ਬੰਦਰਗਾਹਾਂ, ਜ਼ਹਾਜ਼ਰਾਨੀ ਅਤੇ ਜਲ ਮਾਰਗ ਮੰਤਰਾਲਾ ਸੰਭਾਵਿਤ ਏਅਰ ਲਾਈਨ ਓਪਰੇਟਰਾਂ ਦੁਆਰਾ ਇੱਕ
ਵਿਸ਼ੇਸ਼ ਉਦੇਸ਼ ਵਾਹਨ (ਐੱਸਪੀਵੀ) ਫਰੇਮਵਰਕ ਦੇ ਤਹਿਤ ਚੋਣਵੇਂ ਰੂਟਾਂ ਉੱਤੇ ਸਮੁੰਦਰੀ ਹਵਾਈ ਜ਼ਹਾਜ਼
(ਸੀਪਲੇਨ) ਦੀਆਂ ਸੇਵਾਵਾਂ ਦਾ ਕੰਮ ਸ਼ੁਰੂ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਰਿਹਾ ਹੈ। ਪ੍ਰੋਜੈਕਟ ਦਾ ਅਮਲ ਅਤੇ
ਲਾਗੂਕਰਨ ਸਾਗਰਮਾਲਾ ਡਿਵੈਲਪਮੈਂਟ ਕੰਪਨੀ ਲਿਮਟਿਡ (ਐੱਸਡੀਸੀਐੱਲ) ਦੁਆਰਾ ਕੀਤਾ ਜਾਵੇਗਾ, ਜੋ
ਮੰਤਰਾਲੇ ਦੇ ਪ੍ਰਬੰਧਕੀ ਨਿਯੰਤਰਣ ਅਧੀਨ ਹੈ।
ਸੀਪਲੇਨ ਦੇ ਕੰਮਕਾਜ ਲਈ ਕਈ ਮੰਜ਼ਲਾਂ ਦੀ ਕਲਪਨਾ ਕੀਤੀ ਗਈ ਹੈ। ਹੱਬ ਅਤੇ ਸਪੋਕ ਮਾਡਲ ਦੇ ਤਹਿਤ
ਪ੍ਰਸਤਾਵਿਤ ਮੂਲ-ਮੰਜ਼ਿਲ ਜੋੜਿਆਂ ਵਿੱਚ ਅੰਡੇਮਾਨ ਅਤੇ ਨਿਕੋਬਾਰ ਦੇ ਕਈ ਟਾਪੂ ਅਤੇ ਲਕਸ਼ਦਵੀਪ, ਗੁਹਾਟੀ
ਰਿਵਰਫਰੰਟ ਅਤੇ ਅਸਾਮ ਵਿੱਚ ਉਮਰਾਨਸੋ ਰਿਜ਼ਰਵੀਅਰ, ਯਮੁਨਾ ਰਿਵਰਫ੍ਰੰਟ / ਦਿੱਲੀ (ਹੱਬ ਦੇ ਤੌਰ ‘ਤੇ) ਤੋਂ
ਅਯੁੱਧਿਆ, ਟਿਹਰੀ, ਸ੍ਰੀਨਗਰ (ਉਤਰਾਖੰਡ), ਚੰਡੀਗੜ੍ਹ ਅਤੇ ਪੰਜਾਬ ਦੇ ਕਈ ਹੋਰ ਯਾਤਰੀ ਸਥਾਨ ਅਤੇ
ਹਿਮਾਚਲ ਪ੍ਰਦੇਸ਼ (ਐੱਚਪੀ); ਮੁੰਬਈ (ਜਿਵੇਂ ਹੱਬ) ਤੋਂ ਸ਼ਿਰਡੀ, ਲੋਨਾਵਲਾ, ਗਣਪਤੀਪੁਲੇ; ਸੂਰਤ (ਜਿਵੇਂ
ਹੱਬ) ਤੋਂ ਦੁਆਰਕਾ, ਮਾਂਡਵੀ ਅਤੇ ਕਾਂਡਲਾ; ਖਿੰਦਸੀ ਡੈੱਮ, ਨਾਗਪੁਰ ਅਤੇ ਇਰਾਈ ਡੈੱਮ, ਚੰਦਰਪੁਰ
(ਮਹਾਰਾਸ਼ਟਰ ਵਿੱਚ) ਅਤੇ / ਜਾਂ ਓਪਰੇਟਰ ਦੁਆਰਾ ਸੁਝਾਏ ਗਏ ਕੋਈ ਹੋਰ ਹੱਬ ਐਂਡ ਸਪੋਕਸ ਸ਼ਾਮਲ ਹਨ।
ਅਜਿਹੀ ਹੀ ਇੱਕ ਸੀਪਲੇਨ ਸੇਵਾ ਪਹਿਲਾਂ ਹੀ ਅਹਿਮਦਾਬਾਦ ਵਿੱਚ ਸਾਬਰਮਤੀ ਰਿਵਰਫ੍ਰੰਟ ਅਤੇ ਕੇਵਾਡਿਆ
ਵਿਚਕਾਰ ਚੱਲ ਰਹੀ ਹੈ, ਜਿਸਦਾ ਉਦਘਾਟਨ ਮਾਨਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ 31 ਅਕਤੂਬਰ
2020 ਨੂੰ ਕੀਤਾ ਸੀ। ਸਮੁੰਦਰੀ ਕੰਢੇ ਦੇ ਖੇਤਰਾਂ ਵਿੱਚ ਜਾਂ ਜਲ ਭੰਡਾਰਾਂ ਦੀ ਨੇੜਤਾ ਵਿੱਚ ਅਜਿਹੀਆਂ ਹੋਰ
ਸੇਵਾਵਾਂ ਚਲਾਉਣ ਲਈ ਐੱਸਡੀਸੀਐੱਲ, ਦਿਲਚਸਪੀ ਰੱਖਣ ਵਾਲੇ ਸ਼ਡਿਊਲਡ / ਗੈਰ-ਸ਼ਡਿਊਲਡ ਏਅਰ
ਲਾਈਨ ਓਪਰੇਟਰਾਂ ਨਾਲ ਜੁੜਨਾ ਚਾਹੁੰਦਾ ਹੈ।
“ਸਾਗਰਮਾਲਾ ਸਮੁੰਦਰੀ ਹਵਾਈ ਸੇਵਾਵਾਂ (ਐੱਸਐੱਸਪੀਐੱਸ)” ਦਾ ਸੰਯੁਕਤ ਵਿਕਾਸ ਅਤੇ ਸੰਚਾਲਨ
ਸਾਗਰਮਾਲਾ ਵਿਕਾਸ ਕੰਪਨੀ ਲਿਮਟਿਡ (ਐੱਸਡੀਸੀਐੱਲ) ਦੇ ਨਾਲ ਇੱਕ ਵਿਸ਼ੇਸ਼ ਉਦੇਸ਼ ਵਾਹਨ
(ਐੱਸਪੀਵੀ) ਬਣਾ ਕੇ ਕੀਤਾ ਜਾਵੇਗਾ।
ਦੂਰ ਦੁਰਾਡੇ ਦੀਆਂ ਥਾਵਾਂ 'ਤੇ ਸੰਪਰਕ ਅਤੇ ਅਸਾਨ ਪਹੁੰਚ ਪ੍ਰਦਾਨ ਕਰਨ ਲਈ, ਸਮੁੰਦਰੀ ਹਵਾਈ ਸੇਵਾ ਦਾ
ਕਾਰਜ ਸ਼ੁਰੂ ਕਰਨ ਲਈ ਐੱਸਡੀਸੀਐੱਲ, ਪੂਰੇ ਭਾਰਤ ਵਿੱਚ, ਵਿਸ਼ਾਲ ਤੱਟਵਰਤੀ ਅਤੇ ਸਮੁੱਚੇ ਜਲ ਭੰਡਾਰਾਂ /
ਨਦੀਆਂ ਦੀ ਸਮੁੱਚੀ ਸੰਭਾਵਨਾ ਦਾ ਲਾਭ ਉਠਾਉਣ ਦੀਆਂ ਯੋਜਨਾਵਾਂ ਦੀ ਪੜਤਾਲ ਕਰ ਰਿਹਾ ਹੈ। ਸਮੁੰਦਰੀ
ਹਵਾਈ ਜਹਾਜ਼ ਨੇੜਲੇ ਜਲ ਭੰਡਾਰਾਂ ਨੂੰ ਟੇਕ-ਆਫ ਅਤੇ ਲੈਂਡਿੰਗ ਲਈ ਇਸਤੇਮਾਲ ਕਰੇਗਾ ਅਤੇ ਇਸ ਤਰ੍ਹਾਂ

ਉਨ੍ਹਾਂ ਥਾਵਾਂ ਨੂੰ ਬਹੁਤ ਕਿਫਾਇਤੀ ਢੰਗ ਨਾਲ ਜੋੜ ਦੇਵੇਗਾ ਕਿਉਂਕਿ ਰਵਾਇਤੀ ਹਵਾਈ ਅੱਡਿਆਂ ਦਾ
ਬੁਨਿਆਦੀ ਢਾਂਚਾ ਜਿਵੇਂ ਕਿ ਰਨਵੇ ਅਤੇ ਟਰਮੀਨਲ ਦੀਆਂ ਇਮਾਰਤਾਂ ਆਦਿ ਸੀਪਲੇਨ ਦੇ ਕੰਮ ਲਈ
ਲੋੜੀਂਦੀਆਂ ਨਹੀਂ ਹਨ।
ਸਮੁੰਦਰੀ ਹਵਾਈ ਸੇਵਾਵਾਂ ਦੇਸ਼ ਭਰ ਵਿੱਚ ਤੇਜ਼ ਅਤੇ ਆਰਾਮਦਾਇਕ ਆਵਾਜਾਈ ਦੇ ਪੂਰਕ ਸਾਧਨ ਮੁਹੱਈਆ
ਕਰਨ ਵਾਲੀ ਗੇਮ-ਚੇਂਜਰ ਸਾਬਿਤ ਹੋਣਗੀਆਂ। ਵੱਖ-ਵੱਖ ਰਿਮੋਟ ਧਾਰਮਿਕ / ਯਾਤਰੀ ਸਥਾਨਾਂ ‘ਤੇ ਹਵਾਈ
ਸੰਪਰਕ ਪ੍ਰਦਾਨ ਕਰਨ ਤੋਂ ਇਲਾਵਾ, ਇਹ ਘਰੇਲੂ ਅਤੇ ਅੰਤਰਰਾਸ਼ਟਰੀ ਛੁੱਟੀਆਂ ਮਨਾਉਣ ਵਾਲਿਆਂ ਲਈ
ਟੂਰਿਜ਼ਮ ਨੂੰ ਉਤਸ਼ਾਹਿਤ ਕਰੇਗਾ। ਇਹ ਯਾਤਰਾ ਦੇ ਸਮੇਂ ਦੀ ਬਚਤ ਕਰੇਗਾ ਅਤੇ ਸਥਾਨਕ ਤੌਰ 'ਤੇ ਪਹਾੜੀ
ਖੇਤਰਾਂ ਵਿੱਚ ਜਾਂ ਦਰਿਆਵਾਂ / ਝੀਲਾਂ ਆਦਿ ਵਿੱਚ ਸਥਾਨਕ ਥੋੜ੍ਹੀ ਦੂਰੀ ਦੀ ਯਾਤਰਾ ਨੂੰ ਉਤਸ਼ਾਹਿਤ ਕਰੇਗਾ।
ਸੰਚਾਲਨ ਦੀਆਂ ਥਾਵਾਂ ‘ਤੇ ਬੁਨਿਆਦੀ ਢਾਂਚੇ ਦੇ ਵਾਧੇ ਤੋਂ ਇਲਾਵਾ, ਇਹ ਯਾਤਰਾ ਅਤੇ ਕਾਰੋਬਾਰੀ
ਗਤੀਵਿਧੀਆਂ ਨੂੰ ਭਾਰੀ ਉਤਸ਼ਾਹ ਦੇਵੇਗਾ।
ਬੰਦਰਗਾਹਾਂ, ਜ਼ਹਾਜ਼ਰਾਨੀ ਅਤੇ ਜਲ ਮਾਰਗ ਮੰਤਰੀ (ਸੁਤੰਤਰ ਚਾਰਜ) ਸ਼੍ਰੀ ਮਨਸੁਖ ਮਾਂਡਵਿਆ ਨੇ ਕਿਹਾ ਕਿ
ਸਮੁੰਦਰੀ ਜਹਾਜ਼ਾਂ ਦੀ ਸ਼ੁਰੂਆਤ ਮਾਨਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਦੇਸ਼ ਭਰ ਵਿੱਚ ਸੰਪਰਕ
ਵਧਾਉਣ ਅਤੇ ਯਾਤਰੀਆਂ ਲਈ ਇੱਕ ਆਕਰਸ਼ਕ ਮੰਜ਼ਿਲ ਬਣਾਉਣ ਦੇ ਸੰਕਲਪ ਨਾਲ ਮੇਲ ਖਾਂਦੀ ਹੈ। ਬਹੁਤ
ਸਾਰੇ ਰਿਮੋਟ, ਧਾਰਮਿਕ / ਟੂਰਿਸਟ ਸਥਾਨਾਂ ਅਤੇ ਜਲ ਭੰਡਾਰਾਂ ਦੇ ਨਜ਼ਦੀਕ ਅਣਜਾਣ ਸਥਾਨਾਂ ਨੂੰ ਹਵਾਈ
ਸੰਪਰਕ ਪ੍ਰਦਾਨ ਕਰਨ ਨਾਲ ਯਾਤਰਾ ਸੌਖੀ ਹੋ ਜਾਵੇਗੀ। ਇਹ ਰੋਜ਼ਗਾਰ ਦੇ ਮੌਕੇ ਪੈਦਾ ਕਰੇਗੀ ਅਤੇ ਇਹਨਾਂ
ਨਵੀਂਆਂ ਥਾਵਾਂ 'ਤੇ ਟੂਰਿਜ਼ਮ ਨੂੰ ਉਤਸ਼ਾਹਿਤ ਕਰੇਗੀ, ਨਤੀਜੇ ਵਜੋਂ ਦੇਸ਼ ਦੀ ਜੀਡੀਪੀ ਵਿੱਚ ਲੰਬੇ ਸਮੇਂ ਲਈ
ਯੋਗਦਾਨ ਪਏਗਾ।

*********

ਵਾਈਬੀ / ਏਪੀ
(Release ID: 1685966)