ভারতকী কেন্দ্রগী এজুকেশন মন্ত্রী, শ্রী রমেশ পোখ্রিয়াল “নিশাঙ্ক’না  ভর্চুৱলগী থৌরম অমগী খুথাংদা জে.এন.য়ু.দা স্কুল ওফ ইঞ্জিনীয়রিং অমসুং অতল বিহারি ভাজপায়ী স্কুল ওফ মেনেজমেন্ত এন্দ এন্তরপ্রেনোরশিপকী বিল্দিংগী উরেপ-উয়ুং তমখ্রে। থৌরম অসিদা জে.এন.য়ু.গী ভাইস চান্সেলর প্রোফেসর এম জগদিশ কুমার,  রেক্তর I প্রোফেসর চিন্তামনি মহাপাত্রা,  রেক্তর II প্রোফেসর সতিশচন্দ্র গারকোতি, রেক্তর III প্রোফেসর রানাপ্রতাপ সিং অমসুং অনৌবা স্কুলশিংগী দীনশিং, প্রোফেসর উন্নত পন্দিদ অমসুং প্রোফেসর সত্যব্রত পতনায়ক্না থৌরম অসুদা শরুক য়াখি।

শ্রী রমেশ পোখ্রিয়ালনা  লৈখিদ্রবা অতল বিহারি ভাজপায়ীগী মীংদা স্কুল অসিগী মীং থোনবদা হরাওবা ফংদোক্তুনা হায়খি, মহাক ভারতকী থবক হৈবা অমসুং তুংদা করি ওইরক্কনি খংবা ঙম্বা প্রধান মন্ত্রী ওইবদা নত্তনা, মীয়ামগী পুক্নিংবু থৌগৎপা ঙম্বা অইবা অমসুনি। মন্ত্রী অসিনা হায়খি ইঞ্জিনীয়রিং অমসুং মেনেজমেন্ত তম্বনা অমনা অমবু কমপ্লিমেন্ত তৌগনি অমসুং মসিনা হৌরক্লিবা নহাশিংদা এন্তরপ্রেনোর অমসুং মশানা মশাবু মরোমদোম লেপচবা ঙম্নবা পুক্নিং থৌগৎকনি। মালেমগী থাক্তা লৈবা খুদোংচাবা কয়া অমা য়াওরিবা বিল্দিং অসিদা তেক্নোলোজীদা য়ুম্ফম ওইবা লাইরিক তাকপগী মওং অমসুং মহৈরোইশিংগী মহৈ-মশিং তম্বগী লম্বিদা চাউখৎহনগনি হায়না মহাক্না আশা থমদুনা হায়খি।

শ্রী পোখ্রিয়ালনা প্রোফেসর এম জগদিস কুমারবুসু য়ুনিভর্সিতী অসিবু চাউখৎপগী অনৌবা থাক্তা পুখৎপগী অমসুং অনৌবা খোংথাং থাংদুনা নেস্নেল এজুকেসন পোলিসী ২০২০বু হৌদোকপগীদমক থাগৎপা ফোংদোকখি।

য়উনিভর্সিতীগী রেজিস্ত্রার প্রোফেসর প্রমোদ কুমারনা ভোত ওফ থেংক্স পীখি।

*****