مرکزی وزیر داخلہ جناب امیت شاہ نے کہا ہے کہ وزیر اعظم جناب نریندر مودی کے ذریعہ سورت میٹرو اور احمد آباد میٹرو کے دوسرے مرحلے کا سنگ بنیاد رکھنا دونوں شہروں کے عوام کے لئے ایک اہم دن ہے۔جناب امیت شاہ نے وزیر اعظم جناب نریندر مودی کے ذریعہ آج ویڈیو کانفرنسنگ کے ذریعہ نئی دہلی سے سورت میٹرو اور احمد آباد میٹرو مرحلہ 2 کی سنگ بنیاد تقریب میں شرکت کی۔

اس موقع پر اپنے خطاب میں جناب امت شاہ نے کہا کہ یہ دونوں پروجیکٹس گجرات کی شہری ترقی کے بنیادی ڈھانچے کو مزید تقویت بخشیں گے۔ جناب شاہ نے کہا کہ جب نریندر مودی گجرات کے وزیر اعلی تھے تب انہوں نے گجرات کی ہمہ جہت ترقی کا وژن لوگوں کے سامنے پیش کیا تھا اور انہوں نے اپنی مدت کار میں اس کی تکمیل کو بھی یقینی بنایا تھا۔ مرکزی وزیر داخلہ نے کہا کہ یہ بیحد خوشی کی بات ہے کہ جب جناب نریندر مودی وزیر اعظم ہیں، تب گجرات کی دو نہایت اہم اسکیمیں ان کے ذریعہ شروع کی جارہی ہیں۔ احمد آباد اور سورت کے لوگوں کو مبارکباد دیتے ہوئے جناب شاہ نے اعتماد ظاہر کیا کہ گجرات کا ترقیاتی سفر یقینی طور پر ان اہم منصوبوں کے نتیجے میں تیز رفتار سے آگے بڑھے گا۔

جناب امت شاہ نے کہا کہ نریندر مودی جی نے ملک کے سامنے ایک مثال پیش کی ہے کہ ریاست کی ہمہ جہت ترقی کس طرح کی جاسکتی ہے اور وہ اس میں کامیاب رہے ہیں۔ گجرات کے وزیر اعلی کی حیثیت سے  نریندر مودی جی اس بات کے لئے فکرمند رہے کہ ترقی کس طرح تمام علاقوں تک پہونچے، چاہے وہ گجرات کے دیہی علاقے ہوں یا شہری، چاہے وہ سمندری محاذ پر ہو یا شہری غریبوں کے لئے بنیادی ڈھانچے یا جنگل میں رہنے والوں کی فلاح و بہبود ہو اور پہاڑی علاقوں میں قبائلی آبادکار۔ اس کے نتیجے میں گجرات کی ہمہ جہت ترقی ہوئی اور جناب نریندر مودی نے پورے ملک میں گجرات کی ترقی کے سفیر کے طور پر کام کیا ہے۔

مرکزی وزیر داخلہ نے کہا کہ ملک کے عوام نے وزیر اعظم جناب نریندر مودی پر اعتماد کیا ہے۔ گجرات کی طرح وزیر اعظم نے اب پورے ملک کے تمام خطوں کی ہمہ جہت ترقی کے حصول کے لئے بنیاد رکھنا شروع کر دیا ہے ، خواہ وہ مشرق ہو یا مغرب ، دور دراز شمال مشرقی ریاستیں ہوں یا جنوبی ریاستیں ہوں۔ جناب امت شاہ نے یہ بھی کہا کہ اس دوران پچھلے ساڑھے چھ برسوں سے پورے ملک میں نتیجہ خیز نتائج دیکھنے کو مل رہے ہیں۔ ہندوستان کے بارے میں دنیا کا نظریہ بدل گیا ہے۔ ساڑھے چھ سال کے اندر میٹرو ریل کے شعبے میں ایک بڑی تبدیلی آئی ہے۔ پہلے صرف پانچ شہروں میں تقریبا 250 کلومیٹر میٹرو ریل تھی اور آج یہ 18 شہروں میں 702 کلومیٹر تک جا پہنچی ہے۔ آنے والے وقتوں میں یہ رفتار کئی گنا بڑھ جائے گی۔ انہوں نے کہا کہ گجرات میں کامیاب بی آر ٹی ایس شروع کرنے کا سہرا جناب نریندر مودی کو ہی جاتا ہے۔ بی آر ٹی ایس کے تجربات دہلی اور پونے سمیت متعدد شہروں میں ہوئے لیکن تمام کوششیں ناکام ہو گئیں۔ لیکن بی آر ٹی ایس کو گجرات میں کامیابی کے ساتھ نافذ کیا گیا تھا اور آج یہ بہت ساری جگہوں پر آسانی سے چل رہی ہے۔

....................

  ش ح، م ع، ع ن

18-01-2021

U-518