ঙাকশেল মন্ত্রালয়

দি.আর.দি.ও.না সি.আর.পি.এফ.তা মোতোর বাইক এম্ব্যুলেন্স, ‘রকশিতা’, খুৎশিন্নখ্রে

Posted On: 18 JAN 2021 6:19PM by PIB Imphal

দিল্লীদা লৈবা দি.আর.দি.ও.গী লেবোরেতরী, ইন্সতিত্যুৎ অফ ন্যুক্লিয়র মেদিসিন অমসুং এলাইদ সাইন্সেস (আই.এন.এম.এ.এস.)না বাইক্তা য়ূম্ফম ওইদুনা শাবা অশোকপা মীওইশিংবু পুথোক পুশিন তৌনবা ইমর্জেন্সী ভেহিকল, রকশিতাবু সেন্ত্রেল রিজর্ব পুলিস ফোর্স (সি.আর.পি.এফ.)তা জনুৱারি ১৮, ২০২১দা মখোয়গী দিল্লীদা লৈবা ময়াই-লোইশঙদা পাংথোকপা থৌরম অমদা খুৎশিন্নখ্রে। দি.আর.দি.ও.গী দি.এস. অমসুং দি.জি. (এল.এস.),দাঃ এ.কে. সিংহনা রকশিতাগী মোদেল অসিবু সি.আর.পি.এফ.কী দি.জি. দাঃ এ.পি. মহেশ্বারীদা খুৎশিন্নখিবনি অমসুং মসিগী থৌরম অসিগী মতুংদা বাইক ২১গী কন্তিঞ্জেন্ত অমা লমথাবগী থৌরম অমসু পাংথোকখি।

মসিগী বাইক এম্ব্যুলেন্স অসিনা ভারতকী সেক্যুরিতী ফোর্সশিং অমসুং ইমর্জেন্সী হেল্থকেয়র পীবা মীওইশিংনা থেংনবা খুদোংচাদবা কয়া অমগী ৱারোইশিন পুরক্কনি। মসিনা লো ইন্তেন্সিতী কনফ্লিক্ত এরিয়াশিংদগী অশোকপা মীওইশিংবু পুথোরক্নবা হোৎনবদা পুন্সি কনবা য়াবা তেংবাং পীবগী থবক তৌগনি। এম্ব্যুলেন্সনা য়ৌশিনবদা খুদোংচাদবা কয়া থেংনগদবা অমসুং মতম য়াম্না চঙগদবা মী য়াম্না কুংনা তাবা অমসুং মনুং-হঞ্জিনবা মফমশিংদা চৎপদা মসিগী সেবা অসিনা য়াম্না কান্নবা পুরক্কনি। মসিগী বাইক অসিদা য়াওরিবা মথৌশিং অমসুং ইমর্জেন্সী মেদিকেল সপ্পোর্তকী পথাপ অসিনা মরম ওইদুনা অসিনা চকা-মরি পানবা গারিদগী হেন্না থুনা য়াঙনা অনাবা মীওই অমগী মেদিকেলগী ওইবা তঙাই ফদবা সেবা ফংহনবা ঙমগনি।

রকশিতাদা অনাবশিংগী নুংঙাইনবা শেমদোক্লবা রিক্লাইনিং কেজ্বেলিতী ইভাকুএসন সীৎ (সি.ই.এস.) হাপ্লে অমসুং মসিবু তঙাই ফদবগী মতুং ইন্না লৌথোক-লৌশিন তৌবা য়াগনি। মসিদা য়াওরিবা অতোপ্পা মরু ওইবা মওংশিং অদুদি কোক লেঙহন্দনবা পথাপ, তেক্ত-কায়হন্দনবা জেকেৎ, তেক্ত-কায়হন্দবা খোঙ অমসুং খুৎ পুনশিনফম, শেমদোকপা য়াবা খোঙ থমফম, ৱাইয়রলেস মোনিতরিং কেপেবিলিতী য়াওবা ফিসিওলোজিকেলগী ফিভমশিং ওন্নবা খুৎলায় অমসুং গারী থৌরিবা মীওইগী ওতো ৱার্নিং সীস্তেম্নি। অনাবা অমগী মরু ওইবা ফিভমশিং অসি দেশবোর্দতা খিল্লিবা এল.সি.দা য়েংবা য়াগনি। মসিদা এয়র স্প্লিন্ত, মফম অমা হেক্তদা মেদিকেল কেয়র পীননবা মেদিকেল অমসুং ওক্সিজেন কিৎসু য়াওরি।

মসিগী বাইক অসিনা পেরামিলিতরী অমসুং মিলিতরীদা কান্নবা পীবতা নত্তনা মীচম-মীয়ামদসু কান্নবা পীবা ঙম্বগী মতিক লৈ।

দি.দি. আর. অমসুং দি.গী সেক্রেতরী অমসুং দি.আর.দি.ও.গী চেয়র্মেন, দাঃ জি. সতীশ রেদ্দীনা মসিগী ঐখোয়গী সেক্যুরিতী ফোর্সশিংনা থেংনবা শিংনবা কয়াগী ৱারোইশিন পীবা ঙম্বা লমদম অসিদা শাজবা অমসুং শেল য়াম্না চঙদবা এম্ব্যুলেন্স অসি শাবদা ৱাবীখিবা সাইন্তিস্তশিংদা মখোয়গী হোৎনজমগীদমক্তা থাগৎপা ফোংদোকখি।

*****



(Release ID: 1689762) Visitor Counter : 100