এ.পি.ই.দি.এ.না সাউথ এসিয়া বাইওতেক্নোলোজী সেন্তর অমসুং দি.বি.তি.-এস.এ.বি.সি. বাইওতেক কিসান হব, বাইওতেক্নোলোজী বিভাগ, আই.সি.এ.আর.-দি.এম.এ.পি.আর., লৌউশিংউ বিভাগ অমসুং আর.এস.এ.এম.বি., রাজস্থান সরকারগা খুৎশম্নদুনা রাজস্থান্দগী ইসাবগোলগী পোত্থোকশিংবু মীরমদা থাদোক্লিবা মীওইশিংগী সপ্লাই চেনগী মপাঙ্গল হেনগৎহন্নবগীদমক্তা “লৌউ-শিংউবগী নীংথিজবা থৌওং (জি.এ.পি.), ইসাবগোল (সাইলিউম)গী মগুম হাপচিনবা অমসুং প্রোসেসিং তৌবা”গী মতাংদা ৱেবিনার শিনখ্রে।

এ.পি.ই.দি.এ.গী চেয়রমেন, দাঃ অঙ্গামুথুনা মহাক্কী তরাম্না ওকপগী ৱারোলদা ইসাবগোল (সাইলিউম) অসি হকচাংদা মখল কয়াগী কান্নবা পীবা তোপ-তোপ্পা পোত্থোক অমনি হায়খি। য়ু.এস.এ., য়ুরোপ, ওস্ত্রেলিয়া অমসুং চাইনানচিংবা চাউখৎপা লৈবাকশিংদদি মসি য়াম্না পাম্নৈ। মহাক্না মসিগী পোত্থোক পুথোকপা হেনগৎপা অমসুং মসিগী পোত্থোকশিং অসিবু মীরমদা থাদোকপগী মতাংদা মিৎয়েং চঙখি। রাজস্থান সরকারগী এগ্রিকলচর অমসুং হোর্তিকলচরগী কম্মিস্নর, দাঃ ওম প্রকাশনা ইসাবগোল অসি য়াম্না নৌবা পাম্বী অমনি অমসুং মসিবু খাওবগী মতমদসু নোং অমসুং লিক্লানা অশোকপা পী হায়না হায়খি। অইং-অশাগী তোঙান-তোঙানবা ফিভমদা মতম শাংনা হৌবা ঙমগদবা অমসুং লৌরোক হেন্না থোক্কদবা মসিগী মখল কয়া অমা পুথোকপগী তঙাই ফদবা লৈ অমসুং মসি পাংথোক্লবদি ইন্দস্ত্রীশিংনা মসিদগী শেম-শারবা পোত্থোক হেন্না ফংবা ঙমগনি হায়নসু মহাক্না ফোঙদোকখি।

এ.পি.ই.দি.এ. অমসুং আর.এস.এ.এম.বি.না মখোয়গী থবকশিংগী মতাং অমসুং মসিগী মতাংদা মালেমদা তৌনরিবা ললোন-ইতিক, লমদমসিদা মসি থাবা অমসুং ইসাবগোল পুথোকপদা রাজস্থানগী শরুক, রাজস্থান্দা এক্সপোর্ত অমসুং এগ্রো প্রোসেসিং ইন্দস্ত্রী শেমগৎনবা শেলগী তেংবাং পীবা স্কিমশিংগী মতাংদা তাকপা য়াম্না কুপথবা প্রজেন্তেসন উৎখি।

থৌরম অসিদা দাঃ সত্যজিৎ রোয়, দাইরেক্তর, আই.সি.এ.আর.-দাইরেক্তোরেৎ ওফ মেদিসিনেল এরোমেতিক প্লান্ত রিসর্চ (দি.এম.এ.পি.আর.), অনন্দ, গুজরাৎ; দাঃ সি.সি. মায়ী, প্রসিদেন্ত সাউথ ইস্ত এসিয়া বাইওতেক্নোলোজী সেন্তর অমসুং দি.বি.তি.-এস.এ.বি.সি. বাইওতেক কিসান হব ফোর ৱেস্তর্ন দ্রাই রীজন; দাঃ আর. নাগারাজা রেদ্দী, সাইন্তিস্ত, আই.সি.এ.আর.-দি.এম.এ.পি.আর.; শ্রী ভাগিরথ চৌধরী, দি.বি.তি.-এস.এ.বি.সি. বাইওতেক কিসান হব, সাউথ এসিয়া বাইওতেক্নোলোজী সেন্তর, জোধপুর অমসুং এ.পি.ই.দি.এ.গী বোর্দ মেম্বর; শ্রী জয়দীপ স্রিভাস্তবা, চীফ জেনেরেল মেনেজর, নাবারদ, জয়পুরনসু মখা তানা ৱা ঙাংখি।

ৱেবিনার অসিদা হৌদোক্নখিবা মরু ওইবা হীরমশিং অসি মখাদা পীরিঃ

১) ইসাবগোলগী মরু পুথোকপা অমসুং নীংথিনা শেন্নবগীদমক্তা রাজস্থানগী লৌউবশিং অমসুং এফ.পি.ও.শিংগী ওইবা কেপাসিতী বিলদিং প্রোগ্রাম শিল লাঙবগী তঙাই ফদবা লৈবা অমসুং লৌউবশিংনা অফবা এগ্রোনোমিক্কী থৌওং শিজিন্নবা।

২) ইসাবগোল অসি য়াম্না নৌবা পাম্বী অমনি অমসুং মসিবু খাওবগী মতমদসু নোং অমসুং লিক্লানা অশোকপা পী হায়না হায়খি। অইং-অশাগী তোঙান-তোঙানবা ফিভমদা মতম শাংনা হৌবা ঙমগদবা অমসুং লৌরোক হেন্না থোক্কদবা মসিগী মখল কয়া অমা পুথোকপগী তঙাই ফদবা লৈ অমসুং মসি পাংথোক্লবদি ইন্দস্ত্রীশিংনা মসিদগী শেম-শারবা পোত্থোক হেন্না ফংবা ঙমগনি।

৩) লৌরোক হেনগৎনবগীদমক্তা অফবা মগুন চেনবা মরু পুথোকপা, মসিগী তোঙানবা মখলশিং পুথোকপা অমসুং লৌরোক অসিবু লায়না-তিলনাদগী ঙাকথোক্নবগীদমক্তা লৌউবশিংদা তেকনিকেলগী ওইবা লৌশিং পীবা।

৪) তোঙানব মখল পুথোকপা, মরুবু নীংথিনা শেন্নবা অমসুং মরু শিন্দোকপগী খুত্থাংদা পামদবা নাপী, তিলহাৎ হিদাকশিংদগী ঙাকথোকপগী তঙাই ফদবা লৈবশিং।

৫) ইন্তর্ক্রোপ্পিংগী খুত্থাংদা পোত্থোক পুথোকপা হেনগৎপা, তিলহাৎ হিদাক শিজিন্নবগী জি.এ.পি.গী চাং অসি মালেমগী চৎন-কাঙলোনগী মতুং ইনবা।

৬) ভারত সরকারনা ভারত্তা এফ.পি.ও. ১০০০০ শেমগৎপগী পান্দম অসিগী মতুং ইন্না এফ.পি.ও.শিংনা পুনবগী থৌওংবু পুক্নিং থৌগৎপা।

৭) ইসাবগোলগী মগুন হাপ্নবা, মখোয়বু লমজিং লমতাকপীনবা, কৈথেলশিংগা শম্নহন্নবা অমসুং তেক্কনিকেলগী ওইবা তেংবাংনবগীদমক্তা এফ.পি.ও.শিংগী তঙাইফদবশিং।

8) ফুদ প্রোসেসিং য়ুনিৎ, ওর্গানিক্কী পোত্থোক পুথোকপা অমসুং মীরমদা থাদোকপগী থৌরমশিংদা নহাশিংবু শরুক য়াহন্দুনা য়াওহনবা।

৯) ইসাবগোলগী পোত্থোকশিংগী অপাম্বা হেনগৎনবা অমসুং মখোয়গী মগুন হাপ্নবা থৌরাং য়াৎপা।

তোঙান-তোঙানবা কেন্দ্র/রাজ্য সরকারগী বিভাগশিং, দি.বি.তি.-এস.এ.বি.সি., এন.এ.বি.এ.আর.দি., এস.এফ.এ.সি., ইসাবগোল প্রোসেসর এসোসিএসন, ইন্দস্ত্রী অমসুং এক্সপোর্ত তৌবা মীওই ৭০ হেনবনা ৱেবিনার অদুদা শরুক য়াখি।

********