অহানবা ভারত-ই.য়ু. আই.পি.আর. দাইলোগ অসি ই.য়ু. কম্মিসন অমসুং প্রোমোসন ওফ ইন্দস্ত্রী অমসুং ইন্তর্নেল ত্রেদ বিভাগ (দি.পি.আই.আই.তি.)কী মরক্তা জনুৱারি ১৪, ২০২১দা ভর্চুএলগী খুত্থাংদা পাংথোকখ্রে। খন্ন-নৈনবা অসিগী পান্দমদি ভারত অমসুং ই.য়ু.গী মরী ফগৎহনবা অমসুং ইন্তেলেকচুএল প্রোপর্তী রাইৎসকী হীরমদা তেংবাংনবগী থৌওং হেনগৎহনবনি।

মীফম অসি দি.পি.আই.আই.তি.গী জোইন্ত সেক্রেতরী, এস.ঐচ. রবিন্দর অমসুং য়ুরোপিয়ন কম্মিসনগী দি.জি. ত্রেদ, য়ুনিৎ ইনভেস্তমেন্ত অমসুং ইন্তেলেকচুএল প্রোপর্তীগী মকোক, শ্রী কারলো পেত্তিনাতোনা লুচিংমিন্নদুনা ই.য়ু. কম্মিসন অমসুং দি.পি.আই.আই.তি.না পুন্না শিন্মিন্নবনি। ভারতকী নাকলদগী এক্সতর্নেল এফিয়র্স মন্ত্রালয়, গৃহ মন্ত্রালয়, লৌউ-শিংউ মন্ত্রালয়, হকশেল বিভাগ অমসুং রেভেন্যু বিভাগকী সরকারগী সেনিয়র ওফিসিএলশিং অমসুং ই.য়ু.গী নাকলদগী য়ুরোপিয়ন কম্মিসনগী তোঙান-তোঙানবা দাইরেক্তোরেৎ জেনেরেল কয়ানা খন্ন-নৈনবা অদুদা শরুক য়াখি।

ভারতকী মীফমগী লুচিংবা অসিনা নেস্নেল আই.পি.আর. পোলিসী, ২০১৬কী পান্দমশিং ফংনবা হোৎনবগা লোয়ননা আই.পি.আর.গী তোঙান-তোঙানবা ফিভম কয়াগী শম্লপ্পা পাউদম পীখি। মহাক্না স্তার্ত-অপ অমসুং এম.এস.এম.ই.শিংদা অনৌবা থৌওং পাংথোকপগী ইথিল পীনবগীদমক্তা ভারত্তা লৈরকখিবা লেজিস্লেতিবকী শেমদোকপা কয়াগী মরু ওইবগী মতাংদসু মিৎয়েং চঙখি। হীরম অসিগী মতাংদা ভারত সরকারনা পায়খৎপা খোঙথাং কয়া অমবু ই.য়ু.গী মীহুৎশিংনা থাগৎনখি। ই.য়ু.গী মীফমগী লুচিংবনসু দি.জি. ত্রেদ অমসুং ফ্রী ত্রেদ এগ্রীমেন্তকা মরী ঐনবা আই.পি.আর.শিং অমসুং ইন্তেল্লেকচুএল প্রোপর্তী রাইৎসপু নীংথিনা থবক ওইনা পাংথোকপা য়াওনা মখোয়না পাংথোকখিবা তোঙান-তোঙানবা থবকশিংগী অকুপ্পা পাউদম তমখি।

ৱাহৌদোক পীনরবা মতুংদা, আই.পি.গী চৎনবীগা মরী লৈনবা লম কয়া অমগী ই-পাউশিং অমগা অমগা তম্নখি। ই.য়ু.গী মীহুৎশিংনা হৌজিক্কী মতম অসিগী ইন্দস্ত্রীগী অপাম্বশিংনা খোঙজেল মান্ননা চৎপা ওইনা দিজিতেল মার্কেৎকী হন্দক্তা লৈখিবা কোপীরাইৎকী কাঙলোনগী মতাংদা অপদেৎ কয়া অমসু পীখি। ত্রেদমার্ককী মতাংদনা, মখোয়না মপুশিংদা নুংঙাইবা পীবা মফম অসিদা লৈরিবা দুএল সীস্তেমগী মতাংদা অকুপ্পা ৱারোল অমা লান্থোকখি।

ভারতকী মীহুৎশিংনা ত্রেদমার্ককী অপনবা হন্থরকপা অমসুং বিভাগ অসিনা থৌওং অসিবু অমুক্কা হেন্না ফগৎহন্নবা লেপ্তনা চত্থরিবা থবকশিংগী মতাংদা থৌমীশিংদা অপদেৎ পীখি। মখা তাবা ওইনা, পাম্বী ঙাক-শেনবা অমসুং লৌউবশিংগী হক অমসুং ভারতকী শেন্মিৎলোন্দা মখোয়গী মরু ওইবশিংগী মতাংদসু খন্ন-নৈনখি। ভারতকী মীহুৎশিংনা সরকারনা মপুশিংগী হকপু ইকায় খুম্নদুনা লৈহন্নবগীদমক্তা তোঙান-তোঙানবা থবক কয়া চৎনহনখিবগী মতাংদসু শম্লপ্পপা ৱারোল অমা থমখি।

খন্ন-নৈনবা লোইশিল্লকপদা, মীফমগী লুচিংবশিংনা মসিদা শরুক য়ারিবা মীওইশিংদা মীফম অসিগী শরুক অমা ওইবগীদমক্তা অমসুং লমদম অনি অসিগী মরক্কী মরীবুসু ফগৎহনবগীদমক্তা, মরু ওইনা লৈবাক অনি অসিবু আই.পি. ঙাক-শেনবা অমসুং মসিবু চৎনহনবগী হীরমদা হেন্না নকশিন্নবগী খুদোংচাবা পীরিবা কোবিদ-১৯গী লুরবা তাঞ্জা অসিগী মরক্তা, থাগৎপা ফোংদোকখি। মসিগী খন্ন-নৈনবা অসিবু কারবারদা অয়েৎপা পীবা ইন্তেল্লেকচুএল প্রোপর্তীগী মরু ওইবা শিংনবশিংগী মতাংদা খন্ননবা অমসুং শেন্মিৎলোন অনিমক্না কান্নমিন্ননবা তেংবানবগী হীরমশিং মশক খঙদোকপগী মতিক চাবা প্লেৎফোর্ম অমনি হায়না মিৎয়েং চঙদুনা য়ানবা পুরকখি।

****