জনুৱারি ১৯,২০২১ ফাওবদা, রাজ্য ৫দা য়েনশিংদা অমসুং রাজ্য ১০দা ক্বাক/লৈবাক লান্না পাইরকপা উচেকশিং/লম্লক্কী উচেকশিংদা এভিয়ান ইনফ্লুয়েঞ্জা লাইচৎ শন্দোকপা থেংনরে।

মখা তানা, কেরলাগী অল্লাপুজা জিলা, নান্দেদ জিলা(চিখারি অমসুং তালহারি খুঙ্গংশিং),সাতারা(মারাই ৱাদি), লাতুর(দাবাঙগাও), নাগপুর(ৱারাঙ্গা), গাদচিরোলি, মুম্বাই(কলয়ান, থানে) অমসুং বিদ(ৱারাতি)দগী পুরকপা পোলত্রি সেম্পলশিংদা এভিয়ান ইনফ্লুয়েঞ্জা লাইচৎ শন্দোক্লে হায়বা খঙলে।

উত্তর প্রদেস(অলিগঞ্জ, খেরি-ক্বাক)অমসুং পঞ্জাব(রুপনাগর-বার হেদেদ গুস)রাজ্যশিংদা ক্বাক/লৈবাক লান্না পাইরকপা উচেকশিং/লম্লক্কী উচেকশিংদা এভিয়ান ইনফ্লুয়েঞ্জা লাইচৎ শন্দোক্লে।

মহারাস্ত্রদা লাইচৎকী হৌরকফম ওইরিবা পারভানি জিলা অমসুং সি.পি.দি.ও, মুম্বাইদা লায়না লাকশিনবা থবকশিং পাংথোকখ্রে অমসুং মহিক-মতাই হাৎপগী থবক চৎথরি। অতোপ্পা লায়না হৌরকফমশিংদা আর.আর.তিশিং থমখ্রে অমসুং য়েনশিং হাৎপগী থবক চৎথরি। ক্বাক/লৈবাক লান্না পাইরকপা উচেকশিং/লম্লক্কী উচেকশিংগী মতাংদা অফবা ফলশিং ফংবা মফমশিংদা মখা তানা থিজিনবগী থবকশিং পাংথোক্লি।

মৈধ্য প্রদেসতা(হারদা অমসুং মান্দসৌর জিলাশিং) য়েন হাৎপগী থবকশিং লোইশিনখ্রে অমসুং লায়নাগী হৌরকফমদগী কিলোমিতর ১গী অকোয়বদা লৈবা য়েনশিং হাৎনবা ছতিসগরগী বালোদ জিলাদা আর.আর.তিশিং থমখ্রে। হরিয়ানাগী পঞ্চকুলা জিলাদা লায়না হৌরকফমশিংদা মখা তানা য়েন হাৎপগী থবক চৎথরি।

ফিবম য়েংশিন্নবা শেমখিবা কেন্দ্রগী কাংবুনা লৈবাক অসিগী শোকহল্লবা মফমশিংদা চৎলি অমসুং এভিয়ান ইনফ্লুয়েঞ্জা লাইচৎকী হৌরকফমশিং য়েংশিন্নবা মহারাস্ত্রাগী রাইগাদ অমসুং পুনে জিলাশিংদা চৎখ্রে অমসুং লায়না অসিগী মতাংদা থিজিনবগী থবকশিং পাংথোক্লি।

রিভাইস এক্সন প্লান ফোর প্রিপারনেস, কন্ত্রোল এন্দ কন্তেনমেন্ত ওফ এভিয়ান ইনফ্লুয়েঞ্জা ২০২১দা য়ুম্ফম ওইদুনা রাজ্যশিং/য়ু.তিশিংনা পায়খৎলিবা লায়না লাকশিন্নবা থবকশিংগী মতাংদা রাজ্য খুদিংমক্না নুমিৎ খুদিংগী দিপার্তমেন্তদা পাউ পীরি।

সোসিএল মেদিয়া প্লেফোর্মশিং হায়বদি তুইতর, ফেসবুক হেন্দলশিংগী খুৎথাংদা এভিয়ান ইনফ্লুয়েঞ্জাগী মরমদা মীয়ামদা ৱাখল তাহন্নবা দিপার্তমেন্তনা লেপ্তনা থবকশিং পায়খৎলি।

******