হাওসিং অমসুং আর্বান এফিয়র্স মিনিস্ত্রীগী মিনিস্তর ওফ স্তেত (আই/সি) শ্রী হার্দীপ সিংহ পুরি, কেমিকেল অমসুং ফর্তিলাইজরলকী য়ুনিয়ন মিনিস্তর শ্রী দি. ভি. সদানন্দা গৌদা অমসুং কর্নাতকাগী চীফ মিনিস্তর শ্রী বি. এস. য়েদিয়ুরাপ্পানা ঙসি ত্রেন ফ্লেগ হাইদুনা কিলোমিতর ৬ শাংবা খা থংবদা ফেজ-২গী মখাদা নম্মা মেত্রোদগীনা য়েলাচেনাহল্লি সিল্ক ইন্সতিত্যুৎ মেত্রো স্তেসন ফাওবা হৌদোকখ্রে। ঙসি হৌদোক্লিবা মেত্রো এক্সতেন্সন লাইন অমসুং এফ.ও.বি. অসিনা বেঙ্গালুরু মিসন ২০২২গী পান্দম হেন্না য়াংনা মফম য়ৌনবা অমসুং স্মার্ত মোবিলিতি ওপসনগীদমক মাংলোমদা চংশিনবনি।

বেঙ্গালুরু মেত্রো রেল প্রোজেক্ত ফেজ-২ অসি কিলোমিতর ৭৪ শাংবা লোয়ননা স্তেসন ৬২গা লোয়ননা পর্পল অমসুং গ্রীন লাইন অনিমক মায়কৈ মরিমক অপুনবা কিলোমিতর ৩৪ অমসুং অনৌবা লাইন অনি মদুদি কিলোমিতর ২১ শাংবা রুত গোতিগেরে-নাগাৱারা অমসুং কিলোমিতর ১৯ শাংবা রুত আর.ভি. রোদ বোম্মাসান্দ্রা অসিনি। প্রোজেক্ত অসি লুপা করোর ৩০,৬৯৫ চংনা তৌবনি। হায়রিবা চাওথোক্লিবা অসিনা হৌজিক লৈরিবা য়েলাচেনাহল্লিগী মথক্তা অনৌবা স্তেসন মঙা মিং ওইনা; কোনানাকুন্তে ক্রোস, দোদ্দাকাল্লাসান্দ্রা, ভাজারাহল্লি, থালাঘাত্তপুরা অমসুং সিল্ক ইন্সতিত্যুৎ অসিনি। শাংদোক্লিবা অসিনা হৌজিক শিজিন্নরিবা কিলোমিতর ২৪.২ শাংবা অসিদা কিলোমিতর ৬ হাপকৎপনি। শাংদোক্লিবা অসিনা এন-এস কোরিদুর অসি কিলোমিতর ৩০.২ শাংদোক্লগনি। হেন্দোক্লিবা মফম অসি স্পান ২১৩ য়াওরি। থবক অসিদা পাইলস ১০৩২, পাইয়রস ২২৩ অমসুং সেগমেন্ত ১৯৯৮ সুপরস্ত্রকচরগীদমক য়াওরি মশিং ৬৬৫ গির্দরস স্তেসন্দা য়াওরি। মপুং ওইবা মচাক্তা কনক্রীৎ ২,১০,৯৬৫ অমসুং স্তীল মেত্রিক তোন ২০,৫০০ থবক অসিদা শিজিন্নরি। ইলেক্ত্রিফিকেসন, সিগ্নেল্লিং অমসুং তেলেকম্ম্যুনিকেসন, ‘স্তেত ওফ আর্ত ইক্বুইপমেন্ত’,মখল কয়াগী কিলোমিতর ৭৬৫কী কেবল অমসুং ৱায়র তিংখি। মেত্রো অসিগী ফিচর খর পীরি:

• পেসেঞ্জরশিংগী খুদোংচানবা স্তেসন খুদিংগী এস্কালেতর ৮ অমসুং ইলিভেতর ৪, পুন্না এস্কালেতর ৪০ অমসুং ইলিভেতর ২০ শিজিন্নরি।
• স্তেসন মঙামক অপুনবা মেগা ৱাত ১.২ ওইবা রুফ তোপ সোলার পাৱর লৈগনি। সোলার পাৱর প্লান্ত হাপচিনবা অসি ২০২১গী মার্চ ফাওবদা লোইশিন্নবা পান্দম থম্লি।
• এল.ই.দি.গী লাইত স্তেসন মঙামক্তা পীগনি।
• স্তেসন পুম্বা চংফম/থোকফম অসি নৌনা লম্বী শেমদুনা পীরি। বাস থাফম, তেক্সি অমসুং ওতোগী লৌখৎফম অমসুং থাদফম  লম্বীশিং অসিদা পীরি।
• নাম্মা শোইরবা মীওইশিগীদমক খুদোংচাবশিং হায়বদি রেম্পশিং, লিফ, তোঙানবা তোইলেৎ অমসুং ত্রেনশিং অসিদা তোঙান্না মফমশিং পীরি

মল্তি মোদাল ইন্তিগ্রেসন

• • স্তেসন মঙা অসিদা নাকন অনিদা মপুং ফানা হোংবা য়াবা লম্বী বাসশিং খাম্নবা অমসুং ইন্তর্মেদিয়েৎ পব্লিক ত্রান্সপোর্ত (আই.পি.তি.)গী মফম পীরি।

ৱান নেসন ৱান কার্দ

• বেঙ্গলোর মোত্রোনা স্তেত-ওফ-আর্ত-তেক্নোলোজিনা ওতোমেতিক ফেয়র কল্লেক্সন (এ.এফ.সি.) সিস্তেম শিজিন্নরি, মসিনা হৌজিক হাংদোক্লিবা স্তেসন মঙা অসিদা এন.সি.এম.সি. ওপন লুপ ‘ৱান নেসন ৱান কার্দ’ শিজিন্নদুনা চৎথোক চৎশিন্দা মতেং পাংই।
• হৌজিক চৎনরিবা কিলোমিতর ৪২ শাংবা স্তেসন ৪০দা লৈরিবা এ.এফ.সি. সিস্তেম অসি এন.সি.এম.সি.দা হেন্না ফগৎহনখ্রে।
• এন.সি.এম.সি.দা তিকেৎকী থবক তৌবা, ফেজ-১ লাইন য়াওনা, ২০২১গী ওগস্তকী ১৫ ফাওবদা ফংহন্নবা পান্দম থম্লি। মদুগী মতুংদা, বেঙ্গালুরুদা লৈরিবা কিলোমিতর ৫৫ শাংবা অপুনবা মেত্রোগী নেতৱার্ক অসি, নোংচুপ থংবা অসি য়াওনা চৎথোক চশিন অসি রুপে কার্দ নত্ত্রগা এন.সি.এম.সি.দা কম্প্লেন্ত তৌবা কার্দনা শিজিন্নবা য়াগনি।

****