নোর্থ ইস্তর্ন কাউন্সিল (এন.ই.সি.)গী ৬৯শুবা প্লেনরী সেসন অসি কেন্দ্রগী গৃহ মন্ত্রী শ্রী অমিৎ শাহনা চিয়রমেন ওইদুনা মেঘালয়গী শিল্লোংদা জনুৱারী ২৩ অমসুং ২৪, ২০২১দা পাঙথোক্লগনি। মীফম অসিনা এম.ও.এস. (ইন্দিপেন্দেন্ত চার্জ), অৱাং নোংপোক লমদমগী চাউখৎ থৌরাং মন্ত্রালয় (দোনর) অমসুং ভাইস চিয়রমেন, দা. জিতেন্দ্র সিংহ অমসুং অৱাং-নোংপোক থংবা রাজ্য নিপানগী ইকাই খুম্নরবা গভর্নরশিং অমসুং মুখ্য মন্ত্রীশিং য়াওবা এন.ই.সি.গী মেম্বরশিং অমসুং অতোপ্পা মেম্বরশিংনা শরুক য়াগনি। থৌরম অসিদা রাজ্যশিংগী মকোক থোংবা ওফিসিএলশিং অমসুং ভারত সরকারগী মরু ওইবা মন্ত্রীশিংসু শরুক য়ারবা য়াই।

এম.ও.এস. (আই/সি), দোনর, দা. জিতেন্দ্র সিংহনা ঙসি দোনর মন্ত্রালয় অমসুং এন.ই.সি.গী মকোক থোংবা ওফিসরশিংগা লোইননা শিল্লোং পাঙথোক্কদবা এন.ই.সি.গী ৬৯শুবা প্লেনরী সেসনগী শেম-শারিবা অমসুং মোদেলিতীশিং য়েংশিন্নবা মীফম অমা পাঙথোকখ্রে।

নুমিৎ নিনি পাঙথোক্কদবা সেসন অসিদা অৱাং নোংপোক লমদমগী তোঙান তোঙানবা চাউখৎ থৌরাংগী খোঙথাংশিং অমসুং তুংলমচৎকী পোরমশিংগী মতাংদা দোনর মন্ত্রালয়, এন.ই.সি., রাজ্য সরকারশিং লোইননা খনগৎলবা কেন্দ্রগী মন্ত্রালয়শিংনা প্রজেন্তেসনশিং উৎকনি। প্লেনরী অসিনা হৌজিক পাইখৎলিবা প্রোজেক্তশিং, ৬৮শুবা প্লেনরী মীফমগী প্রোসীদিংশিংগী কনফর্মেসন, অৱাং নোংপোক লমদমদা কেন্দ্রগী মন্ত্রালয়শিংগী আউৎলেশিং অমসুং মার্চ ২০২১গী মতুংদা তরামঙা শুবা ফাইনান্স কম্মিসনগী তর্মগী প্লানশিংগী মতাংদা খন্নরবা য়াই।

******