ভারতকী উপ রাস্ত্রপতি শ্রী এম. ভেঙ্কাইয়া নাইদু অমসুং মহাক্কী লোয়নবী, শ্রীমতি উশা নাইদুনা ঙসি পানাজি, গৌৱাদগী কিলোমিতর ৪০ চৎলগা লৈবা পোন্দাগী, মাতৃছায়া নুপীমচাগী ওর্ফানেজদা চৎখ্রে অমসুং মসিদা লৈরিবশিং অমসুং স্তাফশিমগা উন্নদুনা ৱারি শান্নখ্রে। মখোয়গা লোয়ননা মখোয়গী মচানুপী স্বার্না ভারত থ্রসকী মেনেজিং থ্রস্তি ওইরিবা শ্রীমতি দীপা ভেঙ্কাত অমসুং ইমুং মনুংগী মীওইশিং য়াওখি।

শ্রী নাইদু অমসুং শ্রীমতি নাইদুবু ইন্সতিত্যুসন অসিগী অকোইবা মফমশিং উৎখি অমসুং মমা মপা লৈখিদ্রবা অমসুং খম থেমনা ৱারবা নুপীমচাশিংগীদমক মশা-মউ ফনবা অমসুং চাওখৎনবা থবকশিং লৌখৎনবা খঙহনখ্রে।

মাতৃছায়া থ্রসকী মেম্বরশিং অসিবু থাগৎপা ফোংদোক্লদুনা উপ রাস্ত্রপতিনা হায় মদুদি মখোয়না তৌরিবা কৎথোকপগী থবকশিং অসিদা মহাক্না য়াম্না পেনবা ফাওই অমসুং মখোয়বু সমাজ অসিদা ইন্দিয়াগী মতম শাংনদগী লৈরক্লবা ৱাখল্লোল ‘শেয়র এন্দ কেয়র’ হায়বা অসিদা সেবা তৌনবা হায়খি। শ্রী নাইদুনা হায়খি মদুদি ‘সেবা’ হায়বা ইথিল অসিনা মীওই অমনা অপেনবা কয়া অমা ফংবা ঙমগনি। স্বার্না ভারত থ্রসকা লোয়নরিঙৈ মতম অদু নিংশিংলদুনা মহাক্না হায় মদুদি অঙাংশিং অসিগা লৈম্মিনরিঙৈ ঐহাক্না নুঙাইবা ফাওই।    

শ্রী নাইদুনা নুঙাইবা ফোংদোকখি মদুদি হোম অসিদা নুপীমচা ৮০০দগী হেন্না লৈরম্বা অসিদা অমসুং নুপীমচা ৩০ হেনবা অমা লুহোংখিবা অসিদা। মহাক্না মসি অমগশু হায়খি মদুদি মফম অসিদা লৈরিবা অয়াম্বনা লাইরিক লাইশুদা চংখোনবা অমসুং শান্ন খোৎনবগী হিরম কয়া অমদশু ফরম্বা অসিদা নুঙাইবা ফাওই হায়না হায়খি।

উপ রাস্ত্রপতিনা হায় মদুদি এন.জি.ও. কয়া অমনা লৈবাক শিনবা থুংনা সরকারগী ওইবা সেন্তর অমসুং স্তেতকী ওইবা থবক কয়াদা মতেং তৌরি। ঐহাক্না হায়জরি মদুদি কোর্পোরেৎ সেক্তরশিংনা সি.এস.আর.গী মখাদা মতেং তৌদুনা সমাজগী সেবা তৌনবা হায়না।

উপ রাস্ত্রপতিনা শম্লপ্না মসি অমগশু হায়খি মদুদি অতোপ্পা সমাজগী ওইবা প্রোজেক্ত কয়া অমা মাতৃছায়া থ্রস্না পায়খৎলি মদুদি তালৌলিদা নুপামচাগী ওইবা বাল কালয়ান আশ্রম, মাদগৌন, রুগ্নাশ্রেদা নুপীমচাগী ওইবা হোম, মতম খরগী ওইনা লৈত-লায়র নংলবা অনাবশিংগী লৈফম হোম, অমসুং অতৈ খোঙথাং কয়া অমা অসিনি। মসি নিংশিংবা য়াই মদুদি সোসিএল ৱার্কর কাংবু অমনা পুন্না এন.জি.ও.হৌদোক্নবা মাতৃছায়াদা ১৯৭৬তা লাকখিবনি।

মালেমগী খ্বায়দগী চাওরবা ভেক্সিন্নেসন ঙসি হৌদোকখিবগা লোয়ননা, শ্রী নাইদুনা হায় মদুদি মসি লৈবাক অসিগী চাওথোকচনিংঙাইনি। মসিনা আত্মা নির্ভরতা চাওখৎলকপগী খুদম অমনি। মহাক্না মীয়াম প্রজা অসিবু ঙাকথোক্নবা ওইজবা থিদনা অমসুং চোকথবা লৈতনা থবক তৌরিবা কোবিদকী লান্মীশিং অমসুং সাইন্তিস্তশিং অসিবু থাগৎপা ফোংদোকখি।

*****