ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়

লৈবাক অসিদা এভিয়ান ইনফ্লুয়েঞ্জাগী ফিবম

Posted On: 18 JAN 2021 7:27PM by PIB Imphal

জনুৱারি ১৮,২০২১ ফাওবদা, রাজ্য ৫দা য়েনশিংদা অমসুং রাজ্য ৯দা ক্বাক/লৈবাক লান্না পাইরকপা উচেকশিং/লম্লক্কী উচেকশিংদা এভিয়ান ইনফ্লুয়েঞ্জা লাইচৎ শন্দোকপা থেংনরে।

নিউ দিল্লিগী তিস হাজারিদগী অশিবা হেরোন অমসুং দিল্লিগী লাল কিলাদগী ক্বাকশিংগী সেম্পশিংদা এভিয়ান ইনফ্লুয়েঞ্জা পোজিতিপ ওইবা থেংনরে অমসুং দরকার ওইবা থবকশিং পায়খৎনবা দিল্লি সরকারদা চেকশিনৱা পীখ্রে।

মহারাস্ত্রাদা আর.আর.তিশিং থমখ্রে অমসুং লায়না শন্দোক্লিবা মফমশিংদা য়েনশিং হাৎপগী থবক চৎথরি। সি.পি.দি.ও মুম্বাইদা য়েন হাৎপগী থবক লোইশিনখ্রে অমসুং মহিক-মতাই হাৎপগী থবকশিং চৎথরি। লাতুর জিলাগী লায়না হৌরকফম ওইরিবা কেন্দ্রেৱারি, অহমেদপুর, সুকানি অমসুং উদগির তালুক্কী তোন্দার অমসুং ঔসা তালুক্কী কুরদৱারিদা য়েন হাৎপা অমসুং মহিক-মতাই হাৎপগী থবকশিং পাংথোকখ্রে।

লায়নাগী হৌরকফমদগী কিলোমিতর ১গী অকোয়বদা লৈবা য়েনশিং হাৎনবা মৈধ্য প্রদেস(হারদা অমসুং মান্দসৌর জিলাশিং) অমসুং ছতিসগরগী বালোদ জিলাদা আর.আর.তিশিং থমখ্রে। হরিয়ানাগী পঞ্চকুলা জিলাদা লায়না হৌরকফমশিংদা য়েন হাৎপগী থবক মখা চৎথরি।

ফিবম য়েংশিন্নবা শেমখিবা কেন্দ্রগী কাংবুনা লৈবাক অসিগী শোকহল্লবা মফমশিংদা চৎলি অমসুং এভিয়ান ইনফ্লুয়েঞ্জা লাইচৎকী হৌরকফমশিং য়েংশিন্নবা মহারাস্ত্রাদা চৎখ্রে অমসুং থিজিনবগী থবকশিং পাংথোক্লি। কাংবু অদুনা কেরালাদশু চৎখ্রে।

সোসিএল মেদিয়া প্লেফোর্মশিং হায়বদি তুইতর, ফেসবুক হেন্দলশিংগী খুৎথাংদা এভিয়ান ইনফ্লুয়েঞ্জাগী মরমদা মীয়ামদা ৱাখল তাহন্নবা দিপার্তমেন্তনা লেপ্তনা থবকশিং পায়খৎলি।

******



(Release ID: 1689864) Visitor Counter : 137