য়ুনিয়ন হোম মিনিস্তর শ্রী অমিত শাহনা হায়খ্রে মদুদি প্রধান মন্ত্রী শ্রী নরেন্দ্র মোদীনা সুরত মেত্রো অমসুং আহমেদবাদ মেত্রোগী অনিশুবা ফেজগী উরেপ উয়ুং তম্বা অসি সহর অনি অসিগী মীয়ামগীদমক মরুওইবা নুমিৎ অমনি হায়না হায়খ্রে। শ্রী অমিত শাহনা প্রধান মন্ত্রী শ্রী নরেন্দ্র মোদীনা সুরত মেত্রো অমসুং আহমেদবাদ মেত্রোগী অনিশুবা ফেজগী উরেপ উয়ুং তম্বগী থৌরম অসিদা নই দিল্লীদগী ঙসি ভিদিও কনফরেন্সকী খুত্থাংদা শরুক য়াখ্রে।

থৌরম অসিদা ৱা ঙাংবদা, শ্রী অমিত শাহনা হায় মদুদি প্রোজেক্ত অনি অসিনা গুজরাতকী আর্বান চাওখৎনবা ইনফ্রাস্ত্রকচরদা হেন্না মপাঙ্গল কনখৎহল্লগনি। শ্রী শাহনা হায় মদুদি শ্রী নরেন্দ্র মোদীনা গুজরাতকী মুখ্য মন্ত্রী ওইরিঙৈদা, গুজরাতকী মীয়ামদা হিরম খুদিংদা চাওখৎনবা মিয়েং থমখি অমসুং হায়রিবশিং অসি মহাক্কী মতমদা মপুং ফাহনবা ঙমখি। য়ুনিয়ন হোম মিনিস্তরনা হায় মদুদি হৌজিক শ্রী নরেন্দ্র মোদীনা প্রধান মন্ত্রী ওইবা অসি য়াম্না হরাওনিঙাই ওইবা ৱাফম অমনি, মতুংদা মহাক্না য়াম্না আশা লৈবা স্কীম অনি অমশু হৌদোকখ্রে। আহমেদবাদ অমসুং সুরতকী মীয়ামদা হরাও তয়াম্বা পীরদুনা শ্রী শাহনা থাজবা ফোংদোকখি মদুদি গুজরাতকী চাওখৎ থৌরাংগী খোঙচৎ অসি মরুওইরবা প্রোজেক্ত অসিগী মতেংনা য়াম্না থুনা মাংলোমদা চংশিল্লগনি। 

শ্রী অমিত শাহনা হায় মদুদি শ্রী নরেন্দ্র মোদী জিনা লৈবাক অসিদা লৈরিবা স্তেতশিংদা মতৌ করম্না হিরম খুদিংদা চাওখৎপা মপুং ফাহনগদগে হায়বা অসি খুদম পীদুনা উৎলি অমসুং মহাক্না মসিদা মায় পাক্লি। গুজরাতকী মুখ্য মন্ত্রী ওইনা শ্রী নরেন্দ্র মোদী জিনা মফম খুদিংদা মতৌ করম্না চাওখৎপা পুরক্কদগে হায়বা অসি খন্দুনা লৈখি – মসি গুজরাতকী খুঙ্গংগী মফম ওইগেরা নত্ত্রগা আর্বান ওইগেরা, মসি শমুদ্রগী মমাং ওইগেরা নত্ত্রগা আর্বানগী লায়রবগী ইনফ্রাস্ত্রকচর ওইগেরা নত্ত্রগা মসি উমংদা লৈবা অমসুং চিংদা লৈবা ত্রাইবেলশিং পুম্বগীনি।  মসিগী মরম অসিনা গুজরাতকী মফমশিংদা হিরম খুদিংদা চাওখৎপা পুরকখি অমসুং শ্রী নরেন্দ্র মোদীনা মীহুৎ অমা ওইনা লৈবাক পুম্বগী ওইনা গুজরাত অসি চাওখৎপা পুরকখিবনি।

য়ুনিয়ন হোম মিনিস্তরনা হায় মদুদি লৈবাক অসিগী মীয়ামশিংনা প্রধান মন্ত্রী শ্রী নরেন্দ্র মোদীবু থাজবা থম্লি। গুজরাতগুম্না, প্রধান মন্ত্রী, শ্রী নরেন্দ্র মোদীনা হৌজিক লৈবাক পুম্বদা উরেপ উয়ুং তমদুনা মফম খুদিংগী হিরম খুদিংদা চাওখৎপা পুরক্নবা হোৎনবা হৌখ্রে, হায়রিবা অসি নোংপোক নত্ত্রগা নোংচুপ, অৱাং-নোংপোক্কী স্তেত নত্ত্রগা খাদা লৈবা মফমশিং য়াওননি। হৌখিবা চহি তরুক অমসুং মখায় অসিগী মনুংদা, লৈবাক অসিদা মহৈ য়ানবা চাওখৎপা কয়া অমা উবা ফংলি; মালেম অসিনা ইন্দিয়াগী অহোংবা অসি য়েংলি। চহি তরুক অমসুং মখায় অসিগী মনুংদা, মেত্রো রেল সেক্তরদা য়াম্না চাওনা অহোংবা পুরক্লি। হান্না সরর মঙাদা চাওরাক্না কিলোমিতর ২৫০ শাংবা মেত্রো রেল খক্তা লৈরম্বনি অমসুং ঙসিদি সহর ১৮দা কিলোমিতর ৭০২ য়ৌখ্রে। মসিনা লাক্কদৌরিবা তুংদা মখল কয়া অমা হেনগৎলকখিনি। মহাক্না হায় মদুদি গুজরাত্তা মায় পাক্না হৌদোকখিবা বি.আর.তি.এস. অসিগী মনা অসিশু শ্রী নরেন্দ্র মোদীদা পীরি। বি.আর.তি.এস.কী থৌওং অসি সহর কয়াদী দিল্লী অমসুং পুনে য়াওনা য়েংলি অদুবু পুম্নমক মাইথীরি। অদুবু বি.আর.তি.এস. অসি গুজরাত্তা মায় পাক্না চৎথরি অমসুং মফম কয়াদা ঙসিশু ফজনা চৎথরি।     

*****