হৱাই-থরাক মরু অমসুং রামনগর ভন্তা (মতুম তাবা অশংবা খামেন) য়াওবা মনা-মসিংগী শিপমেন্ত অমা ঙসি এয়র ইন্দিয়া এক্সপ্রেসকী খুত্থাংদা শারজাহগীদমক্তা লমথাখ্রে।

মসিগী কন্সাইনমেন্ত অসি ভরানসিগী লাল বহাদুর শাস্ত্রী এয়র্পোর্তগী লম্থাখিবনি। মসিগী শিপমেন্ত অসি এ.পি.ই.দি.এ.গী চেয়র্মেন অমসুং কেন্দ্র অমসুং রাজ্য সরকারগী সেনিয়র ওফিসিএলশিংনা লম্থাখিবনি। মসিগী কন্সাইনমেন্ত অসিদা হৱাই-থরাক মরু অমসুং রামনগর ভন্তাগুম্বা মনা-মশীংশিং য়াওদুনা চাউরাক্না কিলো ১০০০গী কার্গো য়াওখি। 

ভরানসি এয়র্পোর্ত্তগী এক্সপোর্তকী পোত্থোকশিং হকথেংননা থাবা হৌবগা লোয়ননা, ভরানসি অমসুং অনকপা মফমশিংদগী জি.আই.গী পোত্থোকশিং য়াওনা ভরানসি এয়র্পোর্তকী খুত্থাংদগী এগ্রিগী অতোপ্পা পোত্থোকশিংসু মীরমদা থাবগী ফম্বাক অমা শেম্বা হৌখ্রে।

প্রধান মন্ত্রীনা হন্দক্তা হায়খিবগুম্না মসিগী থৌওং অসি জি.আই. (জিওগ্রাফিকেল ইন্দিকেসন) পোত্থোকশিং মীয়ামদা খঙহন্নবা অমসুং ঐখোয়গী ইশাগী পোত্থোকশিং পুথোকপদা ‘লোকেলদগী গ্লোবেলদা’ হায়রিবা পান্দম অসি ফংনবনি। এ.পি.ই.দি.এ.গী চেয়র্মেন, দাঃ এম. অঙ্গমুথুনা য়াম্না তোপ-তোপ্পা পোত্থোক অমা ওইরিবা অমসুং জি.আই. সর্তিফিকেসনগী থৌওংগী মরক্তা লৈবগা লোয়ননা মালেমগী কৈথেলদা পাম্নহন্নবা শকখঙলবা রাম্নগর ভন্তা (মতুং তাবা অশংবা খামেন)গী ফার্মশিংদসু চত্তুনা য়েংশিনখি।

নোংপোকথংবা য়ু.পি. অসি পাক চাউবা মফম অমনি অমসুং মসিদগী খ্বাইদগী নকপা হিথাংফম অসিনা কিলোমীতর লিশিংগী মথক্তা লাপ্না লৈ। অসিগুম্বা ফিভম অসিদা, লমদম দম অসিগী ফার্মর প্রদ্যুসর ওর্গনাইজেসন (এফ.পি.ও.) অমসুং মীরমদা পোত্থোক থাদোকপা মীওইশিংগী ওইনদি মখোয়গী পোত্থোকশিংবু এয়র্পোর্তকী খুত্থাংদা মীরমদা থাদোকপা য়াবা অসিদগী হেন্না ফবা থৌওং অমতা লৈত্রবনি।

ভরানসিগী এয়র্পোর্ত্তা পোত্থোকশিংবু মীরমদা হকথেংননা থানবা খুদোংচাবা লৈরমদে অমসুং মসিনা মরম ওইদুনা এক্সপোর্তরশিংনা মখোয়গী পোত্থোকশিং অসি হান্নদি লখনৌ নত্ত্রগা দিল্লীদা অমুক পুবগী তঙাই ফদবা লৈরম্মি। মসিগী পুথোক পুশিন তৌবগী অহেনবা থবক অসিনা অহেনবা শেল, মতম চঙবা অমসুং থৌওং অসিগী মরক্তা পোত্থোকশিংদা অমাঙ-অতা থোকপগী ওইথোকপা কয়া লৈবা অসিনা মীরমদা পোত্থোক থাদোকপদা খুদোংচাদবা কয়া লৈহল্লম্মি। কোবিদ-১৯গী মতম অসিদসু চত্থোক-চৎশিন তৌবদা অথিংবা কয়া লৈখিবনা মরম ওইদুনা এফ.পি.ও.শিংনা মখোয়গী পোত্থোক য়োন্নবা হোৎনবদা অৱাবা অমা ওইরম্মি।

মরী লৈনবা মীওইশিংনা কন্না হোৎনবদগী হৌজিক্তি, লাল বহাদুর শাস্ত্রী ইন্তর্নেস্নেল এয়র্পোর্ত অসিদা এগ্রি-এক্সপোর্তকী তঙাই-ফদবা অয়াবা পীবগী মথৌ নীংথিনা তৌবা খুদোংচাবা কয়া লৈরে। এয়র্পোর্ত অসিদা লৈরিবা পনবা য়াবা মশক থোকপা খুদোংচাবা খরদিঃ

• পৎথ-পুমথবা নাইবা লৌউ-শিংউগী পোত্থোকশিংগী কোল্দ রুম ফেসিলিতী।
• কস্তমসকী অয়াবা পীবদা খোঙজেল থুনবা হায়দুনা এয়র্পোর্ত অসিদা কস্তমস ক্লিয়ারেন্সকী খুদোংচাবা লৈহল্লে।
• অয়াবা পীনবা এজেন্তশিং (কস্তমস এজেন্তশিং)।
• কস্তমসকী অয়াবা পীবগী মরী লৈনবা ফেসিলিতীশিং, ত্রেদর/এক্সপোর্তরশিংগী এ.দি. কোদ রেজিস্ত্রেসন।
• প্লান্ত ক্বারান্তাইন বিভাগকী খুত্থাংদা ফাইতো-সেনিতরী ক্লিয়ারেন্স পাংথোকপা।
• এয়র ইন্দিয়া এক্সপ্রেস, এয়র ইন্দিয়া, স্পাইসজেৎ, ইন্দিগোগুম্বা অচৌবা এয়র্লাইন্সশিংদা ভরানসি এয়র্পোর্ত অসিদা ইন্তর্নেস্নেল কার্গোগীদমক্তা বি.জি. বোন্দ অমসুং ত্রান্স-শিপমেন্ত লিংখৎনবা পুক্নিং থৌগৎপা।

এ.পি.ই.দি.এ.না পায়খৎলিবা খোঙথাংশিং অসিগী মখা তাবা ওইনা, ‘ভরানসি এন এগ্রি-এক্সপোর্ত হব’ প্রোজেক্ত লৈহন্নবা থৌওংশিং অসিগী মহৈ-য়ানবা হৌরে অমসুং প্রধান মন্ত্রীনা লৌমীশিংগী চাগাবু শরুক অনি থোক্না হেনগৎপা অমসুং এক্সপোর্তকী চাং হেনগৎপগী মঙলান অসিবু মঙফাওননবা থবকসু পায়খৎলি।

লাইচৎকী মনুংদসু, এ.পি.ই.দি.এ.না লৌমীশিংনা মখোয়গী পোত্থোকশিংবু মীরমদা থাদোক্নবা পীহল্লকপদা তেংবাংনবা থবক কয়া পায়খৎখি। মসিনা ভরানসিগী মফমদগী লখনৌ অমসুং দিল্লীগী খুত্থাংদা এক্সপোর্তকী শিপমেন্ত কয়া মাই পাক্না থারকপা ঙমহনখি।

লমদম অসিগী এক্সপোর্তর, এফ.পি.ও.শিংনা মখোয়গী পোত্থোকশিংবু মীরমদা থাদোকপদা নত্তনা বেঙ্গালোর, মুম্বাই, দিল্লীনচিংবা লৈবাক্কী কৈথেলশিংদসু থাদোক্ননবা এক্সপোর্তরশিংদগী কান্নগদবা ৱাহৌদোক কয়া ফংবা হৌরে। মসিগী মাইকৈ অসিদা মাই-পাকপা ফংবগী থৌওং খরা মখাদা পীরিঃ

• ভরানসিগী হৈনৌ অমসুং মনা-মশীংশিংবু লন্দন অমসুং দুবাইগী কৈথেলশিংগা শম্নহনখ্রে।
• ঘাজিপুরগী মনা-মশীংশিংবু লন্দন অমসুং দুবাইগী কৈথেলশিংগা শম্নহনখ্রে।
• চান্দাউলীগী মফমগী চেংগা কতারগা শম্নহনখ্রে।

ভরানসিগী লমদমগী ললোন-ইতিক্কী বোদী খরদি এক্সপোর্তর ওইনা রেজিস্তর তৌখ্রে। এ.পি.ই.দি.এ. (কম্মর্স অমসুং ইন্দস্ত্রীজ মন্ত্রালয়)না এক্সপোর্তকা মরী লৈনবা স্তেকহোলদর খুদিংমক্কা তেংবাংননবা অমসুং মালেমগী কৈথেলদা ভারতকী এগ্রিগী পোত্থোকশিংবু পাম্নহন্নবা পান্দমগা লোয়ননা স্তেকহোলদর খুদিংমক্কা য়াম্না নক্ননা থবক তৌমিন্নরি।

****