“ঐখোয়না হৌজিক হিংলিবা অসি সংসার অনি লৈ হায়বা অসি তাকপনি – মদুদি “মখোয়” অমসুং “ঐখোয়”, মসিদা “মখোয়” অসি “ঐখোয়” হায়বা অসিনা খঙবিদে। ঐখোয়গী ফিল্ম অসি মালেম অসি নুংশিবগা লোয়ননা উন্নবা থোংনাও অমনি, মসি চৎনবা হায়বা অমা লৈতনা, হায়রিবা অসিনা ঐখোয়না লৌশিনবিনবগী অয়াবা অমা পীনবা, মপম অমা মদুদি অমগা-অমগা নুংশিনবা অমসুং ইকাই খুম্নবা অসিনি”। মসি ঙসি শ্রী শ্রীধার বি.এস., ‘ইন আৱর ৱার্লদ’গী দাইরেক্তরনা, আই.এফ.এফ.আই. ৫১ দোকুমেন্তরি ফিল্ম, ৫১শুবা ইন্তর্নেস্নেল ফিল্ম ফেস্তিবেল ওফ ইন্দিয়াগা হায়খিবনি। মহাক্না ফেস্তিবেল অসিগী ৪শুবা নুমিৎ (২০২১গী জানুৱারীগী ১৯)তা দাইরেক্তর শ্রী পৃথিবি কোনানুর অমসুং এক্তর মিস গুঞ্জালাম্মাগা লোয়ননা আই.এফ.এফ.আই. ৫১ ইন্দিয়ন পানোরামা ফিল্ম ইন পিনকি এল্লি? মতাংদা প্রেস কনফরেন্সতা ৱা ঙাংখিবনি।    

“ঐখোয়গী ফিল্মশিং অসিনা ইন্থোক্লবা অঙাংশিং অসিগী মমা মপানা থেংনরিবা চৈথেং অসি মালেম অসিদা খঙহনবা অমসুং মখোয়দা লৈরিবা চৈনা অসি ফাওহন্নবগী তাঞ্জা অমা পীবনি”। ফিল্ম অসি নম্বদা মহাক্কী ওইনা থৌনা অদু হায়রদুনা , শ্রী শ্রীধারনা হায় মদুদি: “অঙাংশিং অসিনা নুংশিবিনবা মাইকৈ য়েংলি, অদুবু মখোয়না মখোয়গী পুন্সিদা মীশিংগা থেংনবা অসি য়াম্না ৱানা থোক্লি। মসি ঐহাক্কী থম্মোয়দা ফাওই অমসুং মসি ঐহাকনা মীয়ামদা পাওজেল পীবা ওইগনি। ঐহাক্না ইন্থোক্লবা অঙাং অহুম অসিনা ঙসি তীম অসিদা মশক তাকপগীদমক থাগৎপা ফোংদোক্লি। নখোয়গী ইমা ইপাদশু থাদৎপা ফোংদোক্লি, মখোয়বু ঐহাক্কী পাওজেল অসি মালেমদা পীনবা অসিদা মখোয়বু য়াওনবা অয়াবা পীবিবগীদমক”।

ইন্দিয়ন পানোরামা নন ফিচর কেতগরীগী মিনিত ৫১গী দোকুমেন্তরী, খোঙজেল য়াওদবা, অসিনা ইন্থোক্লবা অঙাং অহুম, মখোয়গী ইমুং অমসুং হৌজিক ওইরিবা ওতিজম স্পেক্ত্রম দিসওর্দর (এ.এস.দি.) অসি খঙহন্নবা পান্দম থম্বনি। “ঐহাক্ন লৌরিবা অসি ইচম চম্বা অঙাং অমনা লৈরিবা মওং মতৌ অদু উৎপনি অদুবু হায়রিবা অসি মখোয়বু ‘মহৌশা’গী ওইরিবা সমাজ অসিদা পুরকপা ঙমদে” শ্রী শ্রীধারনা মখা তাখি।

ফিল্ম অসি ২০২১গী জানুৱারীগী ১৮দা গৌৱাগী আই.এফ.এফ.আই.কী ৫১শুবদা অহানবা উৎখি। দোকুমেন্তরী অসি ক্রীএতিব এক্সেল্লেন্সকীদমক ৪৩শুবা নেস্নেল অমসুং ইন্তর্নেস্নেল এৱার্দকী লৌখ্রবা ফিল্ম শেম্বা শ্রীধার বি. এস.না দাইরেক্ত তৌবা অমসু পুথোকপনি।  

‘পিনকি এল্লি?’গী দাইরেক্তর পৃথিবি কোনানুর হায় মদুদি: “মসিগী মুভি অসি বেঙ্গালুরুদা সমাজদা পাখৎহনবা অমনি অমসুং আর্বান্দা চাওরকপা অঙাংশিংগী মরমদনি। ফিল্ম অসি শিনফম ওইনা তৌবা এক্তর অনি য়াওরি, অতৈদি ফিল্মদা অমুক্তা য়াওদ্রিবা ঙাক্তনি। থবক অসি মপুং ফানা ভাবনা শাবনি। ঐখোয়না ফিল্ম অসি অশেংবা ফাওনবা নম্বনি। ফিল্ম অসি অঙাং অমা মাংখিবগী মরমদা ওইবনা পান্দম অসি অকোইবদা লৈরিবা অঙাংশিংদা পীরি। ঐখোয়না ফিল্ম অসি নম্বদা য়াম্না নুঙাইবা ফাওই।

মিস গুঞ্জালাম্মা, হায়রিবা অসি অহানবা এক্তর ওইনা লৈশাবী সানাম্মাগী শক্লোন লৌরি, অমসুং শক্লোন অসি লৌবদা কিবা অমসুং চিংনবা কয়া অমা ফাওবগী মরমদা হায়রি। “মুভি অসিগীদমক চংশিল্লকপদা, ঐহাক্না আর্ত দাইরেক্তর রামাচন্দ্রান্নাদা হায় মদুদি ঐহাক্না থবক অমখক খঙই, মদুদি, অঙাংশিংগী খনবা অসিনি। অদুবু মহাক্না মসিমক সিনেমা অসিদা তৌনবা হায়রকখি। অহানবদা ঐহাক্না য়াম্না কিরম্মী”।

ফেস্তিবেল অসি য়াওনবা মহাক্ন বার্তোন তৌরকপদা, মহাক্না মসি হায়নবা হায়খি মদুদি: “ঐহাকপু গৌৱা তান্না ফ্লাইত্তা লাক্কদবনি হায়বদা, ঐহাক্না নুমিৎ হুম্নি চাক চাখিদে। ঐহাক্না ফিল্ম ফেস্তিবেল অসি য়াওবা লাকপদা কেমেরানা ঐহাক্কী ফোতোগ্রাফ লৌগনি খনবদা য়াম্না হরাওখি। ফিল্ম অসিগী মতুংদা ভাবোকশিংদগী ঐহাক্কী উৎখিবা অসিদা থাগৎপা য়াম্না ফোংদোক্নরকখি। ঐহাক্না য়াম্না হরাওখি”। 

ইন আৱর ৱার্লদগী মরমদা

ইন আৱর ৱার্লদ হারিবা দোক্যুমেন্ত অসিদা ইন্থোক্লবা অঙাং অহুমগী পুন্সিদা, মখোয়গী নুমিৎ খুদিংগী থেংনবা অশেংবা, মখোয়গী তাইবং অসি মীয়ামদা তাকপা অমসুং মখোয়বু খঙবিদুনা নুংশি চান্না লোইনবিবা অসিনি। মমা মপাগা থেংনবা অমসুং ৱারী শাবা, থেরাপীস্ত; মখোয়গী নুংতিগী থবকশিং হায়বদি ইরোইবগী ক্লাস, শগোল থৌবা অমসুং ইশৈগী পারা; মমা মপাগা উন্নবা মখোয়গী অখন্নবা মিকুপ, হায়রিবশিং অসিনা আশা অমা পীরি। মসিনা ফোংদোক্লি মদুদি মখোয়গা নুমিৎ খুদিংগী য়াশিন্নবা অমসুং ত্রাইএলশিং অসিনা মখোয়না মিনুংশি হায়বা অমা পামখিদ্রে, অদুবু মসিদগী হেন্না মখোয়বু খঙবিবা অমসুং মখোয় অসিবু য়াবিবা অসিনি,মসিনা মখোয়বু ঐখোয়না খঙবিবা অমসুং নুংশি চান্না লৌবিবা অমা চংলি।

ইন পিনকি এল্লি?গী মরমদা

ইন পিনকি এল্লি? (পিনকি কদাই চৎখ্রে), পৃথিবি কোনানুরনা দাইরেক্তসন পীবা কান্নাদা মুভি অসিদা অকশাথা পন্দাবাপুরা, দীপক সুব্রামানিয়া, অনুপ শুনিয়া অমসুং রামাচন্দ্র হোসুরনা মপুং ওইবা শক্লোন লৌরি। মুভি অসি অঙাং মচা অমা মাংখিবগী থিবদা থেংনবা অরোৎপা অমসুং অঙকপগী মরমদনি।

মসি দাইরেক্তর পৃথিবি কোনানুরগী বেঙ্গালুরুদা শেমগৎপা ‘রেলৱে চীলদ্রেন’দগী অনৌবা মুভিনি। মসি মমা-মপা ওইবশিংগী অকিবা ফাওবা অমা ওইনা হৌরকই অদুবু মথন্তা খঙলকখি মদুদি ওন্ন-তৈনবা ওইনা – সমাজগী চৎনবী অমনা অচৌবা ক্রাইম অমা ওইরকই।

ফিল্ম অসি পৃথিবি কোনানুরগী অহুমশুবা ফিচর অমা ওইনা, বেঙ্গালুরুদা হৌদোকখি। মসি বিন্দুশ্রী কৌবী থবক তৌবী নুপী অমদগী হৌরকখি, মহাক্না মহাক্কী থা নিপাল খক্তা ঙাইরিবী মচানুপী পিনকি অসি সানাম্মাদা শিন্নরমখি। সানাম্মানা পিনকিবু মরী মতা ওইরিবা আনাসুয়াদা পীদুনা ত্রাফিক সিগ্নেলদা বিখা নিবদা শিজিন্নৈ হায়বা অসি বিন্দুশ্রীনা খঙলমদে। 

পিনকি নোংমদি মাংখ্রে, সানাম্মা অমসুং অনাসুয়া অনিমক অকি-তুজুংখ্রে। ফিল্ম অসি সমাজগী অশেংবা দ্রামা অমসুং পাকৎহনবা অমনি।

***