শেলথুম মন্ত্রালয়গী দিপার্তমেন্ত ওফ এক্সপেন্দিচরনা পীবা পাৱর সেক্তরদা অওনবা পুরকপগী লমদা মধ্য প্রদেশনা মাঙজিল থারি‍। অওনবা পুরকপা অসিগী শরুক অমা ওইনা স্তেত অসিনা দিসেম্বর ২০২০দগী হৌরগা স্তেত অসিগী দিস্ত্রিক্ত অমদা লৌমীশিংদা পীবা মৈগী সবসিদীগী দাইরেক্ত বিনিফিত ত্রান্সফর হৌখ্রে‍। অসুম্না স্তেত অসিনা পাৱর সেক্তরদা পুরক্কদবা অওনবা অহুমগী মনুংদা অমা মায় পাক্না পায়খৎখ্রে‍।

অওনবা অসি মায় পাক্না পুরকখিবগীদমক স্তেত অসিবু মখোয়গী গ্রোস স্তেত দোমেস্তিক প্রদক্ত (জি.এস.দি.পি.)গী চাদা ০.১৫গা মান্নবা অহেনবা শেলথুমগী মচাক খোমগৎপা য়ারে‍। মদুগী মতুং ইন্না দিপার্তমেন্ত ওফ এক্সপেন্দিচরনা স্তেত অসিদা ওপন মার্কেত বোরোৱিংগী খুত্থাঙদা লুপা করোর ১,৪২৩গী অহেনবা শেলথুমগী মচাক খোমগৎনবা অয়াবা পীখ্রে‍। মসিনা স্তেত অসিদা কোবিদ-১৯ লাইচৎ থেংননবা মথৌ তাবা শেলথুমগী মচাক ফংহল্লে‍।

শেলথুম মন্ত্রালয়না পাৱর সেক্তরদা অওনবা পুরক্নবা হোৎনরিবা অসি লৌমীশিংদা লৌথুপ লৌকোয় লৈতনা অপনবা য়াওদনা মৈগী সবসিদী ফংহন্নবা অমদি মৈ মাঙবা হন্থহন্নবা পান্দমদনি‍। মসিনা পাৱর দিস্ত্রিব্যুসন কম্পেনীশিংগী শেলথুম মরাং কায়দবগী অৱাবা তুং কোইগদবা মওংদা কোকহন্দুনা মখোয়গী ফীভম ফগৎহন্নবসু পান্দম থম্লি‍।

দিপার্তমেন্ত ওফ এক্সপেন্দিচরনা পীবা চৎন-পথাপকী মতুং ইন্না, পাৱর সেক্তরদা অওনবা পুরক্লবা স্তেতশিংনা মখোয়গী সি.এস.দি.পি.গী চাদা ০.২৫গী অহেনবা শেলথুমগী মচাক খোমগৎনবগী অয়াবা পীরি‍। মসি সেক্তর অসিদা পুরক্কদবা অওনবা ৩গা মরী লৈনহল্লি:

অপীবা পান্দমগী মতুং ইন্না স্তেতশিংদা এগ্রিগেত তেক্নিকেল অমসুং কম্মর্সিএল লোস হন্থহনবগীদমক জি.এস.দি.পি.গী চাদা ০.০৫‍।

অপীবা পান্দমগী মতুং ইন্না পাৱর সপ্লাইগী এভরেজ কোস্ত অমসুং এভরেজ রিভিন্যু রিএলাইজেসন (এ.সি.এস.-এ.আর.আর. গেপ) অনিগী মরক্তা লৈরিবা খেন্নবা হন্থহনবদা জি.এস.দি.পি.গী চাদা ০.০৫‍।

অকোনবদা, লৌমীশিংদা মৈ লেম্না/সবসিদাইজ ওইনা পীবগী মহুত্তা দাইরেক্ত বিনিফিত ত্রান্সফর (দি.বি.তি.) হৌদোকপদা স্তেত অদুগী জি.এস.দি.পি.গী চাদা ০.১৫ পীগদবনি‍। মসিগীদমক, স্তেত লৈঙাক অসিনা দিসেম্বর ৩১, ২০২০ ফাওবগী মনুংদা য়ামদ্রবদা দিস্ত্রিক্ত অমদা শেল ত্রান্সফর তৌনবা স্কিম অমা শেমদুনা স্কিম অদু পায়খৎকদবনি‍।

মধ্য প্রদেশনা স্তেত অদুগী লৌউ-শিংউগী কঞ্জ্যুমরশিংগীদমক দি.বি.তি. স্কিম অমা শেম্লে‍। স্কিম অসি এম.পি. মধ্য ক্ষেত্র বিদ্যুৎ ভিতিরন কো. লিমিতেদকী খুত্থাঙদা দিসেম্বর ২০২০দগী হৌরগা মৈ ফংহল্লিবা স্তেত অদুগী ভিদিসা দিস্ত্রিক্ততা পায়খৎখ্রে‍। স্কিম অসিগী মখাদা দিসেম্বর ২০২০ মনুংদা বিনিফিসিয়রী ৬০,০৮১গী বেঙ্ক একাউন্তশিংদা লুপা করোর ৩২.০৭গী শেন্ফম থাজিনখ্রে‍। মদুগা ইরোয়ননা স্তেত অসিনা ঝাবুৱা অমসুং সিএনি দিস্ত্রিক্ততসু দি.বি.তি. স্কিম অসি পায়খৎনবা থৌরাং হৌখ্রে‍। স্কিম অদু অহানবা তাঙ্কক্তা দিস্ত্রিক্ত ৩দা পায়খৎখিবদগী তমহৌবশিং অদুদা য়ুম্ফম ওইরগা স্কিম অসি শেন্বা জহী ২০২১-২২দা স্তেত পুম্বদা চৎনহনগদৌরি‍।

কোবিদ-১৯ লাইচৎনা পীরিবা শিংনবা কয়া থেংনবদা মথৌ তাবা মচাকশিং পীবা ঙম্নবগীদমক ভারত লৈঙাক্না মে ১৭, ২০২০দা স্তেতশিংগী শেন পুবা য়াবগী চাং মখোয়গী জি.এপ.দি.পি.গী চাদা ২ হেনগৎহনখি‍। মসিগী তঙ্খায় অমদি স্তেতশিংনা মীয়ামগী য়াইফনবা অহোংবশিং পায়খৎপগা মরী লৈনহল্লি‍।

সেক্তর খুদিংদা অওনবা মপুং ফানা পুরকপদা স্তেতশিংদা মখোয়গী জি.এস.দি.পি.গী চাদা ০.২৫কা মান্নবা অহেনবা শেন্ফম খোমগৎনবগী অয়াবা ফংহল্লি‍। অওনবা পুরক্নবা মশক খঙদোক্লবা মীয়ামগা মরী লৈনবা হীরমশিংদি (ক) ৱন নেসন ৱন রেসন কার্দ সিস্তেম পায়খৎপা (খ) ইজ ওফ দুইথ বিজিনেসকী অওনবা, (গ) অর্বান লোকেল বোদী/য়ুতিলিতীগী অওনবা অমসুং (ঘ) পাৱর সেক্তরগী অওনবা অসিনি‍।

হৌজিক ফাওবদা স্তেত ১৪না পীরিবা অওনবা মরি অসিগী মনুংদগী অমা নৎত্রগা অমা পুরক্তুনা অহেনবা শেল পুবগী অয়াবা ফংখ্রে‍। মসিগী মনুংদা স্তেত ১১না ৱন নেসন ৱন রেসন কার্দ সিস্তেম চৎনহনখ্রে, স্তেত ৮না ইজ ওফ দুইং বিজিনেস রিফোর্ম চৎনহনখ্রে, স্তেত ৪না লোকেল বোদী রিফোর্ম চৎনহনখ্রে অমদি মধ্য প্রদেশনা পাৱর সেক্তরদা অওনবা পুরকখ্রে‍। হায়রিবা স্তেতশিং অসিদা মথক্তা পল্লিবা অওনবশিং অসি পুরকপগীদমক পুবগী অয়াবা পীখ্রবা অহেনবা শেন্ফম লুপা করোর ৬২,৭৬২ য়ৌখ্রে‍।

****