ভারতিয়া মসদূর সংঘ (বি.এম.এস.)গী নেস্নেল দেলিগেসন অমনা ঙসি কেন্দ্রগী রাজ্য মন্ত্রী (ইন্দিপেন্দেন্ত চার্জ) দেবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রীভান্সেস, পেন্সনস, এতোমিক ইনর্জী অমসুং সপেসকী দা. জিতেন্দ্র সিংহগা উন্নখ্রে অমসুং মহাক্কা তোঙান তোঙানবা বিভাগশিংগা মরী লৈনবা সর্ভিসকী হিরমশিংগী মতাংদা খন্নখ্রে।

দেলিগেসন অসিদা ভারতিয়া প্রাতিরক্ষা মসদূর সংঘ (বি.পি.এম.এস.), সরকার কর্মচারী রাস্ত্রিয়া পরিসংঘ, এসোসিএআন ওফ সিবিলিয় ক্লাস-১ গ্রুপ ওফিসর্স, গ্রুপ বি ওফিসর্স এসোসিএসন ওফ সর্ভে ওফ ইন্দিয়া য়াওনা বি.এম.এস.কী তোঙান তোঙানবা ৱিঙ্গশিংদগী মীহুৎশিং য়াওখি।

অহৌবদা দেলিগেসন অসিগী মীহুৎশিংনা মখোয়না দা. জিতেন্দ্র সিংহ উন্ননবা এপোইন্তমেন্ত লৌবা খুদিংদা মহাক্না য়ারকপা অমদি পোসিতিব ওইবা পাউখুম পীরকখিবা অদুগীদমক্তা মহাকপু থাগৎপা ফোঙদোকখি। মখোয়না হায় কর্মচারীশিংনা মখোয়গী য়াইফনবা অমদি থবক পাঙথোকপদা লাইথোকহন্নবা দি.ও.পি.তি.না অনৌবা রিদোর্মশিং চৎনহনখিবা অসি য়াম্না থাগৎলি।

পুং অমা মখাইরোম পাঙথোকখিবা মীফম অদুদা দা. জিতেন্দ্র সিংহনা দেলিগেসনগী মীহুৎশিংনা ৱা ঙাংবা অদু তাখি। মহাক্না হায় প্রধান মন্ত্রী নরেন্দ্র মোদীগী মখাদা পুকচেল শেংবা অমদি মথৌ নীংথিজনা তৌবা ওফিসরশিংগী পুক্নিং থৌগৎনবা খোঙথাং খুদিংমক লৌখৎলি। মহাক্না পুকচেল শেংবা অমসুং মথৌ মশক খঙবা অসিনা পুম্নমক্তগী মরু ওইনা লৌই হায়না ফোঙদোকখ্রে।

দা. জিতেন্দ্র সিংহনা হায় ওফিসিএলশিংনা মখোয়গী অঙম্বা থাক্তা মথৌ পাঙথোকপা ঙম্নবা থবক তৌবদা নুংঙাইগদবা ফীভম অমা ওইহন্নবা মরু ওইবা থৌরাং কয়া পাইখৎখহরে মসিগা ইরোইননা তোঙান তোঙানবা তাঙ্কক কয়াদা তোঙান তোঙানবা থৌদাংশিং পুরিবা ওফিসিএলশিংগী কেপাসিতী-বিল্দিং তৌনবা তেক্নোলোজী ইনেবল মেকানিজমশিং পাইখৎলি। হিরম অসিদা মহাক্না হন্দক্তা প্রধান মন্ত্রী মোদীনা ময়াই তাংবল লৌদুনা পাঙথোকখিবা কেন্দ্রী মন্ত্রী-মন্দলনা পাস তৌখিবা “মিসন কর্ময়োগী” রিফোর্মগী মতাংদা অখন্ননা পনখি।

ওফিসিএলশিংগী প্রমোসন অমসুং ইমপেনেলমেন্তগী তোঙান তোঙানবা থাকশিংগী মতাংদা দা. জিতেন্দ্র সিংহনা হায়, দি.ও.পি.তি.না মতম চানা প্রমোসন পীনবা প্রোসেসশিং স্ত্রীমলাইন তৌনবা লেপ্তনা হোৎনরি অদুবু খ্বাইদগী অচৌবা অপনবা অসি মতম মতমগী ওইনা ফাইল তৌরকপা মখল কয়াগী লিতিগেসনশিং অসিনি। মহাক্না হায় মহাক মশানা হকথেংননা তোঙান তোঙানবা কর্মচারীগী গ্রুপশিং পাউ ফাওন্ননবা হোৎনখি অমসুং মখোয়দা ৱাখল্লোনশিং খেন্নবা অসি কোকহন্নবা মতেং পাংনবা এপীল তৌখি।

মন্ত্রীদা হৌজিক লৈরিবা সমস্যা খরা য়াওবা তোখাইবা মেমোরেন্দমশিং খুৎশিন্নখ্রে। মসিদা সর্ভে ওফ ইন্দিয়াগী সুপরিন্তেন্দেন্ত সর্ভেয়রশিং অহাংবা ফমশিংদা ওফিসরশিং প্রমোসন পীবিনবা অমসুং দি.ও.পি.তি.গী গাইদলাইনশিংগী মতুং ইন্না গ্রুপ-এ অমসুং গ্রুপ-বি ওফিসরশিং কেদর রিস্ত্রকচরিং তৌবা য়াওখি। দেলিগেসন অসিনা নোসন্নেল বেসিস্তা পেন্সনরী বেনিফিৎশিংগী কেলক্যুলেসন্দা ইনক্রিমেন্ত অমা পীনবা অমসুং এদ-হোক বেসিস্তা দিপার্তমেন্ত ওফ সাইন্স এন্দ তেক্নোলোজীদা হাংদুনা লৈরিবা ফমশিং মেনশিনবগী মতাংদা হায়জখ্রে।

দা. জিতেন্দ্র সিংহনা দেলিগেসনগী মীহুৎশিংদা মহাক্না সমস্যাশিং অসি অমমমতা তোখায়না য়েংশিনগনি অমসুং মখোয়গা মখা তাবা মীফমসু পাঙথোক্কনি হায়না থাজবা পীরকখ্রে।

<><><><><>