ঐখোয়না অথুবদা নুংশাগী মৈশানা মরম ওইরগা পোত্থোক পুথোকপা হন্থদবা গেহু মখল অমা অথুবদা পুথোক্লগনি।

নুংশাগী মৈশানা মরম ওইরগা মালেমগী মীশিংগী শরুক অহুম থোকপগী মনুংদা শরুক অমা হেন্না তাংদুনা হিংলিবা চান্নবা মহৈ মরোং ওইরিবা গেহু অসিগী পোত্থোক চাউনা হন্থহল্লি অমসুং ক্বালিতী মাংহল্লি।

শীংনবা অসি কোকহন্নবা দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী ইনস্পায়র ফেকল্তী ফেলো, দা. বিজে গহলোদনা স্তেবল ওইনা ত্রান্সমিৎ তৌবা মওং অমদা জিন এক্সপ্রেসন শেমদোক্নবা ইপিজেনেতিক রুৎ থিদোক্লি অদুবু মসিদা য়াওরিবা দি.এন.এ. সিক্বেন্স অসিদদি অহোংবা লৈহল্লোই, অসুম তৌদুনা হেরিতেবল জিনশিংনা তোঙান তোঙানবা গ্রেন ফিলিং স্তেজশিংদা নুংশাগী মৈশা অমসুং নন-স্ত্রেস কন্দিসনশিংদা কোন্থরকোই।

পালমপুরগী দি ইন্সতিত্যুত ওফ হিমালয়ন বাইওরিসোর্স তেক্নোলোজীগী বাইওতেক্নোলোজী দিবিজনদা ফেকল্তী ওইরিবা দা. বিজেনা তোঙান তোঙানবা গ্রেন ফিলিং স্তেজশিংদা গেহুগী জিনোতাইপশিংগী নুংশাগী মৈশা স্ত্রেস-তোলরেন্ত অমসুং মৈশাগী স্ত্রেস-সেন্সিতিবকী দি.এন.এ. মিথাইলেসন (দি.এন.এ. মোলিক্যুলদা মিথাইল গ্রুপশিং হাপচিনবগী বাইওলোজিকেল প্রোসেস অমা) পেতর্নশিংগী থৌদাং খঙদোক্কনি। মহাক্না মসি ইপিজিনোমিক মেপ্পিং কৌবা প্রোসেস অমগী খুত্থাংদা পাঙথোক্নবা প্রপোজ তৌখ্রে, মসিনা মহৌশাগী ওইবা ইপিজেনেতিক বেরিয়েসন খঙদোকপদা মতেংসু পাংগনি।

জর্নেল ‘জিনোমিক্স’তা মহাক্কী অনৌবা পব্লিকেসন অদুনা নুংশাগী মৈশাদা সি৫-এমতেস জিনশিংগী তোঙান তোঙানবা এক্সপ্রেসনগী পেতর্ন উৎদুনা গেহুদা স্ত্রেস রেস্পোন্সকী থৌদাং অদু তাক্লি। মসিনা মৈশা খাংবা ঙম্বা পোত্থোক ফবা গেহুগী মখলশিং পুথোক্নবা অচৌবা লম্বী অমা ওইরবা য়াই।

মহাক্কী রিসর্চকী খুত্থাংদা খঙদোক্লবা এপেলিয়োস হায়না খঙনবা মিথাইলেসনদা খেৎনবগী এসেআইদেন্তিকেল জিনশিং শীজিন্নবা অসিনা নুংশাগী মৈশা খাংবা ঙম্বা হেনগৎহনবা অমসুং পোত্থোক পুথোকপা হেনগৎহনবগা লোইননা অথোইবা গেহুগী মখলশিং ইঞ্জিনীয়র তৌদুনা গেহুগী পোত্থোক হেনগৎহন্নবা খ্বাইদগী অফবা পাম্বী অমা ওইরবা য়াই।

[পব্লিকেসনগী লিঙ্ক: https://doi.org/10.1016/j.ygeno.2020.08.031

অকুপ্পা মরপলগীদমক্তা দা, বিজে গহলোদ (gahlautvijayudsc[at]gmail[dot]com)তা পাউ ফাওরকপা য়াগনি। ]

******