কেন্দ্রগী য়ুথ এফিয়র্স এন্দ স্পোর্তস মন্ত্রী শ্রী কিরেন রিজিজুনা নিংথৌকাবা নুমিৎতা পুনেগী মহলুমগে-বলেৱাদীদা লৈবা শিব ছত্রপতি স্পোর্তস কমপ্লেক্সতা খেলো ইন্দিয়া স্তেৎ সেন্তর ওফ এক্সিলেন্স (কে.আই.এস.সি.ই.) শঙ্গাখ্রে। মসিনা হৌজিক ফাওবদা কেন্দ্রগী মন্ত্রীনা শঙ্গাবা ৯শুবা কে.আই.এস.সি.ই. ওইখ্রে অমসুং মহারাস্ত্রদা লৈবা স্পোর্তস কমপ্লেক্স অসিনা মরু ওইবা ওলিম্পিক্কী মশানা অহুম – শোতিং, এথ্লেতিক্স অমসুং সাইক্লিংদা মীৎয়েং চংগনি।

“ঙসি অসি মহারাস্ত্র খক্তা নত্তনা ভারত পুম্বগী য়াম্না মরু ওইবা নুমিৎ অমনি। মহারাস্ত্র অসি য়াম্না চাউবা রাজ্য অমনি ঐহাক্না মসিদা পোতেন্সিএল উই। ঐখোয়না শান্নরোই পুম্নমক্কী চাউখৎ-থৌরাংগীদমক্তা মখল পুম্নমক্কী মতেং পাংবদা নুংঙাইবা পোকই অমদি মতুং তারকপদা ঐখোয়না অসিগুম্না মখা চত্থখিগনি,” হায়না শ্রী রিজিজুনা থৌরম অসিদা ফোঙদোকখ্রে।

কেন্দ্রগী মন্ত্রীনা স্পোর্তসকী ইকোসিস্তেম মপাঙ্গল কনখৎনবা সরকার অসিনা অঙম্বা মতেং পাংগনি হায়না অমুক হন্না থাজবা পীখ্রে। “ঐখোয়না লৈবাক অসিগী জিলা পুম্নমক্তা খেলো ইন্দিয়া সেন্তর ১০০০ লৈহন্নবা পোলিসীশিং শেমখ্রে। খুঙ্গংগী মহৈরোই পুম্নমক্না ফেসিলিতীশিং অসি ফংলগনি অমসুং মখোয়না স্পোর্তসকী প্রেক্তিস তৌবদা মতেং ওইরগনি। জিলাশিংদগী লাকপা খ্বাইদগী ফবা শান্নরোইশিংবু মশক নাইবা শান্নরোই ওইহন্নবা কে.আই.এস.সি.ই.দা ত্রেন তৌগনি। রাজ্য সরকার অমসুং কেন্দ্র সরকারনা খুৎশম্ননা থবক তৌমিন্নবা তাই অমসুং ঐখোয়গী স্পোর্তসকী কলচর অসি মপাঙ্গল লৈহন্নবা ঐখোয়না অমত্তা ওইনা পুন্না থবক তৌমিন্নবা তাই।”

পুনেগী খেলো ইন্দিয়া স্তেৎ সেন্তর ওফ এক্সিলেন্স (কে.আই.এস.সি.ই.) অসিনা রোদ অমসুং ত্রেক সাইকলশিং লৈহনবদা মতেং পাংবগী মথক্তা মিতর ২৫গী ইলেক্ত্রোনিক তার্গেৎ শোতিং রেঞ্জ মথৌ তৌনবা শেমজিন্নবগী শেলগী মতেং পাংগনি। মখোয়দা স্পোর্তস সাইন্স বেকঅপ, কোচশিং লৌবা, স্তাফ, স্পোর্তসকী ইক্বিপমেন্ত অমসুং অতোপ্পা কয়াগী মতেংগীদমক্তা শেমগী মতেংসু পাংগনি। স্পোর্তস ওথোরিতী ওফ ইন্দিয়ানা চাং নাইনা তেক্নিকেল এক্সপর্তাইস অমসুং মতেং পীগনি।

শিব ছত্রপতি স্পোর্তস কমপ্লেক্সনা ভারতকী স্পোর্তসকী ইতিহাস্তা মরু ওইবা থৌদাং অমা লৌদুনা লাকখি। মফম অসি পাঙথোকখিবা ইভেন্তশিংদা ২০০৮ কম্মনৱেল্থ য়ুথ গেম্স, ২০০৯দা দি এসিয়া য়ু-১৬ বাস্কেৎবোল চেম্পিয়নশিপ ফোর ৱুমেন, দি খেলো ইন্দিয়া য়ুথ গেম্স ২০১৯ অমসুং অতোপ্পা কয়া য়াওরি। স্তেদিয়ম অসি হান্নগী আই-লীগ তীম পুনে এফ.সি. অমসুং ইন্দিয়ন সুপর লীগ সাইদ এফ.সি. পুনে সিতীগী হোম ভেন্যুসু ওইরমখি।

হৌজিক ফাওবদা শঙ্গাখ্রবা কে.আই.এস.সি.ই. ৯ অদুদি:

১. নাগালেন্দ- স্তেৎ স্পোর্তস একাদেমী, আই.জি. স্তেদিয়ম কোহিমা

২. মনিপুর- খুমন লম্পাক স্পোর্তস কমপ্লেক্স, ইম্ফাল

৩. অরুনাচল প্রদেশ – সাঙ্গে লাদেন স্পোর্তস একাদেমী, চিমপু ইতানাগর

৪. মিজোরাম – রাজিব গান্ধী স্তেদিয়ম, আইজোল

৫. ওরিশা – কলিংগা স্তেদিয়ম, ভুবনেশ্বের

৬. তেলঙ্গনা – রিজনেল স্পোর্তস স্কুল হকিমপেৎ

৭. কর্নাতকা – শ্রী জয়াপ্রকাশ নরায়ন নেস্নেল য়ুথ সেন্ত্রে বেঙ্গলোর

৮. কেরেলা – জি.ভি. রাজা সিনিয়র সেকেন্দরী স্পোর্তস স্কুল তিরুবনন্থাপুরম

৯. মহারাস্ত্র – শিব ছত্রপতি স্পোর্তস কমপ্লেক্স, বলেৱাদী, পুনে

২০২৮কী ওলিম্পিক্তা ভারতপু মকোক থংবা লৈবাক ১০গী মনুংদা চলহন্নবা মঙলান অমগা লোইননা খেলো ইন্দিয়া স্তেৎ সেন্তর ওফ এক্সিলেন্সনা শান্নরোইশিংদা মশানা খরদি মালেমগী থাক্কী অখন্নবা ত্রেনিং পীগনি অমসুং সেন্তরশিং অসিনা মখোয়না চংগদবা মরু ওইবা মশানাগীদমক্তা ত্রেন তৌনবা লৈবাক অসিগী খ্বাইদগী ফবা ফেসিলিতীশিং ওইহল্লগনি।

*******