দিফেন্স পব্লিক সেক্তর অন্দরতেকিং (দি.পি.এস.য়ু.) ভারত অর্থ মুভর্স লিমিতেদ (বি.ই.এম.এল.)না ঙসি নই দিল্লীদা লুপা করোর ৫.৬২৫গী দিভিদেন্দ দিফেন্স মন্ত্রী, শ্রী রাজনাথ সিংদা খুৎশিন্নখ্রে। চেক অদু বি.ই.এম.এল.গী চেয়রমেন অমসুং মেনেজিং দাইরেক্তর (সি.এম.দি.), দা. দীপক কুমার হোতানা খুৎশিন্নখি।

কম্পনী অসিনা শেয়র খুদিংদা লুপা তরুককী দিভিদেন্দ লাউথোকখি, হায়বদি এক্বিতী শেয়র কেপিতেলগী চাদা ৬০নি, অমসুং ফাইনেন্সিএল য়িয়র ২০১৯-২০গীদমক্তা ওইনা হায়রিবা অসি চাউরাক্না লুপা করোর ২৪.৯৯ ওই।

১৯৬৪দা পুন্সিনখিবা,  বি.ই.এম.এল. অসি দিফেন্স মন্ত্রালয়গী মখাদা,  সেদ্যুল ‘এ’গী দি.পি.এস.য়ু.নি, মসিনা ইকোনোমীগী মরু ওইবা সেক্তরশিং খুদম ওইনা, কোল, মাইনিং, স্তীল, সিমেন্ত, পাৱর, ইরিগেসন, কন্সত্রক্সন, লম্বি শেম্বা, দিফেন্স, রেলৱে অমসুং মেত্রো ত্রান্সপোর্তেসন সীস্তেম অমসুং এরোস্পেসকা মরী লৈনবা পোৎচৈশিংগী দিজাইন শেম্বা, অমসুং শাবা পুথোকপা অমসুং য়োল্লবা মতুংদাগী সার্বিসশিংগা মরী লৈনবা থবক তৌই।

বি.ই.এম.এল. অসি লিস্তেদ তৌরবা কম্পনী অমনি অমসুং কম্পনী অসিগী অপুনবা পীথোক্লবা কেপিতলগী চাদা শরুক ৫৪.০৩দি সরকারনা পাই। মসিগী দিফেন্স সেগমেন্তকী মনুং চন্না বি.ই.এম.এল.না অৱাংবা থাক্কী  য়াম লায়না পুথোক পুসিন য়াবা অমসুং রিকভরী গারিশিং, ব্রিজ সীস্তেমশিং, মিসাইল প্রোজেক্তকী গারিশিং, তেঙ্ক ত্রান্সপোর্তেসন ত্রেলরশিং, লান্মীশিংগীদমক্তা শাবা গারিশিং, শরুং হুৎনবা মেছিনশিং, ক্রাশ ফায়র তেন্দরশিং, এয়রক্রাফ্ত চিংনবা ত্রেক্তর, এয়রক্রাফ্তকী খুৎলাইশিং হাপ্নবা ত্রোলিশিংনচিংবা কয়া য়াওরি।

হৌজিকফাওবগী ওইনা কম্পনী অসিদা লুপা করোর ১১৫০০গী ওর্দর লৈরে অমসুং কম্পনী অসিনা ওর্দরশিং অসি পীনবা থবক পাংথোক্লি। ওর্দরশিং অসিদা সি.আই.এল.দা সপ্লাই তৌনবা ইন্দিয়াদা দিসাইন তৌখিবা অমসুং পুথোকখিবা খ্বাইদগী চাউবা ১৯০তি. দম্প ত্রকশিং, এম.এম.আর.দি.এ.দা সপ্লাই তৌনবা দ্রাইভর য়াওদনা চেনবা মেত্রো কার (অনএতেন্দেদ ওপরেশন-য়ু.তি.ও.) অমসুং দিফেন্স সর্ভিসতা সপ্লাই তৌনবা ব্রিজ সীস্তেম অমসুং মিসাইল সীস্তেমশিংগীদমক্তা হাই মোবিলিতী ত্রকশিং য়াওরি।

সেক্রতরী (দিফেন্স প্রোদক্সন) শ্রী রাজ কুমার, এম.ও.দি. অমসুং দি.পি.এস.য়ু.গী অতোপ্পা সেনিয়র ওফিসিয়েলশিংসু থৌরম অসিদা শরুক য়াখি।

*****