ইকাই খুম্নরবা প্রধান মন্ত্রী শ্রী নরেন্দ্র মোদীনা পন্থুংফম কয়াদগী অনৌবা ত্রেন ৮ কেবদিয়াগীদমক লমথাখ্রে অমসুং দভোই-চন্দোদ গৌজতগী অপাকপা গৌজ রেল লাইন(১৮ কিলোমিতর), চন্দোদ- কেবদিয়াগীমক অনৌবা ব্রোদ গৌজ(৩২ কিলোমিতর),  অনৌবা প্রতাপনগর-কেবদিয়া সেক্সন (৮০ কিলোমিতর), দভোই জন., চন্দোদ অমসুং কেবদিয়া অসি ভিদিও কনফরেন্সকী খুত্থাংদা হৌদোকখ্রে।   

কিলোমিতর ৫০ শাংবা দভোই-চান্দোদ-কেবদিয়া সেক্সন অসি কিলোমিতর ১৮ শাংবা দভোই-চান্দোদ গৌজ সেক্সন্দা অমসুং মখা তানা শাংদোক্তুনা অনৌবা অপাকপা গৌজ রেলৱে লাইন চান্দোদ তগী কেবাদিয়া (৩২ কিলোমিতর)। প্রতাপনগর-কেবাদিয়া সেক্সন্দা (৮০ রুত কিলোমিতর) অসিশু রেলৱে মিনিস্ত্রীগী ১০০% রেলৱে ইলেক্ত্রিফিকেসন পোলিসিগী মখাদা ইলেক্ত্রিক পীখ্রে। মসিনা হৌজিক রেল শম্নবা অসি লৈবাক অসিগী মায়কৈ কয়াদগী অয়েৎপা লৈতনা ফংলগনি।    

প্রোজেক্ত অসিগী মরুওইবা মচাক

• প্রোজেক্ত অসি লুপা করোর ৮১১গী শেনফম কাইথখি।
• প্রোজেক্ত অসিগী অনৌবা লাইনগী লম অসি থেংলবদা ২০২০গী জুলাইদা লোইশিনখি অমসুং প্রোজেক্ত অসি থা ৫গী মতম পীরি
• মসি মপুং ওইবা (ক্রোসিং) স্তেসন ৩ অমসুং মচা (লেপ্নবা) স্তেসন ৪ য়াওনা পুন্না স্তেসন ৭ লৈরি।
• মসিগী মনুংদা ৪ অমদি অনৌবা স্তেসন্নি – মোরিয়া, তিলকৱাদা, গারুদেশ্বার অমসুং কেবাদিয়া অমসুং ৩ অমনা হান্না লৈবা স্তেসন মিং ওইনা হায়রবদা দভোই জন., বাদাজ অমসুং চান্দোদনি।
• মসিদা মপুং ওইবা থোং ৮, অপিকপা থোং ৭৯, থোং মথক্কী লম্বী ৯ অমসুং থোং মখাগী লম্বী ৩১ লৈরি। 
• প্রতাপনগর-দভোইগী মরক্কী খোঙজেল অসি পুংদা কিলোমিতর ৭৫ দগীনা পুংদা কিলোমিতর ১১০ অসি তেল্লবা মতম নুমিৎ ৭৫গী মনুংদনি অমসুং দভোই-কেবাদিয়া সেক্সন অসিনা পুংদা কিলোমিতর ১১০নি। প্রতাপনগর- কেবাদিয়াগী অপুনবা সেক্সন অসিনা পুংদা কিলোমিতর ১৩০নি। 
• দভোই জন. চান্দোদ অমসুং কেবাদিয়া অসিনা মফম অদুগী ওইবা অমসুং মতমগা চুনবা মওংদা শেম-শারি। কেবাদিয়া অসি ইন্দিয়াগী অহানবা গ্রীন বিল্দিং সর্তিফিকেসন ওইবা রেলৱে স্তেসন্নি।
• মতমগী চুনবা ইঞ্জিনিয়রিং তেক্নিক অমসুং মচাক হায়বদি মোবাইল ফ্লাশ বত ৱেল্দিং মেচিন, রেদি মিক্স কনক্রীত (আর.এম.সি.), হেভী আর্থ মুভিং ইক্যুপমেন্ত, হেভী দ্যুতি রোদ ক্রেন অমসুং ত্রেক মেচিন অসি থবকশিং অসি থুনা পাংথোকপা ঙম্নবা শিজিন্নরি।
• অকন্নবা তেক্নিকেল পাম্বৈ অমা থোং মচাশিং অসি শান্নবা মফম অদুদা ফংবা আর.সি.সি. পাইপশিং শিজিন্নরি। মসিনা মতম হন্থহতা নত্তনা চাওরাক্না লুপা করোর ২৭ লোম কল্লি।
• অনৌবা তেক্নোলোজি হায়বদি ফেক্তরি এসেপ্তেন্স তেস্ত (এফ.এ.তি.) অমসুং সাইত এসেপ্তেন্স তেস্ত (এস.এ.তি.) অসি ইলেক্ত্রোনিক ইন্তরলোক্কিং সিগ্নেল্লিং সিস্তেম ভর্চুএল ওইনা (কোবিদ-১৯ লায়চৎ মনুংদা) শিজিন্নদুনা সিগ্ননেলগী থবক য়াংশিন্নবা অমসুং মতম কল্লি।
• তাৱর ৱাগোন, ওভর হেদ ইক্যুপমেন্ত (ও.ঐচ.ই.) ৱায়রিং ত্রেন অসি ইলেক্ত্রিফিকেসন থবক্কীদমক শিজিন্নরি।

প্রতাপনগর - কেবাদিয়া সেক্সনগী ইলেক্ত্রিফিকেসন

• প্রতাপনগর – কেবাদিয়া সেক্সন (৮০ রুত কিলোমিতর) অসি রেলৱে মিনিস্ত্রীগী মিসন ১০০% রেলৱে ইলেক্ত্রিফিকেসন পোলিসিনা তৌরি
• মসিনা হেন্না নানবা, হেন্না শংবা, হেন্না য়াংবা অমসুং অকোইবদা অকাইবা পীদবা রেল ওইদুনা কার্বোনগী ফুতপ্রীন্ত হন্থহল্লি।

প্রোজেক্ত অসিগী মপুং ওইবা কান্নবা

• লৈবাক অসিগী মাইকৈ কয়াদগী অয়েৎপা লৈতবা রেল অসি মালেমদা খ্বায়দগী ৱাংবা ‘স্তেচু ওফ য়ুনিতি’গা শম্নহল্লি।
• অনৌবা কেবাদিয়া রেলৱে স্তেসন অসি চাওরাক্না ‘স্তেচু ওফ য়ুনিতি’দগী  কিলোমিতর ৬.৫ দমক লাপনা লৈরি।
• মতম শিন্দোক্তুনা চৎপা অসি বাদাজ-চান্দোদ-মোরিয়া-তিলকৱাদা-গারুদেশ্বার অসিদা হৌখ্রে অমসুং মফম অসিদা চাওখৎপা পুরক্লগনি।
• মসিনা শেংলবা নার্মাদা তুরেলগী মপালদা লৈবা মরুওইবা ধর্ম অমসুং থায়নগী লম্বোইবশিংগী মফমশিং হায়বদি কার্নালি, পোইচা অমসুং গারুদেশ্বার মন্দিরগা শম্নহল্লি।
• দোমেস্তিক অমসুং ইন্তরনেস্নেলগী লমকোইবশিং অনিমক হেনগৎহল্লি।
• মফম অসিগী সোসিও-ইকোনোমিক চাওখৎনবগী মচাক অমা ওইরি।
• অনৌবা থবক অমসুং ব্যুজিনেসকী খুদোংচাবা ফংহল্লি।

কেবাদিয়া স্তেসনগী মরুওইবা মচাক

• কেবাদিয়া রেলৱে স্তেসন অসি ইন্দিয়ন গ্রীন বিল্দিং কাউন্সিল (আই.জি.বি.সি.) রেজিস্তর তৌদুনা আই.জি.বি.সি.না সর্তিফাই তৌবা অহানবা রেলৱে স্তেসন ওইরি।
• এল.ই.দি. অমসুং স্তার রেতিং ওইবা ইলেক্ত্রিকেলগী মচাকশিং অসিনা ইলেক্ত্রিকসিতি কনগনি।
• ঈশিংগী ওইবা থৌরাংশিং মদুদি নোংগী ঈশিং, সিৱেজ ত্রীৎমেন্ত প্লান্ত, ইকো-ৱাতরলেস য়ুরিনেল অমসুং দ্রীপ ইরিগেসন অসি শিজিন্নরি।
• অরেমখাক ওইবা অশংবা ফৎত-হাওদি অসিনা হন্না শিজিন্নদুনা হার ওইনা শিজিন্নরি
• পেসেঞ্জরগী ওইনা এ.সি. কা অমসুং ভি.ভি.আই.পি. লৌঞ্জগী খুদোংচাবা থাক ২দা পীরি।
• ৩শুবা থাক্কী য়ুম অসিদগী লমকোইবশিংনা স্তেচু ওফ য়ুনিতি উবা ফংলি অমসুং ত্রাইবেল আর্ত গেল্লরী অমসু মফম অসিদা শেমগৎলি।  
• ফীত ১২ ৱাংবা স্তেচু ওফ য়ুনিতি মফম অসিগী মরুওইনা শেমগৎপনি। হায়রিবা অসি শ্রী রাম ভি. সুতুরনা দিজাইন তৌবনি।
• অকোইবদা চাওরবা পার্কিং মফম,  থেমাতিক পার্ক, সোলার লাইত পোল, পাক চাওরবা লম্বী, হোর্তিকলচর প্লান্তস, চা-থকপগী মফম অমসুং অঙাংগী শান্নফম য়াওরি।

ইন্দিয়া শম্নবা, ইন্দিয়া পুনবা

কেবাদিয়াদগী ইন্দিয়াগী নোংপোক, নোংচুপ, অৱাং, ময়াই অমসুং খা-থংবা মফমশিংদা ত্রেনগা শম্নরিবশিং মরীক চুম্না মখাদা পীরি:

• মথক্কী পীখ্রিবা লমথাখ্রবা ত্রেন ৮ অসিগী মথক্তা মখাদা পীরিবা ত্রেনশিং অসিশু মখোয়গী থবক তৌগনি:

• এক্সপ্রেস ত্রেনশিং অসি এল.ঐচ.বি. কোচকা লোয়ননা চেল্লি। জানশাতাবদি এক্সপ্রেস অসি খ্বায়দগী নৌবা “ভিস্তাদোম তুরিস্ত কোচ”য়াওরি, হায়রিবা অসিনা ইন্দিয়াগী অহানবনি।
• আই.আর.সি.তি.সি. অসিনা লমকোইবশিংদা পেক্কেজ অমা ওইনা স্তেচু ওফ য়ুনিতি ফাওবগী পীরি।
• কেবাদিয়া স্তেসন মনাক্তা লমকোইবশিং অসিগী খুদোংচানবা কা ৫০০ লৈবা হোতেল অমসু আই.আর.সি.তি.সি. না শাগৎলি।

মসি পনবদা মতিক চাই মদুদি স্তেচু ওফ য়ুনিতি অসি ইকাই খুম্নরবা প্রধান মন্ত্রী শ্রী নরেন্দ্র মোদীনা ২০১৩গী ওক্তোবরগী ৩১দা মহাক্না গুজরাতকী মুখ্য মন্ত্রী ওইরিঙৈদা সর্দার পতেলগী মপোক কুমোনগী নিংশিং থৌরমদা শেমগৎনবা উরেপ উয়ুং তমখিবনি। চাও-শাংলবা স্তেচু ওফ য়ুনিতি অৱাংবা মিতর ১৮২ অসি মীয়ামদা সর্দার পতেলগী ১৪৩শুবা মপোক কুমোনগী নিংশিং থৌরমদা ২০১৮গী ওক্তোবরগী ৩১দা হাংদোকখি। অখন্নবা ৱাখল্লোল অসি সর্দার ভল্লাভাই পতেল-অপুনবা ইন্দিয়াগী আইরন মেন অমসুং আর্কিতেক্ত ওইরিবা মহাক্কী মফমদা শ্রদ্ধাঞ্জলী কৎপনি। কেবাদিয়া রেলৱে স্তেসনগী ভুমীপুজন অসি ২০১৮গী দিসেম্বরগী ১৫দা ইকাই খুম্নরবা ভারতকী রাস্ত্রপতি শ্রী রাম নাথ কোবিন্দনা চিং-লেম্লবা থৌরম অমদা হৌদোকখিবনি। হৌজিক্তি দাভোই-চান্দোদ- কেবাদিয়া রেললাইন হৌদোকখ্রে,মসিনা লৈবাক অসিগী মীয়াম্না মশক নাইরবা স্তেচু ওফ য়ুনিতি অসি লায়না কোইবা য়াহনখ্রে। মসিনা লৈরিবা লমকোইবা লাইনিংবশিংগা মফমশিং মসিদা নৌনা শেমগৎলকপা জঞ্জল সাফারি পার্ক, এক্তা মোল, অঙাংশিংগী ন্যুত্রীসন পার্ক অমসুং আরোগ্যা ফোরেস্ত অমসুং অতৈ পুক্নিং চিংশিনবা য়াবা মফম কয়া অমা লৈরি। মসি পনবা য়াই মদুদি হান্না লৈরম্বা কেবাদিয়া & প্রতাপনগর (বাদোদারা)গী লম্বী অসি হৌজিক্তি মতম য়াম্না মাংহন্দ্রে অমসুং ভারাদা য়াম্না হন্থরে।   

*******