“ঐনা ঐগী ফিল্মগী মচাক থিনবগীদমক ভারতকী মফম শিন্বা থুংনা চৎখি‍”‍।

“ফিল্ম-মেকর খুদিংমক্না খুন্নাইলোন অমসুং রাজনিতীগী মচাকশিং নীংথিনা খঙবা মরু ওই”‍।

“ঐনা খনবদা অইবা অমসুং দাইরেক্তরনা খুন্নাইগী মরমদা নীংথিনা য়েংবা চঙই‍। অদোম্না অদোমগী উৎনিংলিবদু কনাদসু নুংঙাইহন্দবা তৌদনা উৎপা য়াই‍”‍।

হায়রিবশিং অসি আই.এখ.এখ.আই. ৫১ ইন্দিয়ন পেনোরমা জুরীগী চেয়রমেন অমসুং নেসনেল ফৎল্ম এৱার্দ-ৱিন্নিং ফিল্ম অইবা, পুথোকপা অমসুং লমতাকপা জোন মেথিউগী ৱাহৈনি‍। মহাক্না ৱাফমসি গোৱাদা পাঙথোক্লিবা ৫১শুবা ইন্তরনেসনেল ফৎল্ম ফেস্তিবেল ওফ ইন্দিয়া (আই.এফ.এফ.আই.)কী মর্চুএল ওফরিংগী শরুক অমা ওইনা পাঙথোকপা “দু য়ু হেব ইত?” হায়না মিংথোনবা ভর্চুএল ইন-কন্ভরসেসন অমদা ফিল্ম জর্নেলিস্ত ফরিদুন সাহরিয়রগা ৱারী ৱাতায় শান্নবা অমদা ফোঙদোকখিবনি‍।

শ্রী মত্থন মহাক্না লমতাকখিবা অমদি পুথোকখিবা অদুগা মহাক্না ৱারী-স্ক্রীনপ্লেসু ইখিবা ‘সরফরোস’ (১৯৯৯) ফিল্মগীদমক নেসনেল ফিল্ম এৱার্দ ফংখিবনি‍। ফিল্মসিগী মতাঙদা ৱা ঙাঙলদুনা ফিল্ম ২০০ হেন্না পুথোকখ্রবা মীওই অসিনা হায়খিবদা: “ফৎল্মদা ঈশিংশিং অসিগী মথৌ অমা লৈরি‍। মুভু অসি পুথোকখিবা মতমদা ঈশৈ অসি শেল তান্নবগী অচৌবা শরুক অমা ওইরম্মি‍। ফিল্ম অদুদা নুংশি নুংওলগী ঈশৈ অনি হাপখিবা অদু ঐনা পামখিদে”‍।

মসিগী মতাঙদা মহাক্না হায়, হৌজিক্কী মতমসিদা ফিল্ম-মেকর অমনা মার্কেতিংগী মথৌ তাবা অমা ওইদ্রবনিনা নুংশি নুংওলগী ঈশৈ হাপ্পগী মথৌ তাদ্রে‍। ফিল্মদুদা য়াওখিবা ঈশিংশিংগী মতাঙদা পল্লদুনা মহাক্না ফোঙদোকখিবদা: “য়াম্না পাম্নখিবা ঘজল হোসৱালো কো খবর ক্যা অসি ৱাহন্থোক অনি চেনবা মরম্না মরুওইবা অমা ওইখি‍। মদুনা নুংশি নুংওলগী ৱারী অমা হাপচিনবগী মথক্তা ভারত-পাকিস্তানগী ফীভমগী মশক অমা উৎলি‍। হৌজিক ঐনা সরফরোস ২ পুথোকপদা ঐনা ঈশিং মশিং হন্থহল্লকপা য়াই‍।”

মহাক্না সরফরোস ২গী স্ক্রীপ্ত ইবা মতমদা চত্থোক চৎশিন তৌখিবগী মতাঙদা পল্লদুনা শ্রী মত্থন্না হায়খিবদা: “ঐনা স্ক্রীপ্ত অসি ফাইনেলাইজ তৌদ্রিঙৈদা ৫-৬লক ইখি‍। ঐনা স্ক্রীপ্ত ইবা মতমদা ঐনা মদুগী ক্রিতিসিজম য়েংখি অমদি নাকন্দা থমখি‍। থা ৫-৬কী মতুংদা ঐনা অমুক হন্না ইবা হৌখি অমদি মদুদা অহোবা কয়া থোক্লকখি‍। তশেংবদি ফাইনেলাইজ তৌরিবসি সরফরোস-২গী মঙাশুবা স্ক্রীপ্তনি”‍। “অদোমগী থবক্তু নীংথিনা য়েংবা ঙম্বা অফবা মরুপ মথৌ তাই”, হায়না মকোক থোংবা ফিল্ম-মেকর অদুনা হায়খি‍।

সরফরোস ২গী মতাঙদা অহেনবা ৱাফমশিং ফোঙদোক্লদুনা, ফিল্ম অসি ভারতকী ইন্তরনেল সিক্যুরিতীগী মতাঙদনি হায়না মহাক্না হায়খি‍। “মসিদা খুদোংচাদবা কয়া লৈদুনসু ভারতকী সিক্যুরিতীনা খোঙফম চেৎনা লেপ্লিবা অসিবু উৎলি‍”‍। মুভি অসি হায়রিবা খুদোংচাদবা ফীভমশিং অসি মায়োক্নরিবা সি.আর.পি.এফ. পর্সোনেলশিংগী মফমদা কত্থোকপনি হায়না মহাক্না পাউদমখি‍।

মহাক মলয়ালি ওইজরবসু, উর্দু শৈরেং মহাক্না য়াম্না খোয়দাজরুবগী মতাঙদা মহাক্না ফোঙদোকখিবদা, “উর্দু অসি ফজবা লোল অমনি। ঐগী মুস্লিম মরুপশিংদগী ঐনা উর্দু শৈরেং অমসুং ঘজলশিংদা নুংঙাইজবা অমদি ফজবা উবা ফংখি”‍। লৈখিদ্রবা শাফি ইনামদার মত্থনগী মরূপ ওইরম্মি‍। মহাক্না ৱাখল খনবদা করম্বা লোলদা খনবগে হায়না হংবদা মহাক্না মলয়ালম্নি হায়খি – “ঐগী ৱাখলদি মলয়ালমদা খল্লি, অদুবু ঐনা মলয়ালমদা ইবদি ঙমদে‍। ঐনা হন্দিদা রোমান স্ক্রিপ্ত শীজিন্নদুনা ই”‍।

“ফিল্ম-মেকিং হায়বসি খুদোংথিবা বিজিনেস অমনি” হায়না ভেতেরান অদুনা ফোঙদোকখি‍। অক্নবা ফিল্ম অমখক্তা, মত্থন্না মহাক্কী লোনখক্তমক শিংবা ঙমখি অমদি শেল খরা মাঙখি‍।

ভেতেরান ফিল্ম-মেকর অসিনা পাম্বা হীরম অমা হায়রগদি লাইনীংনা হোংলকপা অমদি মসিনা কমদৌনা মীওইবা খুন্নাইদা শাফু পীবগে হায়বসিনি‍। হৌজিক্তি ইন্তরনেত ফংনরকপদগী পুন্সি অসি য়াম্না কোম্লে‍। ইন্দিয়ন পেনোরমাগী জুরী-চেয়রমেন অমা ওইনা মহাক্না থেংনবশিংগী মতাঙদা ঙাঙলদুনা মহাক্না হায়খিবদা, “ঐনা ফিল্ম ১৮০ য়েংখি অমদি ঐখোয় অসি কয়াদা খেন্নখ্রবনো হায়বদু খঙখি”‍। ভারত অসি চাউথোরক্লিবা অচঙবা দিমোক্রেসী অমনি হায়না মহাক্না মখা তাখি‍। “লৈবাক অসি কোনশিনগদবা অমদি নুংশিগদবা লৈবাক অমনি”‍।

***