ਕੇਂਦਰੀ ਯੁਵਾ ਮਾਮਲੇ ਅਤੇ ਖੇਡ ਮੰਤਰੀ ਸ਼੍ਰੀ ਕਿਰੇਨ ਰਿਜਿਜੂ ਨੇ ਸੋਮਵਾਰ ਨੂੰ ਪੁਣੇ ਦੇ ਮੱਲੁੰਗੇ - ਬਾਲੇਵਾੜੀ ਵਿਖੇ ਸ਼ਿਵ ਛੱਤਰਪਤੀ ਸਪੋਰਟਸ ਕੰਪਲੈਕਸ ਵਿਖੇ ਖੇਲੋ ਇੰਡੀਆ ਸਟੇਟ ਸੈਂਟਰ ਆਫ ਐਕਸੀਲੈਂਸ (ਕੇਆਈਐੱਸਸੀ) ਦੀ ਸ਼ੁਰੂਆਤ ਕੀਤੀ। ਇਹ ਕੇਂਦਰੀ ਮੰਤਰੀ ਦੁਆਰਾ ਹੁਣ ਤੱਕ 9 ਵਾਂ ਕੇਆਈਐੱਸਸੀਈ ਦਾ ਰਸਮੀ ਉਦਘਾਟਨ ਕੀਤਾ ਗਿਆ ਹੈ ਅਤੇ ਮਹਾਰਾਸ਼ਟਰ ਅਧਾਰਤ ਖੇਡ ਕੰਪਲੈਕਸ ਤਿੰਨ ਪ੍ਰਮੁੱਖਤਾ ਓਲੰਪਿਕ ਵਿਸ਼ਿਆਂ - ਸ਼ੂਟਿੰਗ, ਐਥਲੈਟਿਕਸ ਅਤੇ ਸਾਈਕਲਿੰਗ ’ਤੇ ਕੇਂਦ੍ਰਤ ਕਰੇਗਾ।

ਸ਼੍ਰੀ ਰਿਜਿਜੂ ਨੇ ਸਮਾਗਮ ਵਿੱਚ ਕਿਹਾ, “ਅੱਜ ਦਾ ਦਿਨ ਨਾ ਸਿਰਫ ਮਹਾਰਾਸ਼ਟਰ ਲਈ, ਬਲਕਿ ਪੂਰੇ ਭਾਰਤ ਲਈ ਬਹੁਤ ਮਹੱਤਵਪੂਰਨ ਦਿਨ ਹੈ। ਮਹਾਰਾਸ਼ਟਰ ਇੱਕ ਬਹੁਤ ਵੱਡਾ ਰਾਜ ਹੈ ਅਤੇ ਮੈਂ ਇੱਥੇ ਸਮਰੱਥਾ ਵੇਖੀ ਹੈ| ਅਸੀਂ ਸਾਰੇ ਐਥਲੀਟਾਂ ਦੇ ਵਿਕਾਸ ਲਈ ਹਰ ਤਰਾਂ ਦੇ ਸਮਰਥਨ ਨੂੰ ਵਧਾਉਣ ਲਈ ਖੁਸ਼ ਹਾਂ ਅਤੇ ਭਵਿੱਖ ਵਿੱਚ ਵੀ ਅਸੀਂ ਅਜਿਹਾ ਕਰਦੇ ਰਹਾਂਗੇ।”

ਕੇਂਦਰੀ ਮੰਤਰੀ ਨੇ ਪੁਸ਼ਟੀ ਕੀਤੀ ਕਿ ਸਰਕਾਰ ਖੇਡ ਵਾਤਾਵਰਣ ਪ੍ਰਣਾਲੀ ਨੂੰ ਹਰ ਸੰਭਵ ਢੰਗ ਨਾਲ ਮਜ਼ਬੂਤ ਕਰਨ ਲਈ ਸਮਰਪਿਤ ਹੈ। “ਅਸੀਂ ਦੇਸ਼ ਦੇ ਸਾਰੇ ਜ਼ਿਲ੍ਹਿਆਂ ਵਿੱਚ 1000 ਖੇਲੋ ਇੰਡੀਆ ਸੈਂਟਰ ਸਥਾਪਤ ਕਰਨ ਦੀਆਂ ਨੀਤੀਆਂ ਬਣਾਈਆਂ ਹਨ। ਸਾਰੇ ਗ੍ਰਾਮੀਣ ਵਿਦਿਆਰਥੀ ਆਪਣੇ ਖੇਡ ਅਭਿਆਸ ਨੂੰ ਜਾਰੀ ਰੱਖਣ ਲਈ ਸਾਰੀਆਂ ਸਹੂਲਤਾਂ ਅਤੇ ਸਹਾਇਤਾ ਲੈ ਸਕਦੇ ਹਨ| ਬਦਲੇ ਵਿਚ ਇਨ੍ਹਾਂ ਜ਼ਿਲ੍ਹਿਆਂ ਦੇ ਸਾਰੇ ਉੱਤਮ ਖਿਡਾਰੀਆਂ ਨੂੰ ਕੁਲੀਨ ਐਥਲੀਟ ਬਣਨ ਲਈ ਕੇਆਈਐੱਸਸੀਈ ਵਿਖੇ ਸਿਖਲਾਈ ਦਿੱਤੀ ਜਾਏਗੀ| ਰਾਜ ਸਰਕਾਰ ਅਤੇ ਕੇਂਦਰ ਸਰਕਾਰ ਨੂੰ ਹੱਥ ਮਿਲਾ ਕੇ ਕੰਮ ਕਰਨਾ ਪਏਗਾ ਅਤੇ ਸਾਨੂੰ ਆਪਣੀ ਖੇਡ ਸੱਭਿਆਚਾਰ ਨੂੰ ਮਜ਼ਬੂਤ ਬਣਾਉਣ ਲਈ ਇਕੱਠੇ ਮਿਲ ਕੇ ਕੰਮ ਕਰਨਾ ਪਏਗਾ।”

ਪੁਣੇ ਵਿੱਚ ਖੇਲੋ ਇੰਡੀਆ ਸਟੇਟ ਸੈਂਟਰ ਆਫ਼ ਐਕਸੀਲੈਂਸ (ਕੇਆਈਐੱਸਸੀਈ) ਨੂੰ 25 ਮੀਟਰ ਇਲੈਕਟ੍ਰਾਨਿਕ ਟੀਚੇ ਦੀ ਸ਼ੂਟਿੰਗ ਰੇਂਜ ਨੂੰ ਚਲਾਉਣ ਲਈ ਨਵੀਨੀਕਰਣ ਲਈ ਵਿੱਤੀ ਤੌਰ ’ਤੇ ਸਹਾਇਤਾ ਦਿੱਤੀ ਜਾਏਗੀ ਅਤੇ ਸੜਕ ਅਤੇ ਟਰੈਕ ਸਾਈਕਲ ਪ੍ਰਦਾਨ ਕਰਨ ਵਿੱਚ ਵੀ ਸਹਾਇਤਾ ਕੀਤੀ ਜਾਏਗੀ| ਉਨ੍ਹਾਂ ਨੂੰ ਖੇਡ ਵਿਗਿਆਨ ਬੈਕਅਪ, ਕੋਚਾਂ ਦੀ ਸ਼ਮੂਲੀਅਤ, ਸਹਾਇਤਾ ਸਟਾਫ਼, ਖੇਡ ਉਪਕਰਣ ਅਤੇ ਹੋਰ ਵੀ ਬਹੁਤ ਕੁਝ ਮੁਹੱਈਆ ਕਰਵਾਉਣ ਲਈ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਜਾਏਗੀ| ਸਪੋਰਟਸ ਅਥਾਰਟੀ ਆਫ ਇੰਡੀਆ ਰੁਟੀਨ ਦੇ ਅਧਾਰ ’ਤੇ ਤਕਨੀਕੀ ਮੁਹਾਰਤ ਅਤੇ ਸਹਾਇਤਾ ਪ੍ਰਦਾਨ ਕਰਦਾ ਰਹੇਗਾ|

ਸ਼ਿਵ ਛੱਤਰਪਤੀ ਸਪੋਰਟਸ ਕੰਪਲੈਕਸ ਨੇ ਭਾਰਤੀ ਖੇਡ ਇਤਿਹਾਸ ਵਿੱਚ ਪ੍ਰਮੁੱਖ ਭੂਮਿਕਾ ਨਿਭਾਈ ਹੈ| ਇੱਥੇ ਆਯੋਜਿਤ ਕੁਝ ਪ੍ਰਮੁੱਖ ਪ੍ਰੋਗਰਾਮਾਂ ਵਿੱਚ 2008 ਦੀਆਂ ਕਾਮਨਵੈਲਥ  ਯੂਥ ਖੇਡਾਂ, 2009 ਵਿੱਚ ਔਰਤਾਂ ਲਈ ਏਸ਼ੀਆ ਅੰਡਰ -16 ਬਾਸਕਟਬਾਲ ਚੈਂਪੀਅਨਸ਼ਿਪ, ਖੇਲੋ ਇੰਡੀਆ ਯੂਥ ਗੇਮਜ਼ 2019 ਅਤੇ ਹੋਰ ਸ਼ਾਮਲ ਹਨ| ਸਟੇਡੀਅਮ ਸਾਬਕਾ ਆਈ-ਲੀਗ ਟੀਮ ਪੁਣੇ ਐੱਫ਼ਸੀ ਅਤੇ ਇੰਡੀਅਨ ਸੁਪਰ ਲੀਗ ਦੀ ਟੀਮ ਐੱਫ਼ਸੀ ਪੂਨੇ ਸ਼ਹਿਰ ਦਾ ਘਰੇਲੂ ਸਥਾਨ ਵੀ ਸੀ|

ਹੁਣ ਤੱਕ ਉਦਘਾਟਨ ਕੀਤੇ 9 ਕੇਆਈਐੱਸਸੀਈ ਵਿੱਚ ਸ਼ਾਮਲ ਹਨ:

1. ਨਾਗਾਲੈਂਡ - ਸਟੇਟ ਸਪੋਰਟਸ ਅਕੈਡਮੀ, ਆਈਜੀ ਸਟੇਡੀਅਮ ਕੋਹੀਮਾ

2. ਮਣੀਪੁਰ – ਖੁਮਾਨ ਲੈਂਪਕ ਸਪੋਰਟਸ ਕੰਪਲੈਕਸ, ਇੰਫਾਲ

3. ਅਰੁਣਾਚਲ ਪ੍ਰਦੇਸ਼ - ਸੰਗੇ ​​ਲਾਡੇਨ ਸਪੋਰਟਸ ਅਕੈਡਮੀ, ਚਿੰਪੂ ਇਟਾਨਗਰ

4. ਮਿਜ਼ੋਰਮ - ਰਾਜੀਵ ਗਾਂਧੀ ਸਟੇਡੀਅਮ, ਆਈਜ਼ੌਲ

5. ਓਡੀਸ਼ਾ - ਕਲਿੰਗਾ ਸਟੇਡੀਅਮ, ਭੁਵਨੇਸ਼ਵਰ

6. ਤੇਲੰਗਾਨਾ - ਖੇਤਰੀ ਖੇਡ ਸਕੂਲ, ਹਕੀਮਪੇਟ

7. ਕਰਨਾਟਕ – ਸ਼੍ਰੀ ਜੈ ਪ੍ਰਕਾਸ਼ ਨਾਰਾਇਣ ਨੈਸ਼ਨਲ ਯੂਥ ਸੈਂਟਰ, ਬੰਗਲੌਰ

8. ਕੇਰਲ - ਜੀਵੀ ਰਾਜਾ ਸੀਨੀਅਰ ਸੈਕੰਡਰੀ ਸਪੋਰਟਸ ਸਕੂਲ, ਤਿਰੂਵਨੰਤਪੁਰਮ

9. ਮਹਾਰਾਸ਼ਟਰ - ਸ਼ਿਵ ਛੱਤਰਪਤੀ ਸਪੋਰਟਸ ਕੰਪਲੈਕਸ, ਬਾਲੇਵਾੜੀ, ਪੁਣੇ

2028 ਓਲੰਪਿਕ ਵਿੱਚ ਭਾਰਤ ਨੂੰ ਚੋਟੀ ਦੇ 10 ਦੇਸ਼ਾਂ ਵਿੱਚੋਂ ਇੱਕ ਬਣਾਉਣ ਦੇ ਸੰਕਲਪ ਨਾਲ, ਖੇਲੋ ਇੰਡੀਆ ਸਟੇਟ ਸੈਂਟਰ ਆਫ਼ ਐਕਸੀਲੈਂਸ ਇਹ ਸੁਨਿਸ਼ਚਿਤ ਕਰੇਗਾ ਕਿ ਕਿਸੇ ਖੇਡ ਵਿੱਚ ਨਿਪੁੰਨ ਅਥਲੀਟਾਂ ਨੂੰ ਵਿਸ਼ਵ ਪੱਧਰੀ ਵਿਸ਼ੇਸ਼ ਸਿਖਲਾਈ ਦਿੱਤੀ ਜਾ ਸਕੇ ਅਤੇ ਇਨ੍ਹਾਂ ਸੈਂਟਰਾਂ ਵਿੱਚ ਦੇਸ਼ ਦੇ ਐਥਲੀਟਾਂ ਨੂੰ ਤਰਜੀਹ ਵਾਲੀ ਖੇਡ ਵਿੱਚ ਸਿਖਲਾਈ ਦਿੱਤੀ ਜਾਵੇਗੀ, ਜਿਸ ਲਈ ਉਨ੍ਹਾਂ ਨੂੰ ਰੱਖਿਆ ਗਿਆ ਹੈ|

*******

ਐੱਨਬੀ/ ਓਏ