পোর্তস, শিপিং অমসুং ৱাতরৱেজকী মন্ত্রালয়না অখন্নবা রুত্তা স্পেসিএল পরপোস ভেহিকল (এস.পি.ভি.) ফ্রেমৱার্ক্কী মতুং ইন্না মতিক চাবা এয়রলাইন ওপরেতরশিংগী খুথাংদা সীপ্লেন সর্ভিস হৌগদৌরি। প্রোজেক্ত অসি সাগরমালা দিবেলপমেন্ত কম্পনী লিমিতেদ (এস.দি.সি.এল.)গী খুথাংদগী হৌদোক্কনি। কম্পনী অসি মন্ত্রালয়গী এদমিনিস্ত্রেতিভ কন্ত্রোলগী মখাদা লৈরি।

সীপ্লেন ওপরেশনগীদমক তোঙান তোঙানবা দেসতিনেশনগীদমক খন্নরি। হব এন্দ স্পোক মোদেলগী মখাদা প্রোপোস তৌখিবা ওরোজিন-দেস্তিনেশন পেয়রশিংগী মনুংদা অন্দমান অমসুং নিকোবার অমসুং লক্ষদিপ, অসমদা গুৱাহাতি রিভরফ্রোন্ত অমসুং উম্রানসো রিজরভর, য়মুনা রিভরফ্রন্তত/দিল্লীদগী (হব ওইনা) অয়োধ্যা, তেহরি, শ্রিনগর (উত্তরাখন্দ), চন্দিগর অমসুং পঞ্জাব অমসুং হিমাচল প্রদেশকী তোঙান তোঙানবা তুরিস্ত মফমশিং; মুম্বাইদগী (হব ওইনা) শিরদী, লোনাৱলা, গনপতি পুল; সুরততগী (হব ওইনা) দ্বারকা, মান্দৱি অমসুং কান্দলা; খিন্দসি দাম, নাগপুর অমসুং ইরাই দাম, চন্দ্রপুর (মহারাস্ত্র) অমসুং / নত্রগা ওপরেতরনা উৎপা সজেস্ত তৌবা অতোপ্পা হব অমসুং স্পোক য়াওরি।

প্রধান মন্ত্রী, শ্রী নরেন্দ্রা মোদীনা ২০২০গী, ওক্তোবরগী ৩দা হৌদোকখিবা অসিগুম্বা সীপ্লেন সেবা অমা অহমদাবাদকী কেৱরিয়া অমসুং সাবরমতি রিভরফ্রন্তকী মরক্তা চৎলি।  সমুদ্রা মপান অমসুং ঈপাক অচৌবগী মনাক্তা অসিগুম্বা সেবা হৌনবগীদমক এস.দি.সি.এল.না অসিগুমবা থবক্তা থৱাই য়াওবা সেদ্যুল / নন-সেদ্যুল এয়রলাইন ওপরেতরশিংগা খুৎশম্নদুনা থবক পাংথোক্নবা হোৎনরি। সাগরমালা সীপ্লেন সর্ভিসেস (এস.এস.পি.এস.)গী চাউখৎনবা অমসুং থৌওংশিং য়েংশিন্নবা, সাগরমালা দিবেলপমেন্ত কম্পনী লিমিতেদ (এস.দি.সি.এল.)কা খুৎশম্নদুনা স্পেসিয়েল পর্পোস ভেহিকল (এস.পি.ভি.) শেমদুনা পাংথোক্লগনি।

অরাপ্পগী মফমশিংদা কনেক্তিভিতী অমসুং য়াম্না লাইনা য়ৌহন্নবগীদমক এস.দি.এল.সি.না সীপ্লেন ওপরেশনগী খুথাংদা লৈবাক অসিগী সমুদ্র মপানশিং অমসুং তোঙান-তোঙানবা ঈপাক অচৌবা/ তুরেলশিংগী ঈশিং শিজন্নবগীদমক্তা থৌরাং তৌরি। সীপ্লেননা তেক ওফ অমসুং লেন্দিংগীদমক্তা  অনকপা ঈপাক অচৌবা অমসুং তুরেলগী ঈশিং শিজিন্নগনি অমসুং অসুম্না মফমশিং অসিদা য়াম্না অহোংবা মমলদা শম্নহল্লগনি মরম সীপ্লেন ওপরেত তৌনবগীদমক্তা  কনভেন্সনেল এয়রপোর্ত ইনফ্রাস্ত্রকচর খুদম ওইনা রনৱে অমসুং তর্মিনেল বিল্দিংগী মথৌ তাদে।

সীপ্লেন সেবা অসিনা লৈবাক অসিদা অথুবা মতমদা অমসুং নুঙায়না মফম অমদগী অমদা চৎপদা অচৌবা খুদোংচাবা পীগদৌরি। মসিনা অথাপ্পা ধর্মগী ওইবা শেংলবা মফ্মশিং / তুরিস্ত মফমশিংবু এরোপ্লেনগী সর্ভিস পিবতা নত্তনা মসিনা লৈবাক অসিগী অমসুং মপানগী লৈবাকতগীসু কোয়বা লাকপশিংগী মশিং হেনগৎহনগনি। মসিনা মফম অমদগী অমদা চৎপদা চংবা মতম হন্থহনগনি অমসুং অনকপা, মরু ওইনা চিংগী মফমশিং অমসুং তুরেল / পাৎগুম্বা মফমশিংদা চৎপগী চাংসু হেনগৎহনগনি। মসি ওপরেত তৌরিবা মফমশিংদা ইন্ফ্রাস্ত্রকচর ফগৎহনবদা নত্তনা মসিনা তুরিজম অমসুং লাল্লোন-ইতিক্কী থৌওংশিংদসু য়াম্না চাউনা হেনগৎহনগনি।

পোর্তস, শিপিং অমসুং ৱাতরৱেজকী মন্ত্রী (ইঞ্চার্জ), শ্রী মনসুখ মান্দৱিয়ানা হায়খি, লৈবাকশিনথুংনা মফম অমদগী অমদা চৎপগী খুদোংচাবা হেনগৎহন্নবগীদমক অমসুং ভারতপু তুরিস্তশিংনা য়াম্না পাম্বা মফম অমা ওইহন্নবগীদমক প্রধান মন্ত্রী, শ্রী নরেন্দ্রা মোদীনা উরিবা মঙলান অদু মঙফাওনবা ওইনা সীপ্লেন সর্ভিসকী খুদোংচাবা অসি হৌদোক্লিবনি। অথাপ্পা ধর্মগী ওইবা শেংলবা মফমশিং/ তুরিস্ত অমসুং ঈপাক অচৌবগী মনাক্তা লৈবা  মফমশিংবু এরোপ্লেনগী সর্ভিস অসিগী মতেংনা চৎথোক-চৎশিন তৌবদা হেন্না লাইরগনি। অসিনা থবক ফংবগী চাংসু হেনগৎহনগনি অমসুং মসিগী অনৌবা মফমশিং অসিদা তুরিজম হেনগৎহনগনি অমসুং মসিনা মরম ওইরগা তুং কোইনা লৈবাক অসিগী জি.দি.পি. হেনগৎহনগনি।

*****