১) ইং ২০১৭তা য়ুরোপিয়ন য়ুনিয়ন্না তুং কোইনা চৎপা শেন্মিৎলোনগী শাহৌ লৌবগী ফিভম অমা ওইরকপদা তেংবাংনবা ইনভাইরনমেন্তেল-ইকোনোমিক একাউন্তিং, মরু ওইনা ইকোসীস্তেম একাউন্তিংগী লৌশিংবু হেনগৎহনবদা তেংবাংনবগীদমক্তা “নেচরেল কেপিতেল একাউন্তিং অমসুং ভেলুএসন ওফ ইকোসীস্তেম সর্ভিসেস” (এন.সি.এ.ভি.ই.এস.) কৌবা প্রোজেক্ত অমা হৌদোকখি। মসিগী এন.সি.এ.ভি.ই.এস. প্রোজেক্ত অসি হৌজিক য়ুনাইতেদ নেসন্স স্তেতিস্তিক্স দিবিজন (য়ু.এন.এস.দি.), য়ুনাইতেদ নেসন্স ইনভাইরনমেন্ত প্রোগ্রাম (য়ু.এন.ই.পি.) অমসুং সেক্রেতরিএৎ ওফ দি কনভেন্সন ওফ বাইওলোজিকেল দাইভর্সিতী (সি.বি.দি.)না লৈবাক মঙাদা - ইন্দিয়া, ব্রাজিল, চাইনা, মেক্সিকো অমসুং খা-অফ্রিকাদা থবক ওইনা পাংথোক্লি।

২) স্তেতিস্তিক্স অমসুং প্রোগ্রাম ইমপ্লিমেন্তেসন মন্ত্রালয়না চহ অহুমগী মনুংদা এন.সি.এ.ভি.ই.এস. প্রোজেক্তকী মখাদা খোঙথাং কয়া অমা পায়খৎখি। মন্ত্রালয় অসিনা প্রোজেক্ত অসিগী মখাদা পায়খৎপা থবকশিংবু মীয়ামদা য়ৌহনবগী পান্দমদা অমসুং নেচরেল কেপিতেল একাউন্তকী থৌওংশিং অসি শিজিন্নবা য়াবা মফম, মরু ওইনা ৱারেপ লৌবা অমসুং পোলিসী য়েংশিনবগী হীরমদা, কয়াগী মতাংদা মিৎয়েং চঙলদুনা মন্ত্রালয় অসিনা য়ুনাইতেদ নেসন্স স্তেতিস্তিক্স দিবিজন (য়ু.এন.এস.দি.) অমসুং য়ুরোপিয়ন য়ুনিয়ন অমসুং য়ু.এন. ইনভাইরনমেন্তকা খুৎশম্নদুনা এন.সি.এ.ভি.ই.এস. ইন্দিয়া ফোরম (ভর্তুএলগী মওংদা) অসি শিনবনি।

৩) এন.সি.এ.ভি.ই.এস. ইন্দিয়া ফোরম ২০২১গী লাইব সেসন অহুমদি জনুৱারি ১৪, ২১ অমসুং ২৮, ২০২১দা পাংথোক্নবা থৌরাং য়াৎখ্রবনি। ঙসি পাংথোকখিবা থৌরম অসিগী অহানবা সেসন অসি নেচরেল কেপিতেল একাউন্তিং অমসুং ইকোসীস্তেম সর্ভিসশিংগী মমল লেপ্পগী লমদা ভারত অমসুং মালেমগী এজেন্সীশিংনা পাংথোকখিবা থবকশিংগী মতাংদা মরু ওইনা খন্নখি। সেসন অসিদা মালেমগী মফম খুদিংদগী মীওই কয়া অমনা শরুক য়ারকপগী ফিভম উবা ফংখি। লাইব থৌরম অসিগী রেকোর্দিং অসি ৱেব-পোর্তেল http://ncavesindiaforum.in অসিদা ফংগনি।

৪) এম.ও.এস.পি.আই.গী সেক্রেতরী, দাঃ খত্রপতি শিবাজীনা এম.ও.এস.পি.আই.না লৈবাক্কী স্তেতিস্তিক্সকী পথাপশিংগী মিৎয়েং চঙফম ওইবনা মসিনা লৈবাক অসিগী দেতাগী পথাপ অসিবু শিন-লাঙবা অমসুং অমগা-অমগা চান্ননা লৈহন্নবা মরু ওইবা থৌদাং পাঙথোক্লি অমসুং মন্ত্রালয় অসিনা লৈবাক্কী অপাম্বশিংগী মতুং ইন্না মখোয়গী থৌদাংশিং অসি হেন্না ৱাহন্থোক লৈহন্নবা শেম-শাদুনা লৈবগা লোয়ননা ভারতকী নেস্নেল স্তেতিস্তিকেল সীস্তেম্বু মপাঙ্গল কনখৎহন্দুনা পোলিসী কয়াদা ইনপুৎ মতম চানা পীনবা অমসুং মীয়ামদা ই-পাউ য়ৌহন্নবা হান্নদগী হেন্না থবক পাংথোকপা হেনগৎলে হায়রদুনা থৌরম অসি হৌদোকখি। মহাক্না পান্দমশিং অসি ফংনবগীদমক্তা মন্ত্রালয় অসিনা পায়খৎপা খোঙথাংশিংগী মরক্তা সীস্তেম ওফ ইনভাইরনমেন্তেল ইকোনোমিক একাউন্তিং (এস.ই.ই.এ.) শিজিন্নবা হৌবা অসিসু অমনি হায়খি।

৫) কেন্দ্রগী স্তেতিস্তিক্স অমসুং প্রোগ্রাম ইমপ্লিমেন্তেসনগী রাজ্য মন্ত্রী (ইন্দিপেন্দেন্ত চার্জ) অমসুং প্লান্নিংগী মন্ত্রী, শ্রী ইন্দর্জিৎ রাওনা মহাক্কী ৱারোলদা মন্ত্রালয় অসিনা খুদমদা য়ুম্ফম ওইবা পোলিসী শেম্বগী থৌওংগীদমক্তা মতম চানা দেতা পুথোকপা অমসুং য়েন্থোকপগী থৌওং নীংথিজনা পাংথোক্নবা হোৎনদুনা লাক্লি অমসুং ইনভাইরনমেন্ত স্তেতিস্তিক্স অমসুং ইনভাইরনমেন্ত একাউন্তকীদমক্তা খ্বাইদগী ইনৌ-নৌবা ফ্রেমৱর্ক শিজিন্নবা অসিসু অহোংবা নাইবা পোলিসীগী চৎনবীশিং অসিগা চুননা লৈনবগীদমক্তা লেপ্তনা পাংথোকপা থৌওংগী শরুক অমনি হায়না হায়খি।

৬) ভারত্তা লৈবা য়ুরোপিয়ন য়ুনিয়নগী এম্বেসেদর, শ্রী য়ুগো অস্তুতোনা এম.ও.এস.পি.আই.গী থবকশিংবু থাগৎখি অমসুং অইং-অশা হোংলক্লিবা অমসুং বাইওদাইভর্সিতীগুম্বা অকোয়বগী মরী লৈনবা শিংনবা কয়া অসিগী মরমদা য়েংশিন্নবা সাইন্সতা য়ুম্ফম ওইবা দেতানা চলায়বা পোলিসীগী তঙাই ফদবা লৈরিবা অসি য়েংলুরগদি নেচরেল কেপিতেল একাউন্তিং অসি য়াম্না মরু ওই হায়রদুনা ৱাফম অসিদা মিৎয়েং চঙখি। মহাক্না নেচরেল কেপিতেল একাউন্তিং অসি ১৯৮০গী লোইশিল্লকপা মতমদগী চৎনবা হৌরকখিবা ওইবনা, মপুং ফারবা এস.ই.ই.এ.গী থৌরাং অমা লৈদুনা, অফবা থৌওংশিং লান্নবা অমসুং অমনা অমদগী তমজবগী খুদোংচাবা কয়া অমা লৈ অমসুং য়ুরোপিয়ন য়ুনিয়ন্না ভারতপু হীরম অসিগী মতাংদা মতুং তারকপা মতমদসু লেপ্তনা তেংবাংগনি হায়খি।

৭) সেসন অসিগী মনুংদা, এম.ও.এস.পি.আই.না এন.সি.এ.ভি.ই.এস. প্রোজেক্তকী মখাদা পায়খৎখিবা খোঙথাং কয়াগী রীপোর্ত অমসু ফোঙখি। মন্ত্রালয় অসিনা মখোয়গী পব্লিকেসন্দা (ইনভিস্তেৎস ইন্দিয়া) ফোঙখিবগী মতুং ইন্না রীপোর্ত অসিদা এম.ও.এস.পি.আই.না তোঙান-তোঙানবা ইনভাইরনমেন্তকী পোত্থোকশিং অমসুং সেবাশিংগী মতাংদা খোমজিন্দুনা শম্লপ্না থম্বা ৱারোল য়াওরি।  রীপোর্ত অসিনা মন্ত্রালয় অসিনা এন.সি.এ.ভি.ই.এস. প্রোজেক্তকী শরুক অমা ওইনা পাংথোকখিবা পাইলোৎ এক্সর্সাইস খরগী মতাংদসু মিৎয়েং চঙখি।

৮) য়ু.এন. কম্মমিত্তী ওফ এক্সপর্ত ওন ইনভাইরনমেন্ত ইকোনোমিক একাউন্তিংগী চেয়রমেন, শ্রী বর্ত ক্রোস অমসুং য়ু.এন.ই.এস.সি.এ.পি.গী দাইরেক্তর,জেম্মা ভান হালদেরান্না অকোয়বগা শেন্মিৎলোনগা মরী লৈনহনবা অমসুং তুং কোইনা চাউখৎপগী প্রজেন্তেসন অমা পীখি। মখোয়না মিৎয়েং চঙলিবা হীরম অসিদি সীস্তেম ওফ ইনভাইরনমেন্তেল ইকোনোমিক একাউন্তিং (এস.ই.ই.এ.)দনি। মখোয়না সাইন্তিফিক অমসুং ইকোনোমিক দেতাবু মহৌশাগী একাউন্তিংগী ৱাখল্লোনগা পুন্সিন্নদুনা কন্সেপচুএল ফ্রেমৱর্ক অমা শিজিন্নবগী মরু ওইবগী হীরমদা মিৎয়েং চঙখি। মখোয়না এস.ই.ই.এ.না মহৌশাগী হৌরকফম অমসুং অকোয়বগী লৈজরিবা অমসুং লেপ্তনা চেল্লিবা থৌওংদা অহোংবা লাকপবু য়েংশিন্দুনা শেন্মিৎলোনগী শাহৌ লৌবদা তুং কোইনা চৎপা য়াবা য়াদবগী মতাংদা য়েংশিনবগী থৌওংদা মতেং পাংবা ঙমগনি হায়বা ৱাফম ফোংদোকখি।

৯) য়ু.এন.এস.দি.গী দাইরেক্তর, স্তেফান স্বাইনফেস্ত, য়ু.এন.ই.পি.গী দাইরেক্তর, সুসেন গার্দনর, ৱর্ল্দ বেঙ্ককী দাইরেক্তর, করিন ইরিকা কেম্পর অমসুং দাইরেক্তর জেনেরেল (স্তেতিস্তিক্স), দাঃ শাইলজা শর্মনা পেনেলিস্ত ওইদুনা পাংথোকখিবা পেনেলশিংগী খন্ন-নৈনবা অসিনা নুমিৎ অসিগী মরু ওইবা থৌরম ওইখি। খন্ন-নৈনবা অসি ভারতকী হান্নগী চীফ স্তেতিসস্যান ওইবীরম্বা শ্রী প্রবিন স্রিভাস্তবানা ৱাতেম্বীখি। পেনেলিস্তশিং অসিনা মখোয়গী পাক-চাউরবা লৌশিং লান্নখি অমসুং হৌখিবা চহি ৩দা এম.ও.এস.পি.আই.না এন.সি.এ.ভি.ই.এস. প্রোজেক্তকী মখাদা মাই পাকখিবশিং অদুগীদমক্তা থাগৎপা ফোংদোকখি। মখোয়না মরু ওইনা ভারতকুম্বা চাউখৎলক্লিবা লৈবাকশিংগুম্বা অসিগী ওইনদি শেন্মিৎলোনগী মতাংদা লৌবা ৱারেপ খুদিংমক্তা অকোয়বগী মতাংদা পথাপ নায়বা মওংদা খন্নবা য়াওনবগীদমক্তা থবক-থৌরমশিংগী থৌরাং য়াত্তুনা থম্বা অসি য়াম্না তঙাই ফদ্রবা অমা ওইরক্লবনি হায়খি। দাঃ শর্মনা এস.ই.ই.এ.গী ফ্রেমৱর্কশিংগী থবক পাংথোক্নবা এম.ও.এস.পি.আই.গী তুংগীদমক্তা থৌরাং য়াত্তুনা থম্লবা থৌওংশিংগী মতাংদা পাউদম্বগা লোয়ননা মালেমগী পান্দমগা মরী লৈননা মন্ত্রালয় অসিনা পাংথোকখিবা থবকশিংগী মতাংদা কুপথনা পাউদমখি। পেনেলিস্ত ময়াম অসিনা মখোয়না এম.ও.এস.পি.আই.না ইনভাইরনমেন্ত একাউন্তিংগী মতাংদা অথুবা মতমদা মাঙজিল থাদুনা চৎলগনি হায়বগী মান্ননা থাজবা থমখি।

১০) জনুৱারি ২১, ২০২১দা পাংথোক্কদবা থৌরম অসিগী অনিশুবা নুমিত্তা ইনভাইরনমেন্ত, ফোরেস্ত অমসুং ক্লাইমেৎ চেঞ্জকী কেন্দ্র মন্ত্রী, শ্রী প্রকাশ জাব্রেকরনা ভারতকী ইনভাইরনমেন্তেল গভর্নেন্সকী তুংদা ওইরক্কদবা ফিভমগী মতাংদা ৱা ঙাংগনি। নিনিশুবা নুমিৎ অসিদা য়ুনাইতেদ নেসন্স ইনভাইরনমেন্ত প্রোগ্রামগী একজেক্যুতিব দাইরেক্তর, মিস ইঙ্গর এন্দর্সন, য়ুনাইতেদ নেসন্স কনভেন্সন ওন বাইওলোজিকেল দাইভর্সিতীগী একজেক্যুতিব সেক্রেতরী, মিস ইলিজাবেথ রেমা অমসুং য়ুনাইতেদ নেসন্সকী চীফ ইকোনোমিস্ত অমসুং ইকোনোমিক দিভেলপমেন্তকী এসিস্তেন্ত সেক্রেতরী জেনেরেল, শ্রী ইলিওৎ হেরিসসু শরুক য়াগনি। ৪

১১) ফোরম অসিগী মনুংদা, মন্ত্রালয়না অকোয়বা অসিবু ঐখোয়গী পোলিসীগী চৎনবীগী মরু ওইবা হীরম অমা ওইহন্নবা সরকারনা পায়খৎলিবা খোঙথাংশিংগী মতাংদা খঙহন্নবা হোৎনখি অমসুং এন.সি.এ.ভি.ই.এস. ইন্দিয়া ফোরম ২০২১দা স্তেকহোলদর খুদিংনা থৱাই য়াওনা শরুক য়ারকপা অসিবু তরাম্না ওকখি।

***