দিফেন্স সেক্রেতরী, দাঃ অজয় কুমারনা জনুৱারি ১৮, ২০২১দা ইন্দিয় গেত্তা এন.সি.সি.না শিনবা স্বচ্ছতা পখ্বারা হৌদোকখ্রে। মসিগী স্বচ্ছতা পখ্বারা অসিগী মপুং ওইবা ৱাখল্লোনদি “অশেংবা ভারত, অশংবা ভারত, মসিনি ঐহাক্কী মঙলানগী ভারত” হায়বা অসিনি।

থৌরম অসিদা ৱা ঙাংবদা, দাঃ অজয় কুমারনা এন.সি.সি. অসি মালেমগী য়ুনিফোর্ম শেৎপা নহাশিংগী খ্বাইদগী চাউবা লুপনি অমসুং মসিনা লৈবাক শেমগৎপদা এক ভারত, শ্রেস্থ ভারত অমসুং স্পিসিএল নেস্নেল ইন্তিগ্রেসন কেম্প, লীদর্শিপ অমসুং পর্সোনেলিতী দিভেলপমেন্ত অমসুং স্বচ্ছতা অভিয়ান প্রোগ্রামশিংগুম্বা থৌওংশিংগী খুত্থাংদা মশক থোকপা তেংবাং কয়া পীরকখি। মহাক্না এন.সি.সি.গী কেদেৎশিংনা “এন.সি.সি য়োগদান” কৌবা খোঙথাং অমগী খুত্থাংদা লাইচৎ অসিবু লাকশিনবদা তেংবাংবা ওইনা কোরোনাগী লান্মী ওইনা থৌদাং লৌখিবগীদমক্তা মখোয়বু থাগৎপা ফোংদোকখি। মহাক্না মখা তারদুনা নেস্নেল স্বচ্ছতা পখ্বারাদা পাক-চাউনা শরুক য়ারদুনা সচ্ছতাগী মরু ওইবগী মতাংদা মীয়াম পুম্নমক্কী ৱাখল চীংশিন্নবা অচৌবা থৌওং পাংথোকখিবগী মতাংদা পনখি। দিফেন্স সেক্রেতরীনা এন.সি.সি. কেদেৎশিংনা খুন্নাই চাউখৎনবগীদমক্তা তোঙান-তোঙানবা খোঙথাং কয়া অমসুং সোসিএল সর্ভিস স্কিমশিংদা মশানা য়াজনা শরুক য়াখিবগী থৌওং অসিবু থাগৎনিংঙাইনি অমসুং মসিনা ঐখোয়গী মীশিংগী য়াম্লবা শরুক অমদা চৈথেং পীবা ঙমখি হায়নসু ফোংদোকখি। দাঃ অজয় কুমারনা পখ্বারা অসিগী মপুং ওইবা ৱাখল্লোন অসিবু থাগৎপা ফোংদোক্লদুনা অসিগুম্বা কেম্পেন কয়া অসিগী খুত্থাংদগী লৈবাক অসিনা লেপ্তনা চাউখৎপা ঙমগনি হায়না থাজৈ হায়না ফোংদোকখি।

দিফেন্স সেক্রেতরীনা এন.সি.সি.দা পীরিবা শক্লোন য়াম্বা ত্রেনিং অসিনা মরম ওইদুনা সরকার, আর্ম্দ ফোর্স অমসুং তোঙান-তোঙানবা মীচম-মীয়ামগী লুপশিংদা অৱাংবা থাক্কী ফম পায়খিবা শক্নাইরবা এলুম্নি কয়া অমা পুথোকপা ঙম্লিবনি হায়না ফোংদোকখি। মহাক্না খা তানা হায়খিবদা এন.সি.সি.না লৈবাক অসিবু লুচিংবা ঙম্বগী শেম-শাবা লোইরবা নীংথিনা ত্রেনিং পীরবা, থকশি-খাসি নায়রবা অমসুং ইথিল লৈরবা নহা কয়া শেম্নবা তঙাইফদবা সর্ভিস কয়া পীরি হায়খি।

শঙ্গাবগী থৌরম অসিদা কেদেৎ অমনা তরাম্না ওকপগী ৱারোল থমখিবা য়াওনা লাইনা কয়া অমসুং কোবিদতগী ঙাকথোকপা ঙম্নবগীদমক্তা ঐখোয়গী নোংমগী পুন্সিদা স্বচ্ছতাগী থৌওং শিজিন্নবগী মরু ওইবগী মতাংদা কেদেৎ অমনা থেংনরকখিবা থৌদোকশিংগী মতাংদা ৱাফম থম্বা অমসুং শৈরেং থীবগী থৌওংনা মখা তাখি। এন.সি.সি.গী কেদেৎশিং অসিনা নীংথিজনা শেম-শারবা নুক্কর নাতক্কী খুত্থাংদা স্বচ্ছতাবু পুন্সি মহিং অমা ওইনা লৌবগী মরু ওইবগী ৱাফমশিংদা মীয়ামগী পুক্নিং চীংশিনখি। দিফেন্স সেক্রেতরীনা প্লোগ রন অমা লম্থাখিবগা লোয়ননা থৌরম অসিগী খ্বাইদগী নীংথিরবা তাঞ্জা য়ৌখি।

স্বচ্ছতা পখ্বারাগী মনুংদা, এন.সি.সি. কেদেৎশিংনা রাজপাথ অসিবু রীপব্লিক দে পেরেদ – ২০২১গীদমক্তা বেন্নর, পেমফ্লেৎ য়েন্থোকপা অমসুং নুক্কর নাতক্কী খুত্থাংদা স্বচ্ছতাগী থৌওং উৎপগী থৌওগ কয়া পাংথোক্তুনা লু-নান্না থমগনি। কাঙলুপ ২৬ থোক্না খায়দোক্লবা কেদেৎশিংনা ইন্দিয়া গেৎকী ‘সি. হেক্সগোন’দগী বিজয় পাথ ফাওবদা জনুৱারি ১৮ -২৯, ২০২১ ফাওবা প্লোজ্ঞিং পাংথোক্কনি অমসুং মসিগী থৌওং পাংথোক্তুনা লু-নান্না লৈবগী মরু ওইবগী ৱাফমশিংবু মীয়ামদা খঙহনগনি।

এন.সি.সি.গী দি.জি., লেফতেনেন্ত জেনেরেল তরুন কুমার আইচ অমসুং এন.সি.সি. অমদি এম.ও.দি.গী মশিং য়াম্লবা মীথুংলেনশিংনা থৌরম অদুদা শরুক য়াখি।

*****