাওবদা থবক কয়া পীবা ঙমলগনি।

ইন্তিগ্রেতেদ প্লান্ত অসিনা  এন.দি.এম.সি.না খোমগৎপা ম্যুনিসিপাল সোলিদ ৱেস্ত চাউরাক্না মিলিয়ন তন ২৫০০ প্রোসেস তৌগনি, প্লাস্তিকশিং রিসাইকল তৌগনি অমসিং কমপ্রেস বাইও-গ্যাস #সি.বি.জি., ইথানোল, সীনগ্যাস অমসুং অতোপ্পা ভেল্যু-এদেদ দাউনস্ত্রীম প্রদক্তশিং পুথোক্লগনি।

******